راع البيرق علي بن ملفي بن رمال اخو ميثاء....

[اسير نجد]

بسم الله الرحمن الرحيم






السلام عليكم ورحمة الله وبركاته



مرحبا اخوي الاعضاء

هذه بعض قصص الفارس علي بن ملفي اخوميثاء(راع البيرق) وهو من الرمال من قبيله شمر


ولقب راع البيرق سوف انزله بعد القصه الاولى وماسبب التسميه ولاكن الان بتكلم عن
قصه الحسيب......................

وبالنسبه لقصه الصخري وهو ينقال له الحسيب وكان علي بن ملفي كان لديه جمل هرش ورثه من جده
ويستخدمونه للمزرعه بالسانيه ويسقون عليه واذا جاهم الصيف والارض ريف مربعه

اخرجوه بعض الايام فقط ولاكن الحسيب أخذ هذا الجمل لانه كان همل بالنفود وجاءه في احدى

الليالي واستولى عليه

وعلم اخو ميثا علي بن ملفي (علي بن ملفي نخوته اخوميثاء وهذه نخوه ابو ملفي ايضا)

وهو كان صغير سن وقص اثر الجمل الى ان وصل الى الحسيب وجماعته وذهب الى مجلس الحسيب واخبره بان الجمل لديهم هنا ولاكن الحسيب انكر الجمل وقال لانعرف عنه شيء

ورجع ثاني مره وقص الاثر الى ان وصل الى الحسيب وقال له هذه ثاني مره يدخل اثر الجمل الى دياركم وبين بيوتكم فزعل عليه الحسيب وتكلم علي بكلام غير لائق وخرج من مجلس الحسيب

وبعد فتره قرر ان يغزى الحسيب وهو في الطريق كان معها بناخيه ووصلوا ديار الحسيب الفجر واغاروا عليهم واخذ فرس الحسيب وهم من اشهر فرس لدى بني صخر وايضا بناخيه اخذ فرس

ورجع الى ديار شمر ويوم اقبل عليهم قال هذه القصيده طبعا ديار الحسيب حول البلقاء

شالها هجينينه


جيت الحسيب ولا يردي ... وأيست من كثر الكلام

ابا اثواري هرش جدي ...الى قدوبه بالظلام

وجبت الأصيل اللي تسدي .. يوم ان راعيها ينام

عليه من البلقا نمدي ...لعيون مردوع الوشام









وايضا غزوا شمر على عتيبه بقياده الامير عبدالعزيز المتعب

والحرب كر وفر تقهقر جيش شمر وتراجع وانهزم راع البيرق وكان اخو ميثا علي بن ملفي مشارك بالمعركه واخذ البيرق وصاح بشمر وتقدم بالبيرق قدامهم وانتصرت شمر بعد ان كانوا بالبدايه منهزمين

وبعد انتهاء المعركه كانت هناك ملحه من اطيب الابل عقد عليها علي بن ملفي بعلامه اي انها لي وانا اخترتها

واخذها فعلا وجاء احد الاشخاص واخبر عبدالعزيز المتعب بأن الناقه الملحا من اطيب الابل واخذها اخو ميثاء

فطلب الامير اخو ميثا وذهب اليه من جبه والناقه لم ياخذها معه

وعندما حضر الى مجلس الامير عبدالعزيز قال هذه القصيده
ياجمعتا مع الجوانب له أركان .. تضايقت لو هو وسيع شعيبه

