جيد ونحر وعيون وخدود ورموش....والغنج والضحكه وحسن التعامل

[تركي]

واقلبي اللي وسطه الحزن منقوش____نقش الزري من فوق بيض المخامل

أليا ذكرت اللي له القلب مخروش____قامت دموعي فوق خدي تهامل

يازين قلبي من محبتك مدهوش____ارجي من الله قرب لاماك وامل

ضحكي معك صافي ولا هو بمغشوش___وضحكى مع اللي غير زولك مجامل

اطرب ليا طروك يازين واشوش___واللي جذبني فيك تسعة عوامل

جيد ونحر وعيون وخدود ورموش___والغنج والضحكه وحسن التعامل

والشفه اللي كل ما جيت ابي موش___ارهي عليها مير ماني بصامل

اصطي عليها مير مانوشها نوش___حشمه وهيبه ياظبي المهامل

تليت قلبي ياالغلا تل قنطوش___من عقب ماتلوه سربه هوامل

من عقب ماقفوا على تالي البوش___اقفوا وراعيها يعض الانامل

لاكن قلبي بصفر السم منهوش___لا اقبل ظلام الليل والكل خامل

حلو الكرا وعيوني القشر في هوش___امسيت من كثر الهواجيس زامل

تقول في قلبي طوابير وجيوش___جيشن على خط الهجوم امتكامل

جيشن تحرك والامر قايده بوش___امدرعاتن بالذخيره محامل





## وانتم تعلمون ان الشعار يقولون ما لا يعملون ..او يعلمون

[راشد الذويب]

وانتم تعلمون ان الشعار يقولون ما لا يعملون <<<<اعجبتني هالكلمه

ياخوي وش اقول اقول صح لسانك والله انها قليله في حقك

والله تستاهل حبة خشم طال عمرك على ذالقصيده المتميزه فعلاً

صح لسانك مليووووون ولايكفووون

شكراً لك من الاعماق

وتقبل تحياتي

ودمت بود

[كويتي]

صـــــــــــح لسانك يا غالي

الله لا يهينك


كويتي راعي البــــــــل

[عمهوج]

السلااااام عليييكم

صح لسااااانك ياخوي تركي وعلى ماقال دمعة شجاع والله انها قليله في حقك

خشمك خشمك :***********

تحياتي لك

عمهووووووج

[تركي]

يامرحبااا مليوون وان زاد لاباس...

دمعه شجاع .....والله اني وقفت عشر دقايق مدري شرد عليك من الكلام الطيب اللي قلته ومدري شلون ارد الجميل واقول كلام احسن من اللي قلته لاكن اقول خشمك يا الاجودي ..وصح بدنك ولاهنت على المرور الكريم...وبلاش دمعه .....شجاع بلحالها ولو انا المعنى عندك..



تحياتي ياالقرم

[تركي]

هلا ومرحبااا


كويتي....صح بدنك ولاهنت مليووووون على المرور الكريم اللي اسعدتني فيه صراحه



تحياتي ياراعي الذود

[تركي]

وعليكم السلام

عمهوج.....صح بدنك ياالغالي وعلى راسي من فوق كلامك الطيب لاهنت..

الله يخلينا ذا الوجيه الطيبه

والله انت اللي قليل في حقه هاالكلام لكن...الكلام يقل في بعض المواقف


تحياتي ياعمهوج

[cool]

السلااااام عليكم ورحمة الله وبركااااته

صح لساااانك صح لساااانك صح لساااانك تركي تسلم والله يعطيك العاافيه

على رااائعتك وابدااعك فيهااا .

وان كاان الدعوه فيها موااقف ياربها تكثر علشان نشوف قصااايدك

لا هنت الغاااالي .


كـووول

[تركي]

وعليكم السلام ورحمة الله وبركاته..

ياهلا ومرحباااااا بخوووي كوووول صح بدنك صح بدنك صح بدنك

ولاهنت ياالغالي على المرورك الكريم..تسلملي على الكلام الحلووو

لاتستعجل على القصايد بتشووف عن قريب قصيده جديده.....

[الرازي]

الله الله على هالابدااااااع

صح الساااااانك يا تركي

فعلا قصيدة رووعه وقافيه أروووووووع

تحياااتي لك
ابو عيد