انت غالي في ضميري لو تغيب لطلال العويمري

[طلال العويمري]

انت هجرك لي حرامن في حرام=وانت غالي في ضميري لوتغيب

باختصار ارجو تنال اعجابك

جتني تقول اليوم انهيت الغـرام=وانتهى ماضي هوانا يالحبيـب
ابتعـد ارجـوك يكفينـي مـلام=انتهى المشوار والدرب الصعيب
انتهينا وانسحبنـا فـي سـلام=وانتهينا من حسيب ومن رقيـب
قلت يالمحبوب ياعـدل القـوام=خابرن تاليك مالي بـه نصيـب
لاتغيـر باقيـن عنـدي كـلام=اسمعه من قلب مجروحن صويب
كم سهرت الليل في عتم الظـلام=آترجـا شوفتـك منـي قريـب
انت هجرك لي حرامن في حرام=وانت غالي في ضميري لوتغيب
وكان ودك تنهي اليـوم الغـرام=انقلع قلعـت مقيطـن فالجليـب

[صـــبـــــــــا]

((انقلع قلعت مقيطن فالجليب))


يا ساتر



صــح لساانك يا طلال على ابياتك الرائعه

سلسه ومعانيهاا حلوه

بانتظار جديدك

تقبل مروري

صـبــــــــآ

[طلال العويمري]

المشاركة الأصلية كتبت بواسطة صـــبـــــــــا

((انقلع قلعت مقيطن فالجليب))


يا ساتر



صــح لساانك يا طلال على ابياتك الرائعه

سلسه ومعانيهاا حلوه

بانتظار جديدك

تقبل مروري

صـبــــــــآ

صح بدنج

والرائع مرورج

[برنسيسة القلوب]

وكـان ودك تنـهـي الـيـوم الـغـرام
انقـلـع قلـعـت مقيـطـن فالجـلـيـب

هههههههههههههههههههههههههه

قلعته خله ينقلع

في بداية القصيدة قلت هذي قصيدة من اللي تعودنا علييها فراق احباب

وبعد شوي بيقول صابني من فراقك صدمه ولا دعمه ولا ........

لكن كانت نهاية مختلفه وكوميدية جميله

شكرا عالنص

تقبل مروري

برنسيسة القلوب