الهجيــــــــني والســـامــــــــــــــــــري

[خالد العجمـــي]

قبل الحديث عن الهجيني وأنواعه وعن السامري وأنواعه لابد
من توضيح ان هذه المسميات مسميات مناسبات ، تطلق على القصائد والأبيات التي تستخدم في السفر على ظهور الإبل ، فنسميها هجيني
وتلك التي نسمر عليها، فنسميها سامري ، وتلك التي نسميها مسحوب ، وتلك التي نستخدمها في العرضه ..الخ ،ولكن قد نجد أن ما نستخدمه في مناسبة ، نستخدمه في مناسبة اخرى ، وبالتالي تبقى التفعيلة هي المعيار الوحيد للتفريق بين قصيدة واخرى ، وتبيان المجموعة التي تنتمي إليها ، حتى ولو امكن شيلها بعدة شيلات طبقا لتلك المناسبات
مثال ، هذا لبيت ، الذي ينتمي للمجموعة الموضحة أدناه على انه هجيني طويل
هيضني البارق اللي لاح وقت الغروب = والغيمة اللي سواد الليل خيّالها
يمكن شيلته هجيني ، ويمكن شيلته كسامري ، ويمكن عرضه. وبالتالي سيكون تركيزنا على كيفية التجميع طبقا لتطابق التفعيلة
ــــــــــــــــــــــــــــــ ــــــــــــــــــ

الهجيني ورغم ان له نوعين طويل وقصير ، إلا أن التفعيلات تختلف
ويمكن تقسيمه إلى مايلي :
1- هجيني طويل ويسمى الجنوبي او المرفوع ، يأتي في تفعيلته متوافقا مع التفعيلة الأصليه للبحر البسيط ، ويسمى كما يسمى نوع منه بالزهيري في جنوب العراق وربما الكويت ، والبعض يسميه مسحوب طويل ،
وتفعيلته :
مستفعلن/فاعلن/مستفعلن/فاعلن
ورغم تصنيف البعض للأبيات التي تنطبق عليها هذه التفعيلة على انها ابيات هجيني ، إلا أنه من شيلاتي لها فإنني لا أرى أنه هجيني ، لأن الهجيني لابد ان يكون متوافقا مع ايقاعات اقدام الذلول وهي تغذ السير في الصحراء ، وهو ماراه في النوع رقم 3 وما بعده ، وبالتالي فلربما وجدت لاحقا المسمى الأكثر ملائمة لها
وقد اضاف على هذه التفعيلة احمد الناصر في بداية الشطر مستفعلن اخرى واستخدمت في المحاوره
مستفعلن/مستفعلن/فاعلن/مستفعلن/فاعلن

لم يصادفني في النبطي أبيات بتمام هذه التفعيلة في كلا الشطرين ، فما وجدته قد يزيد او ينقص شطر عن شطر بحرف في التفعيله الأخيره
مثال
مسيت بالعيد واللهفة وشوق الوصول=ياحلمي اللي دروب العيد مادلهـا
فالشطر الأول على
مستفعلن/فاعلن/مستفعلن/فاعلان ، بينما الثاني مطابق للتفعيلة
الأصليه : مستفعلن/فاعلن/مستفعلن/فاعلن

2- ولكن الأغلب من الهجيني الطويل يأتي على
مستفعلن/فاعلن/مستفعلن/فعْلن
هبت هبوب الشمال وبردها شيني = ما تدفي النار لو حنا شعلناها
ه ب ب ت ه ب و/ ب ش ش م ا/ ل و ب ر د ه ا/ ش ي ن ي
مستفعلن / فاعلن / مستفعلن / فعْلن



ومنه :
يامل قلب بيسج وفيه دولاجه =من هاجس بالضماير قام يدرجه

يامل قلب هواجيسه يسوقنه =سوق السواني على مطوية الجالي

أضحك مع اللي ضحك والهم طاويني ...طية شنون العرب لا دفقوا ماها
وراك ما تزعجين الدمع ياعيني ... على هنوف جديد اللبس يزهاها

