العلم يا عزام فوق الشواهيق

[منصور بن منيخر]

عزام لا هنت طارووق

سلام تسليمه وانا خاطري ضيق=وش عاد باقي في بطون الليالي
العلم يا عزام فوق الشواهيق=اشرب قراح الماء وكب الحثالي

[عـزام]

يا مرحبا ومسهلا يالسفرانى


استلم لاهنت...

يا مرحبا باللى يجر الطواريق=افرح بزوله دون باق العيالى

الله بلانا بالرخوم المطافيق=الذيب ذيب وما التفت للثعالى

[منصور بن منيخر]

هلا بك

دام البقاء يا ريف كل المطاليق=خلك علي ما قيل رجل(ن) شمالي
والنعم بك يا ذيب لا نشّف الريق=طيّب وقرم(ن) من قروم الرجالي

[عـزام]

استلم...

طويق يا مطلق على خبرك طويق=الريح ما هزّت شموخ الجبالى

لاكن يا سفران بعض المخاليق=يزمر و لو ما كان يسوى ريالى

[منصور بن منيخر]

استلم يا القرم

بعض السوالف خلها في الصناديق=ورّد هجوسك للقراح الزلالي
عزام لا تشهد مع بنت توفيق=لكن عينك لدّها للهلالي

[عـزام]

استلم لاهنت...

ماخذ على نفسى عهود ومواثيق=الصدق يا رجال لازم يقالى

ما قلت يا سفران ماهو بتلفيق=شبحى وشبحك فالمراقيب عالى

[منصور بن منيخر]

باخذ معك وقفه ونظره وتحقيق=اسال وجاوب يا السنافي سؤالي
روس الثعاله ليش دايم مدانيق=وليه أم سالم كل عصر(ن)تلالي

[مصلح]

الله الله عليكم تو ما نور المنتدى ياالسفراني من غير قصور في الربع ونبي هداج يالربع اربه بخير ابطى ماشفناه

سجلوني متابع

[عـزام]

استلم لاهنت..

دققت فى نشدتك يا رجل تدقيق=لا هى حرام ايضا ولا هى حلالى

علمك ليا جبته توثّقه توثيق=وانته من اللى يعشقون الجزالى

[عـزام]

أررررررررررحب يا مصلح


مرحبا والله ومسهلا يالقرم يسعدنا متابعتك وتواجدك.

وهداج الله يرده سالم يقولون فى الفلوجه يجاهد