همزة وصل

[خالد بن رمثان]

بس !! لا تطري تسافر / ياااا كثر سفراتك ..
لا تخليني أنادي : يا غناتي وينك ؟

لا تخليني و قلّل بعدك و روحاتك ..
و لا تعّذر دام عذرك في جفآ غالينك !!

و إعرف إن ( عيون قلبي ) تحتري جياتك ..
و إعرف إن (بنوك وصلك ) ما تسدد دينك !!

[خالد بن رمثان]

ياللي خذاك البعد مني .. تركد !!
إرفق على اللي ما اهتنى في غرامه ..

قلبي تعلق فيك حيل و تنكد !!
و فوق المحبه / ما لـ قلبي سلامه ..

بتصد عني ؟ صـد .. لكن تأكد !!
إني أحبك لين يوم القيامه ..

[خالد بن رمثان]

.

صرت في سوق الهوى بايع و شاري !!
و بعت أنا غالين .. يوم إني شريته ..

يا عيون الظبي / يا صوت الكناري !!
يا عجيب الوصف / يا خشف ٍ لفيته ..

يالخَيار الصعب / يالصك الوزاري !!
يا كتاب ٍفالهوى ما قد قريته ..

يالقديم .. اللي خذا الطبع الحضاري !!
يالعلاج .. اللي بموت إن ما كليته ..

.

[خالد بن رمثان]

.

لا تبرّر غلطتك .. و تصجني ..
ترتدي ثوب الصدوق / و تشلحه !!

لو صحيح إنك خوي .. و تعزني ..
كان ما دقيت / لجل ( المصلحه ) !!

.