في لاهب القيض ولا لاهب الكنه =والنفس والمال حاديه أشهب اللالي
3- الهجيني الأصيل ، والمسمى عند البعض هجيني قصير:
وتفعيلته :
مستفعلن/ فاعلن/ فعلان (في الشطر الأول)و مستفعلن/ فاعلن/ فعلن (في الشطر الثاني)
مثل قول ابن مهنا: الخيل تحمس علينا حمس..والهجن للرمي تنقادي
ومثل قول عبد الله بن سلوم:اللون ماهو دليل الثوب..الثوب يزهاه لباسه
ومثل قول : دبيان السبيعي:
الزين شفته مع السبعان.. على الحسي يوم يردونه
معهم بني كما الغزلان .. واقفوا بقلبي يجرونه
ومثل قوله أيضا:
يابنت يا ام العيون السود ..خوفي من الله وحبيني
يابنت ما في الهوى منقود .. واهلك ولا همب داريني
واما حصل حبة بركود ... لا موت وانتي تشوفيني
ومثل قول : سعود بن محمد بن عبد العزيز:
يازين فرع وقذ الراس .. خل الأزارير دلاعه
لولا الهوى وش حياة الناس .. كل الهوى القلب مرباعه
ومثل قول ايراهيم بن جعيثن:
امس الضحى دك بي هوجاس .. والقلب كنه على مله
ومثل قول الغيهبان المري:
اما انت هيجن الى هيجنت.. والا انت عن فاطري حول
ومثل قوله أيضا: لاتشرب التتن يالمملوح .. يفسد ثناياك يالغالي
مافيه نفع ولا مصلوح ... نقص في الاعمال والمالي
ومنه قول عبد الله بن صالح الأشقر:
يامل قلب على ميهاف ....متولع والقدم حافي
عليك يابو ثمان رهاف .... أنته سبب داي واتلافي
ومنه ايضا :
والله لولا الحيا لانوح .. كني كسير يملونه
خلوه وسط الفضا مسدوح .. والجمر فوقه يملونه

وقد يأتي كلا الشطران على تفعيلة واحدة
مستفعلن/فاعلن/فعلن
مثل قول فيحان الرقاص:
يالعين لك بالهوى لفته= ما انتي على دين الاخواني
هو معجبك واحد شفته= عوده من الزين روياني
ومثل قول : محمد بن أحمد السديري
تلعب بقلبي وانا طيعك= وأنته سبب كل ماجاني
وعني تنحت مرابيعك = من ... وأنت بلشاني

ومثل قول كنه الرماليه:
الغوش ما احلا محازمهم .. واحلو غوش الرمالاتي
ومثل قول :مهنا بن ابراهيم المهنا :
يالهجن شلن بنا شله ..يا موردات المصاليبي
ومثل قول : محمد بن عيد الضويحي :
عديت في مرقب عالي ..تقصر طيور الهوى دونه
وقول : جاسر غضيان الشراري:
كل السبب عين حوريه .. اللي تصوب مراعيها
ــــــــــــــــــــــــــــــ ــــــــــــ
ــــــــــــــــــــــــــــــ ــــــــــــ
ويأتي الهجيني الأصيل ايضا على بحر الرمل او مشتقاته
فعلى : فاعلاتن/فاعلاتن/فاعلاتن في كل شطر
راكب اللي لامشى مثل السفينه=وان عدا يسبق معاصير الهبايب
ومنه قول غازي بن غضيب الدعجاني:
فاطري خبي خبيب بروجاني = واعذابك وان طرا خلي عليه
ومنه قول الدجيما:
فر قلبي من ضميري يوم فرا =فر حر شايف زول الحباري
ومنه قول: سعود بن عبد العزيز الكبير:
واهني الترف منسوع الجديله = لاضواه الليل دون مغرزاتي
وردوهن هيت واخطاه الدليله = والموارد غير هيبت مقضباتي



كما ذكرت سابقاً فالسامري ماهو إلا قصائد كانت تشال بشكل جماعي
في السمر ، ولكن في العصر الحديث رأينابعض المطربين يتغنون بها
هذه القصائد من بحور مختلفة وذات تفعيلات مختلفه :
أولا: رأينا كيف أن تفعيلة المسحوب هي
مستفعلن/مستفعلن/فاعلاتن
ولكنها هنا تستخدم ايضا في بعض قصائد السامري بتمامها او بزيادة او نقص في التفعيلة الأخيره
1- كما هي
من قول نوره آل رشيد
ابكي هلي أهل العلوم المليحه =ولا الوم عيني لو بكت دمعها دم

2- مستفعلن/مستفعلن/فاعلاتن+ مستفعلن/مستفعلن/فاعلاتان
ومنه قول فهيد بن هباس :
البارحه ياعبيد عييت أناما=قلب الخطا نكر علي الهواجيس

3- مستفعلن/مستفعلن/فاعلاتان + مستفعلن/مستفعلن/فاعلاتن ، مثاله:
قول عبد الله لويحان:
البارحه ما هملج الطرف بنعاس =مافاض من نجم عيوني تخيله

4- مستفعلن/مستفعلن/فعلان+مستفعلن/مستفعلن/فعلن
ياذا الحمام اللي سجع بلحون= وشبك على عيني تبكيها


