||| الناقده ....في ضيافتنا|||

[الناقدة]

المشاركة الأصلية كتبت بواسطة وَتـے ــنْ

حتى السياسة دخلوش فيها


ربنا يكون في عونك بئا


:


مرحبا بش يا نونة ضيفة يديدة في موضوع في ضيافتنا

آخر عضو كان مضروب على عينه وما شاء الله من كثر الأسئلة اللي جاته بالموضوع قعد كم شهر مسكر ووردة غايبة لها مدة هي وراعي المشعاب عسى المانع خير


ربما لي عودة للأسئلة بس تراني متابعة اسئلة الأعضاء وما شاء الله كفوا و وفوا

خفوا على البنت شوي حرام عليكم

واذا تبين اي مساعدة لا يردش الا لسانش


ســلام

يامرحبا يامرحبا بوتون


انتـــي شــــايفــة
مو المشكلة أنا مااعرف راسي من كرياسي فالسياسه حدي سطحياتـــها فقط

والله يكـــون بعـــونا

ويامرحبا بعودتس وبمتابعتس اللي تشرفني وتسعدني


يـــاعـــرب أسمعـــوا كلام وتـــون وخـــفوا علي

ماطــلبتي حاجـــة بس خلتس عالانتظـــار

[الناقدة]

حيـــاكـ الرحمن اخوي
: فهيد بن سالم :

وشكرا على الترحيب

وبانتظار عودتكـ

[مـزعـّلـة ـآلـنـسآـآ]

أفلآطون

:

كلمة ( شكرآ ) لك من أعمآق قلبي على مثل هذا الطرح المميز

:


والنآقدهـ << أقول جهزي القهوهـ بجي أجلس وأسولف ووآخذ علومش

[@بنت العز ما تنهز@]

^
^
لابالله فلحت أختي

عليها اختبارات الاسبوع هذا
خفوا عليها اشوي

[ريف الضعيف]

السلام عليكم ورحمة الله وبركاته

يا مرحبا ومسهلا بالناقده ضيفه عزيزه ولها مكانه عاليه بين اخوانها الاعضاء

لا شك انتي من الاعضاء اللي لهم بصمه واضحه في الشبكه واتمنى لش

التوفيق والنجاح وداوم الصحه والعافيه ......



جيت فقط عاني معتني للسلام وكلي تقدير واحترام .......


نشكر الاخ القدير افلاطون على الموضوع الجميل والاختيار الموفق

تقبلوا مني ازكى تحيه .....

اخوكم العود الازرق

[جابر بن عبدالله الفايز]

الله يعطيك العافيه يا أفلاطون على أحياء هذا الموضوع من جديد

ونشكرك على أختيارك مشرفتنا المميزه ( الناقده )

ونشالله لي عوده ,,,,

[الظبيه العنزي]

المشاركة الأصلية كتبت بواسطة وَتـے ــنْ

يالله حيها يالله حيها

من طول الغيبات جااب الغناايم
لعنبو ابليسش يبيلش مترجم عشان ينفهم حكيش





فرحااااااانة أوي يعني :d

امتحاني مال القدرات السبت هذا شكلي بجيب العيد ظبووي

حاولي مرة أخرى والثالثة ثابتة

يالله حيها ماشفت زيها ...اهلين وتنتن

اسكتي اهل ابوي من عرعر جاينه وأنا بلا فخر جبت العيد قدامهم لأني تنحت ومافهمت وش يقولون ...ولازم تعانون نفسي

صدق امتحان قدراتج قرب؟؟ امممم اظن انجليزي ورياضيات وفيزياء وكيمياء إذا إنتي علمي ومرات يصقعونج بقواعد عربي عشان يضمنون إن تضرب كيبلات مخج عدل

بروح اقدم مره ثانيه بس عسى مايعطوني اختبار فيه رياضيات لان هو اللي خلاني اجي قووووع وكملتها وانا احل بورقة الاختبار نسيت نفسي وكتبت على هامش الورقه ابيات شعر بس لاتقولين شئ تكفين أدري ثوله وعبيطه




نقووووده اعطيج ورقة الاسئله الثانيه ولا أخف عليج ؟؟


:d

[شيخة الطبع الخجول]

اللهم كثر وبااركـ
نووونو لوجه الله اعتقتش من اسألتي
والله يكوون بعونش على الاسئله اللي مارااح تخلص


<<<متااابعه

[ﺂلـِ͡ـِبطْـِرﺂڼ ̸~]

لآهنت يآ آفلآطون ـعلى التجديد لهذآ الموضوع المميز والنآدر من نوـوع ـه

وـآختيآـآيرك للمشـّرـرّفـه : آلـنٍـآـآقــَد ـه

ـآختيآـآر ممتآز وتستآهل الـمشرّـرّفه : آلـنٍـآـآقــَد ـه على المقـدمـه الرآئعه . . .

وجعله يحيآ فيصل بن حجرف مآخلآ لنآ أسئله


وآلحين أقدم آسئلتي للآخت :آلـنٍـآـآقــَد ـه

::

::

مآهو انطبآعك على المنتدى ؟

مآ هو آفضل قسم في المنتدى تفضلين ؟ ومآهو القسم الذي قليل مآ تدخلينه ؟


وشكرآن آفلآطون على الموضوع ولآهنت


وآتمنى أني مآ ثقلت في آلآسئله .

