رحله مع روميو

[برقع صقرين]

تبي الحقيقة بصدق أموت أنا فيـك
وما اقدر اعيش إلا بنسمة هوالـك ...



الله بنت الزعبي بصراحه المفروض تحطين موضوع رحله مع بنت الزعبي

........

روميو اتحفتنا بما كتبت يداك

وبإنتظار المزيد

لا تطول علينا

:

:

:تــحــيــاتــي: بــرقــع صــقــريــن.

[جطلي بن فهد]

يعطيك العافيه ياروميو

واصل ابداعك
ولاهنت

[قف امامك شاعره]

يعطيك العافيه ومشكوور على القصيدة

[روميـــو]

ياليل مادامك ضويت وجيت فارحـب لاضويـت=
غير الهموم اللي معـك ياليـل ويـش ابغابهـا
قد لي ثلاث امرار وانـا كـل ماشفتـك لفيـت=
سلمـت نفسـي للهمـوم جبـاريٍ وارضابهـا
ادري كذا طبعـك مـع العالـم لكنـك مادريـت=
انك نسيت البعـض منهـم ماطرقـت ابوابهـا
انا لونّـي مثـل ابـن هـذال ولا بـن نحيـت=
كان البيوت الغامضـه عرفـت كيـف ابدابهـا
لاكن بوضح ذا القصيده كل شطـر وكـل بيـت=
حتـى يفسرهـا الفطيـن منـيـن ماغنابـهـا
وردت لي عدٍ وانا ضميان وابغـى لـي مبيـت=
وحصلت ناسٍ تشرب ونـاسٍ ملـت مشرابهـا
فاخذت منـه مايبـل الريـق لاكـن مارتويـت=
عدتنـي مـن العـد قـومٍ وقفـت بحرابـهـا
فكضمت من مابي على راس البهام ولا حكيـت=
لأن اليـال السـود قدمـي كشـرت بنيابـهـا
الله اكبـر يازمـان الغـدر والحـض المميـت=
عـز الله انكـم فزعـةٍ فالضيـق مايغزابـهـا
خلقت في الدنيا على احسن حال لاكن ماوعيـت=
الا وانـا بيـن الأسـود الجائـعـه وذيابـهـا
والله اكبر يارفيـق الأمـس ماضنـك نسيـت=
حتى تجاهلت الجمايل فيـك وانـت ادرااااابهـا
عزالله اني خاب ظنـي فيـك وانـي ماهقيـت=
ان المصايـب ياقليـل العـرف انـت اسبابهـا
عديتني والعد جمـه وانـت ماعمـرك ضميـت=
حتى تعـرف ان الضمـى لانـاش كبـدٍ ذابهـا
لاكن بقول الله يجـزاك بخيـر كفيـت ووفيـت=
ولابـد مـن سـود اليـال تنوشـك بمخلابهـا
ياعد ليييه الناس رويت منـك وانـا مارويـت=
ولا على قول المثل ( لاول غبـش واقفابهـا )
انا بعد عنـدي مثـل يقنعـك دامـك ماكتفيـت=
ترا المثل قد قال ( اهل مكه تعـرف اشعابهـا )
وانا ضويت وجيت وأدر اني ليا منـي ضويـت=
يعني ضويت ( اما بهـا ولا بقطـع الرقابهـا )
ياليييل قصت حزن عنوّنها ليـا منـك سريـت=
من بين قوسين اكتب ( اصحابٍ تغدر اصحابها )

[روميـــو]

ودِّي أمُوتْ .. اليُوم ... وأعيش باكر =


وأشوفْ مِنْهو .. بعد مُوتـي فقدنـي ..!




ومِنْهو حَمَلْني لِين .. ذِيكْ .. " المقابر"=


وأشْكرْ أنا .. كِل مِـنْ كَرَمْنـي ودِفنِّـي




وبشُوفْ .. يرثيني أنا كَمْ ..شاعـر؟ =



ومِنْهو تركْني .. وما كِتَب شَـي عنِّـي




شِخصٍ تعنَّى لي .. مع إنه .. مسافر =


وشِخصٍ قِريبٍ .. وآنا مَيِّـت / طعنِّـي




وشِخصٍ يمثِّل دمعِتَه .. ما هو قادر ! =


وشِخصٍ تِطيح دموعه كِلْ مـا ذكرنـي




ومِنْهو مِنْ أهلي ف العَزا كان حاضر=


ومِنْهو دعى لي في " صلاته " ورحمني




ومِنْهـو بـنـى سبـيـل ومنـابـر =


ومِنْهو يفـز قلبـه .. إلا مِـنْ لمحنـي




ومِنْهو عشاني : طُول الأيام ساهر ..!=


ومِنْهو ثلاث أيَّام .. راح وتركنـي ..؟




ومِنْهو يرتِّب .. غرفتي .. / والدفاتر =


وإن شاف ( صوره ) لي صاح وحضنِّي




يالله عسى .. ما تغفى كل المشاعـر=


ويالله عسى .. ما ينصِـدِم يُـوم ظنِّـي




خايف يروح العُمْر .. وأكُونْ خاسـر =


وإن طار طيري .. ما يفيـد / التمنِّـي




وخايف يجيني وقت : أكْسِر خواطـر =


إن دارت الدنيـا .. وزمانـي كسرنـي




ومدام هذي الدنيا .. صارت مظاهـر =


وكِلْ مَنْ على كيفـه .. وجَـوَّه يغنـي




الضيق وافي .. والحزن حيل وافـر =


والجرح أكثـر شـي .. شفتـه يحبنـي




عايش وميِّت بين .. ماضي وحاضر =


والـصـبـر ضـــاع مــنِّــي




قل وش تبي وتتركني يا حزني آمـر =


مسكين فرحي / تصدِّق إنَّ وحشنـي !!




( شاعر ) ولكنِّي .. ماني ب شاعـر =


ودِّي أموت اليوم .... وأرتاح منِّـي !!