ــــــــــــــــــــــــــــــ ـ
ثانيا: ورأينا كيف أن :
مستفعلن/فاعلن/مستفعلن/ فاعلن ، اعتبرت في بعض القصائد هجيني طويل
وهاهي هنا بالتمام او بالزيادة او النقص في التفعيلة الأخيرة ،تعتبر قصائد سامري ، في هذه الأمثله :
1- مستفعلن/فاعلن/مستفعلن/ فعلن
كقول صالح السكيني:
البارحه ساهر والعين مسهرها=زول مع السوق بالمفرق تعداني
قول سليمان بن شريم:
حيا الله اللي يغيب ويسرع الرده =اللي يجيني الى منه تباطاني
ومنه : أرجوك جفت دموعي لا تبكيني = يكفيني اللي مع الهجران قاسيته
ومنه :ودعتك الله وداع السمع للصقهـا= سق ركب الاوجاع للفرقى وودعنى
ومنه : ياحافرينالقبر خلوه ميداني = واللي على قد راسي لا تطمــونه
خلوني اشوف من سير ومن جاني= اشوف غض النهد يمشي على هونه
ــــــــــــــــــــــــــــــ
2- مستفعلن/فاعلن/مستفعلن/فعلان + مستفعلن/فاعلن/مستفعلن /فعلن
غاب القمر وانكسر وجه المرايا فيك=والحزن نثـّـر على وجهي شظاياها
ـــــــــــــــــــــــ
3-مستفعلن/فاعلن/مستفعلن/فعل + مستفعلن/فاعلن/مستفعلن/فعلن
مثل قول عبدالرحمن المقحم:
اوحيت ورق القميري له تلعلاع= من فوق قصر منيفات مرابيعه
ــــــــــــــــــــــــــــــ ــــــــــــــــــــــــــ
4- مستفعلن/فاعلاتن/فاعلاتن ×2
ومنه قول سليمان بن شريم:
البارحه ساهر والدمع يجري =والقلب حزن على فرقى حبيبه
ــــــــــــــــــــــــــــــ ــــــــــــــــ

ثالثا: ورأينا كيف كانت بعض قصائدالهجيني على التفعيلة
فاعلاتن/فاعلاتن/فاعلاتن
سواءا بتمامها او بالزيادة او النقص في التفعيلة الأخيرة وهانحن نستخدمها لبعض القصائد كسامري
1- فاعلاتن/ فاعلاتن/ فاعلن+ فاعلاتن/فاعلاتن/فاعلن
آه في قلبـي عـوى ذيـب iiالهـوى =في الحشا سرحان يقنب iiبالعويل

2- فاعلاتن/ فعولن/ فاعلاتن/ فعولن
ومنه قول فهد راشد بورسللي:
سلموا لي على اللي سم حالي فراقه=حسبي الله على اللي حال بيني وبينه

3- فعولن/مفاعيلن/فعولن/مفاعلن+فعولن/مفاعيلن/فعولن/مفاعيلن
لسليمان ابن شريم أيضا:
سرى البارق اللي له زمانين ماسرى= صدوق المخايل بارقه يجذب الساري
ومنه قول عبد الرحمن البواردي:
احب الخضر من حيث لي صاحب خضر = واباهي بزينه جملة البيض واماري
ابو غرة توضي وطوق على النحر = وفي نظمها اللولو على دار ما داري

4-فعولن/مفاعيلن/فعولن/مفاعيل+ فعولن/مفاعيلن/فعولن/فعولن
ومنه قول أحمد الناصر:
انا اقول يا ستار زل اول الليل= تعدى اوله ما بقى إلا قليله

5- فعولن/مفاعيلن/فعولن/مفاعيلان+فعولن/مفاعيلن/فعولن/مفاعيلن
سليمان بن شريم
ألا ياعيوني ما يفيدالنظـر والشـوف = تكافي وكفي لاتراعين ياعـيوني
وايضا :
تولعت بك والله كتب لي على فرقاك=حسيبي على الحظ الردي كانه أشقاني

6- مفاعيلن/ فعولن/ مفاعيلن/فعولن ×2
ألا ياعـين هـلي دموعـك ياشـقية =على عصر مضى لي الا ياعين هلي

7- مفاعيلن ×4
دخيل الله بن مرضي الدجيما(الروقي):
أجل ياناثرالدمعه تعبر خاطرك مكسـور
...................وفيته ماحصـل منك تصـرف ماعليك اجبار

8-مفاعيلن/مفاعيلن/مفاعيلن/مفاعيلان+مفاعيلن/مفاعيلن/مفاعيلن/مفاعيلن
ألا ياونة ونيتهافي عالي المشراف = تعليته وبيحـت الكنين وحلت الضيقه

9- مفاعيلن/ مفاعيلن/ فعولن
ألا يابارق يوضي جـناحه = شـمال وابـعـد الـخـلان عني
ومنه :
سقى غيث الحيا مزن تهامـى =عـلـى قـبـر بتلـعـات الـحـجـازي

10- مفاعيلن/ مفاعيلن/ فعولن/ فعولن
ألا يا ونتي ودموع عـيني تهل = مثل شـن على جال المقام المهايف

الموضوع منقول للأمانه لصاحبه أبن الذيب
مع و جود بعض الملاحظات في بحر الرمل
عسى أن تتم الأستفاده

[( ~قلب مهجؤر~ )]

الله لايهينك,,,

[خالد العجمـــي]

المشاركة الأصلية كتبت بواسطة ابن مشــوط

الله لايهينك,,,

ومن يقول يا ابن مشوط

[ناصر ال صليع]

لاهنت على النقل