شهيد الحب سمّوني

[الجويّر]

سقا الله قلبي الظامي بذكرا وقتي اللي فات = ويعطيني صبر باللي تبي للحب رجعاتي

بعد طول الجفا والبعد وبعد ماضعت منها جات = ومدامعها تسابقها على الوجنه كسيباتي

تقول الليل مانامه من الاه ومن الونات = أعاني الليل وعيوني من الفرقى سهيراتي

تقول اقضي كثير الوقت وحيده جالسه بسكات = وافكر في حلا حبك وحبي ذيك الاوقاتي

وانا ذالحين بين ايدك جريحه من عنا مافات = وبردانه وابي منك دفا صدرك بضماتي

ابي ضمك وابي لمّك وابيك بدافي اللهفات = تبدّل ناري الحمرا واعيش بزين جنّاتي

ترا دونك طفى نوري وزاد الليل بي عتمات = حداني البعد لهمومي وزاد الهم لوعاتي

تعال انجدد اللي راح ونعدل بالهوا ميلات = ونبقى بالهوا صافين مسرّات ومودّاتي

ضحكت وقلت يالحليلك وانا في داخلي حرّات = ضحكت بشرّ مايبلي كأنه ماهدم ذاتي

وقلت الحين جا دوري وبشرحلك عن اللي فات = ابيك الحين تصغيلي وتفهم للذي أتي

مدام اتحس يالظالم وعندك بالهوا نظرات = اجل وينك وانا ذايب من الفرقى بحسراتي

قضيت الليل من همي قضيته والفكر بشتات = وانوح الليل مكسوره بصدري كل عبراتي

اقوم اقعد واروح اقبل وجفني بالسهر مابات = اقول الاه محروم ورديف الاه وناتي

غديت بهايج بحورك غريق ٍ والبحر غبّات =غريق وحابس انفاسي من شهور ٍ طويلاتي

تمرّ الليله السودا طويلة عدّ واحسابات = ثوانيها ودقايقها اجل وش حال ساعاتي

تخالف بالنظر عندي من الشر ومن الخيرات = اقول الشر هو دربي واجنّب درب خيراتي

وخلاص شعادلك فيني خلاص اللي تحبه مات = شهيد ٍ راح في حبك من اعداد الوفياتي

وشهيد الحب سمّوني وهجرك يالغضي سبّات = ولاني أول وآخر شهيد ٍ بالهوا ماااااتي

الشــــــــاعر / ســــــعود رتيبان ال جويّر

[عـزام]

لله درك يا ابن رتيبان

ابدااااااااااااااااع


صح لسااااااااااانك مليوووووووون تردف مثلها


ولا هنت يالقرم

[اطياف الماضي]

اخوي الجوير

صح لسانك


ولاهنت

تحيتي

[بحوور]

الجــويــّر


الله عليــك ,,

صـــــح كـــــلك مليــــــــوون

ولاهنــــــــــت ,,





تحيــــــاتي وتقديــري

[الجويّر]

صحة ابدانكم جميع والله لايهينكم على المشاركه معي


واقول للعزيز عزام ارحمني ترى بكلامك صراحه تخليني ابحر بالشعر ومعناه بشكل غير طبيعي ودير بالك علي لغرق محد حولي ياعزام هههههههههههههه




تحياتي للجميع // الجويّر

[عـزام]

الاخ العزيز الجوير

والله ما قلت فيك غير الحق وقصيدك من اجمل ما قرات.

صح السانك مره اخرى يا ابن رتيبان

وبانتظار جديدك

[الجويّر]

صحة ابدانكم جميع ولاهنتوا على المشاركه والمتابعه



تحياتي / الجويّر

[AL- JOORY]

هودين بين العاشق ومعشوقته .... بهذا الحوار الروحاني أبدع شاعرنا الجوير


بكتابة قصيدتة


تقبل أخي الكريم كل التقدير والإحترام

[صـــبـــــــــا]

جوير الشعر

لله درك

نص يحمل من الحزن أجمله

وتصوير رائع لمشاعر نادره

وحبك شعري لايجيده الا من امتهنه

ابدعت وصح لسانك حتى رضاك...

تحياتي

[مهرة الصمان]

الجوير قصيدة مملوءة بالحب والحزن من شاعر يكتب بصدق. شاعر له حضورة الجميل
وكعادته يتألق دائمآ في بحور الشعر فتأتي القصيدة بابهى صورها

لك كل الشكر والتقدير وتقبل تحيااااااااااااتي