ياكليب شب النار ..

[مها المري]

هذه القصيده مشهورة ولكن قليل يعرف انها للشاعر دغيم الظلماوي من قبيلة شمر كان الشاعر يمتاز بالكــــرم ..

مناسبة القصيدة في يوم من الايام والشاعر جالس على جـــال الضـــوء ومعه ولد عمه يقاله (كليب)
قال هذه القصيدة /



ياكليب شب النـار ياكليـب شبـه
عليك شبة والحطب لـك يجابـي
وعلي أنا ياكليـب هيلـه وحبـه
وعليـك تقليـط الـدلال العذابـي
وادغث لها ياكليب من سمر جبـه
وشبة الي منه غفـى كـل هابـي
باغـي ليـا شبيتهـا ثـم قـبـة
تجلب لنـا ربعـا سـراة غيابـي
بنسريـةً ياكليـب صلفـا مهبـه
لاهب نسناسـه تقـل سـم دابـي
سـراة بليـل وناطحيـن مهـبـه
متكنفيـن وشوقـهـم بالعـذابـي
الوالمـة ياكليـب عجـل بصبـه
والرزق عند اللي ينشى السحابـي
صبة لقرمـا صرفتـه ماحسبـه
يوم البخيل مكنهب الوجـة هابـي
وصبة لمنعورين ليـا جـاة نبـة
يرخص بعمره والدخل لها ضبابي
وعدة عن اللي مايـداري المسبـه
اللـي يـدور بالقصيـر الغيابـي
عن الطيب عده نـازلا لـه بغبـه
يضرب علي درب الخطا مايهابي
لا باطن الهلبـاج خطـوا الجلبـة
يا حلو خبط عصيهـم بالركابـي
أطمر لهم وأبـدي سـلام المحبـه
لا جو على هجناً يديهـم خرابـي
سلام أخلـى مـن شخاليـل جبـه
وأحلى من السمن الجديد العرابـي
مع كبشً مصـلاح راسـه نجبـه
لا أدبـر الهيـن متيـن العلابـي
خطو الولد يـوم الملاقـي نكبـه
يأتي علينا من حسـاب الزهابـي
وحتى ايش لو يلبس وبينن وجبـه
معيـرة علـى غضيـر الشبابـي
أنا لقيـت الصبـر يازيـن غبـه
يرقيك رؤوس مشمرخات الهضابي
من لاصبر ياكليب في حكم ربـه
هذاك يـوم البعـث مالـه ثوابـي
يقولها اللـي مـا حسـب المسبـه
ولا عرقل الاجواد ببعض الهلابي
هذا هـوى بالـي وهـذا مطبـه
من قبل مايسفـح علينـا الترابـي




انشالله تنال اعجابكم



مها المــــــــــري ..

[تركي الميموني]

صح الله لسان شاعرها

قصيده مميزه

تسلم أيدك مها المري على نقل

الرائعه الشعريه

تقبلي مرور قافلة حروفي

الصوتيه

v
v
v

[لــــبيـِِِش]

الله لايهينش يامهاا


تقبلي مروري...

[جابر بن عبدالله الفايز]

صح ألسان شاعرها وناقلها


ولاهنت ,,,

[ريم الصيد]

.





يا سلام .. ذائقه من طراز فاخر ما شاء الله يا مها
صح لسان شاعرها فيها جزالة تفوق الوصف


يقول عبدالكريم الجباري .. مستعينا بـ بيت ابن عمه في أحدى قصايده :

واللي يدور مدحته عقب ما شاب =ماتنفعه لا صار مثل الجلبّه

أنا احمـد الله مسّـت لبيتنا أطناب =نثبت ولو زاد الهوى في مهبّه

و الليا هقيـت إني تكاسلـت ارتاب =سارعـت في كيـف الرجال و مشبّه

و يطري علي شطـرً بشرهـات و إعجــاب=ياكليـب شـب النار يا كليـب شبـه

شكرا مها .. أمتعتينا

وشكرا لـ الأخ تركي الميموني على المقطع الجميل





بـ حفظ الرحمن


.

[مها المري]

أسعدني مروركم الجميع .. لاهنتوووووا