قصيدة ما انساك ( مصافحه اولى ) للشاعر / يوسف المرزوقي

[ولد المرازيـــق]

مانساك لو تنسى عيـــوني نظرها = ومانسى عيون ناظرت فيـــني الكـون


منهو يقـول الشمس تكره بصـــرها = لا والله الا الشــمس بعيــــونها عيــــون


النــور نورك زاهــي فـــــي دررها = ابســـم وريح نفس تبــــحر بالشـــجون


حـــبك على الفــــواد نزل مطـــرها = واســـقت فواد ضامي الحب مجــــنون


والنـــفس خــاوت حزنـها مع كدرها = واصـــبحت في دنيا الجفا حيل مطعون


وصرت اعزف الحان الحزن في وترها = نفسي وهي مصدر من الهام مسجون


اه عــلى تذكـــار باقـــي صــــورها = نفــس وعشق في عنا الوقت مرهون


اغلــي انا روحـــــي لأغلـــى عمرها = والروح ترخـــص له وانا اقول ممنون


فتـــانة تســــلب خـــيالي بشـــعرها = ولولا الـشعر والشعر وشلون وشلون


بحـــر الشـــعر يـــغرق بلجة بحـــرها = تفـتن جميع اللي على الارض يمشون


سبـــحان رب مـــبدع فــــي نـــحرها = ولذة احاســيس الهـوى بيدها يصون


تكـسر جميع اللي نــوى في كسرها = لو كان عايش في حصن داخل حصون


يازينـــها يازيــــن ريــــحة عطــــرها = تزلزل ارض الحـــب لو تمـــشي بهون


لاما ابالغ فـــي الشـــعر لو ذكــــرها = انهــــا ملاك الشـــــعر والناس يدرون


وياما اســـرت مسكـــين ينوي اسرها = مايدري ان اســـره لها نزوة ظنــون


مانســاك لو ذقت المـــرار وخـــــطرها = ومانـسى عيون ناظرت فيني الكون


منــهو يقول الشــــمس تنســى بصرها = لا والله الا الشمـــس بعيونها عـــيون


شـــعري نوى كتمـــانها بس جـــهرها = غــصب على الزعلان لو كـاين يكون

وسلامتكم

[محيط الهادي]

بحـــر الشـــعر يـــغرق بلجة بحـــرها = تفـتن جميع اللي على الارض يمشون

لاهنت ياولد المرازيق لاهنت يالمرزوقي وصح لسانك أبيات معبره تسلم تسلم وتحياتي

[ولد المرازيـــق]

صح بدنك محيط الهادي ومن قال
لاهنت على الرد يالذيب