تقبلوـوّ مروـوّري


ولكم الوود

[الناقدة]

المشاركة الأصلية كتبت بواسطة الظبيه العنزي

صبااااحوووو شكراً مشرفنا افلاطون

تعالي جاي نقووود>>>>ترجمه (( أقربي عندي نقوود ))

نبتدي اسألت الاختبار ..ولج عشر ايام تفكرين بردود..كنه افلاطون قايل اسبوع لقائج ؟؟

1- شنو شعورج إذا دخلتي قسم المجتمع والاسره ولقيتيني منرجَّه فقسمج؟

2- شنو نظرتج للأعضاء الحناتيش اللي يدخلون المواضيع النسائيه إن كانت تخص النساء بشكل عام او بشكل خاص بغض النظر عن كونج مشرفه ؟يعني رايج كشباصه

3- تأيدين وضع موضوع في قسم الاسره والمجتمع يعتبر حلقه نقاشيه بين الرجل والمرأه يهتم بشؤون الرجل فقط؟؟ (( بسبب افتقار اغلب المنتديات لهذه المواضيع ))... يعني فكرته أي عضو يواجه مشكله في اطار الاسره او فن التعامل مع المحيطين به بالمجتمع يدخل هالموضوع ويطرح مشكلته ويحق للعضوات الدخول وطرح المساعده بجانب الاعضاء ...طبعاً في اطار التزام بقوانين المنتدي...تأيدين وجود مثل هالمواضيع في قسمج؟؟

4- بما إنج من محبين القراءه ...

شنو رايج بالكاتب مصطفى صادق الرافعي؟؟

صح المعلومه أو خطأ ... الكاتب عباس محمود العقاد اتبع المذهب الأثنى عشري في آخر حياته؟؟

اذا كنتي من محبين قراءة الكتب الاجنبيه ايهما تفضلين من المؤلفين ؟ واشحقه ؟؟

Stephenie Meyer Or Alice Sebold?



وانتهت الأسئله للورقه الأولى ... والحين أنا روّح غاد وبعد شوي تعال جاي لج


نقوود نسيت ابشرج ..قولي مبروك.. سقطت بأختبار التوفل مال الماجستير خخخخخخ

يســـعد صبـــاحــو
ارحبـــــــــــــــــــــــي ظبــــوي



هــذانــي قربـــت والله يستـــر منج شكلج جـــايه منطـــلقة

ياربـــي ستركـ على هذي الاســئلة القميـــلة يبيـــلي سنـــة


نبدأ على بركة الله ::


1/ شــعــوري شــعور أي مواطن فرحـــان باليـــوم الوطنـــي

لحـــظة يابنيه اعتــرفي شنو مسويه
ترى صارلي يومين مو داشتـــه والسبه أسألتكم الحلوة


والله بقـــول زين ماتسوين لأن القسم صار له أيـــام راكد ونـــايم
فبرجتج راح تخليني أحوس وراج

]] عــــاد مو تصدقين وتسوينها[[


2/ شوفي الله يسلمج ويسمنــي
رأيي واحد سواء مشرفة أو شباصة فيها فيونكة
على حسب الموضوع ، إذا كان يتكلم عن النساء بشكل عام دون التدخل بخصوصياتهم فعادي لو شاركوا فيه الاعضاء ، بس إذا كان الموضوع نسائي بحت
يعنــي مثلا يتكلم عن المكياج والاكسسوارات ، أكيـــد مو حلوة يشارك العضو فيها ، شنو بيقول اشتروا الماركة الفلانيه ))سلامــات عدونــا
مات
(( هو رجال مايعرف بهالسوالف ، فالأفضل انه يريح ملائكته ومايشارك


3/ لا وارفضـــها لأنــه ماراح يستفيد منهــا شيء . ومااوافق عليــها ابــدن


اللي بعدوا


4/ الكاتب صادق الرافعي جيد وأنا مو من متابعينه بشدة مجرد اطلاع عليه

واسم الكتاب. اللي ذكرتيه للأسف لم
اتشرف بقرائته ، واذا حلو بشتريه ، والكاتب عباس العقاد ممتاز ماشاءالله عليه


لا والله ياأختج ماني براعيه كتب أجنبيه
ولاعندي خبرة فيهــا ، بس في مشروع اني اقراها مستقبلا



الله يصلحج ان شاءالله ، وراج سقطتي يابنت كنت حاسه انج جايبه العيد ،ولا كاتبه بيت شعر أجل أفلحتي



يالله عالبــركة أقصد معوضة خيـــر

انتظريني فالليالي المقبلات لامني تخرجت بأخذ ماستر واخذيها معاي


{طبعــا بتبطـيـن}


وهـ وأخيــراً خلصنــا

ليـــش هــو في بعـــد ورقــة ثانيه >أغمى علي من الصدمه

لا بس شكلي بسقط الاسبوع هذا كله اختبارات الله يزينها

شكريا ظبوي عالمرور
والأسئلة النايس مثلج