فقيد الشبكة ( النقال ) رحمه الله

[سالم العظيمان]

الله يرحم والديك يا قصر نايف

اي والله انك صادق

واللي يوجع بعد اول ماتملك

كلمني ويقول اول من علمته بعد

ما تملكت انت ( وكان مرسل وسائط ام ام اس

صورة العقد اللي موجوده بالشبكه )

ولاهوب اشوى لك ماتحضر

قلتله هذي مافيها كلام ان الله عطانا عمر حضرنا

مهما كانت الظروف

وكان الله يرحمه يرددها في كل مكالمه من مكالماته

اللي شبه يومية حتى اني قلت ان عاد كررتها زعلت عليك

قال لا والله هذا من غلاك يا سالم

وقبل وفاته بايام يعلمني انه خلص كروت الزواج ويقول

ودي ارسلك كرت قلت له ان ارسلت كرت ما حضرت

قعد يضحك

ويقولي الله الله بالتغطية الطيبه قلت افى عليك لا توصي
وكان يكلم شخص على الماسن و ويبي يقوله ان ( سالم
بيجي وبينزل تغطية مذهله لعرسي ) ارسلها لي بالغلط
قلتله ابشر بالتغطية المذهله


ويقولي سالم متى بتعرس قلت اذا صرت كبرك يوم تعرس اعرست

واخر مره كلمني قالي بروح لدوامي بالحريق
وبشوف شقتي ويم الاثنين او الثلاثاء بالكثير بكون بالرياض
( مع العلم انه خذا إجازه من دوامه 45 يوم )

وقال لازم تجيني قبل العرس بيومين على الاقل ابي تكون معي قبل العرس
قلت ان شاء الله

وكان عندي سفرة خارجية أجلتها ومواعيد و ظبطت دوامي على حسب الموعد
ومجهز بعض الترتيبات استعداد لزواجه

وقبل موعدنا بأسبوع اتى امر الله الذي شاء ان لا نلتقي ابداً في هذه الحياة


سبحان الله هذه المده وكل يوم يكرر دعوته لي إلى هذا الوقت القصير
المتبقي على زفافه اخذه امر الله سبحانه ولا اعتراض على قدره

هذا يوجع جعل ربي يجمعنا واياكم معه فيه الجنة

اللهم ارحم عبدك حمد بن سالم و اغفرله و ابدله دارا خير من داره