طالبكم يا ذخر يام,,,

[تمّام المجماج]

مساكم الله بالخير يا طلقين الوجيه

يعلم الله اني احب يام والعجمان بالخصوص والاجواد عشق الاجواد

وانا اليوم كاتبٍ لي بيوتٍ ودي تاصل راعيه ولالي غيركم يوصله ومن حقي عليكم توصلونه الله لا يهينكم للشاعر محمد بن الذيب

الفيضه الي ريحها يقعد الراس=لانيب داخلها وهي ماتبيني
من دونها حِراس والسلم حَراس=سلمٍ عن دروب الردا يحتميني
ويالي خسرت السيف واوميت بالفاس=الفاس داثر واخلفته السنيني
إن كان تبي العلم يارعي الكاس=اطلع من الفيضه تشوف اليقيني
بان اكثر الالماس ماهوب الماس=وانه لايوجد فرق بينك وبيني
(( الجنه بلاناس ماهيب تنداس ))=وانا اقول ان الكرامه عريني
وجنتك فيها اشكال والوان واجناس=تنعاف دام العز فيها سجيني
الضيم للمرور قطّاع الانفاس=وانا اعتذر والعز عذرٍ سميني
مانيب خبلٍ حط فاسك على الراس=واشره علي ان كان طرفت عيني
ويامحمد ابن الذيب تفداك الانجاس=الي لهم في كل فيضه قطيني
حثالة عرب مابين واشي وبلاّس=وكلب العرب للذيب دايم فطيني
ياذيب يام اليوم شفتك مع الناس=تضحك و وجهك بالملامح حزيني
عرفت فرق الضلع عن باق الاطعاس=وشفت الهموم الي تجيك وتجيني
وترجمت شعرٍ يدفعه صدق الاحساس=محظور نشره واحذر انه يبيني

وسلامتكم

تمت الرساله من اخوكم (( تمّام بن ناصر المجماج التميمي ))

[تمّام المجماج]

....

[جطلي بن فهد]

صح لسانك ياتمام

والله لايهينك وبيض الله وجهك
وحياك الله مدد بلا عدد مع اخوانك في منتدى قبيلة العجمان
ومرحبا ومسهلا ..

اما بالنسبه لتوصيل القصيده للشاعر محمد بن الذيب بيجيب الله احد غيري يعرفه وبيوصلها له
والشباب اللي يعرفونه تمام المعرفه مايقصرون بس اصبر عليهم شوي لين يشوفون موضوعك
لاني والله ماعرفه معرفه ولا امون عليه

هذا وحياك الله مره ثانيه

[سالم بن فراس]

السلام عليكم ورحمة الله وبركاته ,,,,


صح الله السانك مدد

ومرحبا ومسهلا مليوون بين اخوانك

وحياك الله انت وما حملت معك من ابداااع وجزله

وقصيده وافيه ومحمد يستاهل كل خير

وانشالله انها بتوصل عن طريق الاخوان

ولا هنت يا التميمي والله والف نعم فيك .

[الوضحه]

ارحب ارحب

صح لسااانك

مانيب خبلٍ حط فاسك على الـراس
واشره علي ان كان طرفـت عينـي ..< بيت قمه

وكفو فيك وفي بن الذيب

وابد ابشر بعزك..كانك تبي من يوصلها مالك غير محمد بن دسمه ..

وهو ان شاء الله قدها,,

[محمد بن دسمه]

صح الله لسانك ياتمام ..

ولاهنت ..

وابن الذيب يستاهل ..

وانت كفو ..

ضفني على الايميل وبنتمالا .. ومالك الا اللي يسرك

[فلاح بن ملبز]

آررررحب يا التميمي في محلك وبين ربعك

وصح لسانك على ذا الجزلة

وابن الذيب يستاهل

ودامها عند ابن دسمه أزهلها بتوصل

ولاهنت

[تمّام المجماج]

المشاركة الأصلية كتبت بواسطة سماوي بن نجم

صح لسانك ياتمام

والله لايهينك وبيض الله وجهك
وحياك الله مدد بلا عدد مع اخوانك في منتدى قبيلة العجمان
ومرحبا ومسهلا ..

اما بالنسبه لتوصيل القصيده للشاعر محمد بن الذيب بيجيب الله احد غيري يعرفه وبيوصلها له
والشباب اللي يعرفونه تمام المعرفه مايقصرون بس اصبر عليهم شوي لين يشوفون موضوعك
لاني والله ماعرفه معرفه ولا امون عليه

هذا وحياك الله مره ثانيه

صح بدنك وعمرك يالذيب

و وجهك ابيض ولاتهون .... والمهلي مايولي

اما من ناحية توصيل القصيده بيض الله وجهك مضا من افعالك ما يجمل حالك

ان شاء الله اننا لقينا جمل المحامل

[تمّام المجماج]

المشاركة الأصلية كتبت بواسطة سالم بن فراس

السلام عليكم ورحمة الله وبركاته ,,,,


صح الله السانك مدد

ومرحبا ومسهلا مليوون بين اخوانك

وحياك الله انت وما حملت معك من ابداااع وجزله

وقصيده وافيه ومحمد يستاهل كل خير

وانشالله انها بتوصل عن طريق الاخوان

ولا هنت يا التميمي والله والف نعم فيك .

وعليكم السلام

صح بدنك كثر ماقلت واكثر

والمهلي مايولي ومحمد يستاهل واكثر وشاكر لك ترحيبك الحار اللي ماهوب غريب عليكم

[تمّام المجماج]

المشاركة الأصلية كتبت بواسطة الوضحه

ارحب ارحب

صح لسااانك

مانيب خبلٍ حط فاسك على الـراس
واشره علي ان كان طرفـت عينـي ..< بيت قمه

وكفو فيك وفي بن الذيب

وابد ابشر بعزك..كانك تبي من يوصلها مالك غير محمد بن دسمه ..

وهو ان شاء الله قدها,,

تسلمين يابنت الرجال وصح عمرك

ومحمد بن دسمه حظر وبيض الله وجهيكم