رقطى على كبد العدو شرها كان .. ألين مهي بالسعاده حريبه

كسبه مظاهر وخيل وقطعنا .. حتى البيوت اللي تبني جيبه

ينضلهن ذروات عن المشي بقران .. ليا روحت مع خايعا ن والجديبه

أوروكهن صمع تقل لو غدران .. والسيف والدبره سيهيرا صويبه

يقودهم شيخ ن ولى قصر برزان .. يركض على نزل العدوا مايهيبه

تتليه قب ربعت بالحمى سمان .. مع خيل شمر تسعه ألاف سبيبه

تتلي ولد متعب تقل خشم ضلعان .. يهج عن وجهه اللي دريبه

تتليه مثل الغيم مع روس نبيان .. تودع على العدوان سرد وسحيبه

الخيل معهم بيرقا ضيم عربان.. له غارتا على العدوا ينصخيبه

ثار العجاج ومن السرب تقل دخان .. وكم طفلتا قدت مقاديم جيبه

نعمك من ماجد وسالم وسبان .. الكل منهم يلحق الخيل سيبه

ركبوا على السربه تقل ضرب عقبان .. ومعهم شياهين يصبن الضريبه

وركب ولد متعب على الخيل ضرمان .. من فوق قباب الملاقى عريبه

لحقت تنقزبه تقل عنز غزلان .. وعينه على جيب القلايع رغيبه

من فوق قب تنسف الخيل بركان .. وليا أحتمت قامت تكسر عسيبه

كم واحدا من ضربته طاح سدران. . ويرمي عليه من الرضم له نصيبه

يود مداريع السرب تقل هتمان .. ويطوع الروس الجلال الصليبه

ولا لو بار غصب ماهو بالاثمان .. خلى ضياع الزلم يدشر ذهيبه

يا أمير ياعلك عزيز وطربان .. يامحلى زعج الغنى عقب غيبه

من فوق حمرا راسها العصر سكران .. وليا أخلف الغزوان علم الرقيبه

حمرا بها هجر الفيافي ونبيان .. الفخذ تقل ينهشه ناب شيبه

وليا بداله من ورى القاع نبيان ... تودع مصاليب الاشده حطيبه

ليا روحت مع سهلتا ن والعلم بان.. مثل الطموح اللي تحرى حبيبه

طالبك ملحا من حليات الألوان .. عتيبيته جتنا مع الابل غصيبه

ملحا سنامها رادفا قفوا الأمتان .. من مرهفات النوق زين حليبه
..............................

وبعد القصيده لزم الصمت الامير عبدالعزيز المتعب ولم يقول كلمه واحده وماكان يعلم

ان الملحا لم يحضرها

قال علي بن ملفي ايضا

يا أمير لتفلس الكساب.. اللي المصاليب تلحاها

طالبك طلبه ماني غصاب .. عطية الشيخ محلاها

أبي ليا جيت أنا الأقراب .. أقول انا الشيخ خلاها

فقال الامير تستاهل ياخو ميثاء ولولاك يوم انت تاخذ البيرق ماكان انتصرت شمر

واعطاه عدد من الابل من غير الناقه الملحا

وقد اطلق عليه لقب راع البيرق من بعدها

..................................................

عندك سالفه يوم تنهدم القليب حقه (الحزم) وهو اسم قليبه الحزم وبعدها قصد قصيده

واجتمعت اغلب الرمال وحفروا البئر وكان النخل على وشك ان يموت

وقال بعد الحفر مخاطبا الصويريه والخديريه وهم انواع من النخل عنده

تبشري يالصويريه .. صبت عليك المسناتي

فات السري للخديريه .. خوذي غرم كل ما فاتي

وماحفظ باقيها صراحه بس بحاول اجيبها لكم قريبا

وانه بأحدى الغزوات أصر ابنه طويرف ان يذهب معه وكان ابنه صغيرا جدا تقريبا 5 سنوات

فقال قصيده مخاطبا ابنه ومنها هذه الابيات لاني ايضا لا احفضها كلها

ياطويرف لو فرجتي يومين ... والله لزمك تخاويني

مير أرجهن وأستكن ياشين .. لاتضيق الصدر تبكيني


ولك الشكر وايضا يوجد هناك قصائد غيرها وقصص اخرى تجدونها عل هذا الرابط

حيث كتب عنه بن صويان في احدى كتبه

http://www.saadsowayan.com/articles/legends.html



للامانه منقول

[سالم العظيمان]

لاهنت اخوي ,,,


ونعم باخو ميثا .. قصه جميله ,,,

[مــقــبــل]

أســـير نجد




بيض الله وجهك على القصص الرائــعه



مـــليووون نعم ببن ميثاااا على ذا العلم الغانم


بإنتظار التكمله وسبب تلقيبه بهذا اللقب ..


تقبل مروري

[ابو بدر الحبيشي]

660000ارحبو يا شمر والله ونعم بخو ميثا ولا هنت