.. / مـات الوفـا قـل الوصـل والجفـا طـال / .. [ متواضعه]

[ناصـر محمد المجروب]

السلام عليكم ورحمة الله وبركاته ..


مساكم / صبحكم .. الله بالخيـر


متواضعه للتواصـل .. لـ علها ترتقي لـ ذائقتكـم

.
.
.
.

هذي هي اوجاعي وهذا هو الحال=يلي لك اكثر من شهر وانت غايب
شفني على حطت يدك ضايق البال=ماغير اواسي قلب بالصدر ذايب
صار الصدر للحزن مربا ومدهال=اما الفرح لاغبت شد الحقايب
في غيبتك لاحت هقاوي وامال=وفي جيتك ماتت ظنون الحبايب
مات الوفا قل الوصل والجفا طال=ودامت جروحي في ضلوعي عطايب
الى متى بشره على الدمع لا سال=والى متى جفني من الدمع ..عايب
والى متى خايف من حمول ٍ ثقال=تبرك على صدر ٍ جفول ٍ وهايب
والى متى بصبر على الحظ لامال=واعلق احلامي بكف المصايب
الحزن طول .. والامل تو مازال=وانا على كرسي الامل شبه خايب
المشكله ماهي على الدمع لا سال=المشكله .. قلبي من الصد ذااايب

وسلاامتكم ..