وصايا

[محمد ضرمان الشولاني]

السلام عليكم ورحمة الله وبركاته


صباحكم فل ومساكم ياسمين


احببت ان اشارك بهذه القصيده ولها مناسبة حيث ان ابني راكان اعتاد مني الجلوس كل يوم في وقت معين اراجع فيه صفحات قصائدي اما مراجعة واما كتابة ولاحظ في يوم من الايام اني لم اكن منشغلا بالشعر وهو من مشجعي نادي الهلال السعودي فطلب مني كتابة قصيدة عن الهلال فباحت قريحتي وقلت سوف اكتب لك ما هو افضل من الهلال وغيره فكانت هذه الابيات:

سر يا قلم واكتب وصيه لراكان=اقرا مضامين الورق والكتابه
ستة وصايا سقتها لك بقيفان=افعال روس القوم فعل القرابه
الاوله دينك صلاتك وقرءان=سنة نبيك نهج خير الصحابه
ترا حياتك في العمل مثل بستان=يا تزرع وتجني يا تلقى خرابه
الثانية وصل الاقارب والاخوان=فيها الاجر فيها وقار ومهابه
لو واحدن قاطعك منهم وزعلان=اركب ذلول الوصل في طرق بابه
ترا الوصل ماهو جزا احسان بحسان=ترا الوصل خيره على من بدابه
الثالثه حفظ الامانه والايمان=واليا شتلت الحمل شد العصابه
الارض عيت والجبل صار شفقان=من ثقلها حتى السما في سحابه
لكن حملها في جهل وحده انسان=ما يدري ان الشيب يلحق شبابه
الرابعه حذراك وافات بلسان= الخوض فيها فالمجالس معابه
نميمه وغيبه وكذبٍ وبهتان=إياك و قول الزور ما ينحكابه
ترا لسانك فرد واحصان ميدان=عنّ الحصان وبيت فردك جرابه
الخامسة تكريم جارٍ وضيفان=دق النجر والبيت كثّر زهابه
اهلا وسهلا خلها دوم عنوان=بشاشة محيا وصدرك رحابه
الجود للرجال مَعْلم وميزان=كم واحدٍ قفّى ولا احدٍ درابه
شف حاتم الطائي على مر الازمان=قدّم جواده والفقر ما حكابه
الجار لا وصيك يا نسل سرحان=الله ذكر حقه بمحكم كتابه
الجار لا طول غيابه ولا بان=دارك ذرا داره بحلّ وغيابه
السادسه دوّر لذيبٍ وظفران=دايم وهو كسبان من صيد نابه
ياقف عضيدٍ لك لمنّ الزمن شان=وقفة شجاعٍ والعنى ما يهابه
جنب هل الزيفات واصحاب حقران=الكلب كلبٍ والذيابه ذيابه
هذي وصاتي حطها نصب الاعيان=منهجك في دنياك درب اللبابه
عشرين وخمس ابيات جاتك بتبيان=أخير من نظم الشعر في دعابه
صلاة ربي عدّ ما هل ودان= اعداد من صلى وطاف برحابه

وسلامتكم

[فارس بن عماره]

صح لسااانك يا الشنب
انتظر جديدك
تقبل مروري
فارس بن عماره

[عارف دربه]

صح لسانك يا بو راكان
ابدعت وامتعت
ننتظر جديدك بشغف
تقبل مروري

[HتـلاNـي]

صح السانك يا بو راكان

[محمد ضرمان الشولاني]

ارحب يا فارس بن عماره ارحب

صح بدنك ملايين

انت الشنب يالسنافي

اسعدني مرورك وتشريفك متصفحي يالغالي

تقديري،،،

[محمد ضرمان الشولاني]

ارحب تراحيب المطر اخي عارف دربه

صح بدنك يالسنافي

واسعدني مرورك وتشريفك متصفحي

تقديري واحترامي يالذيب،،،

[محمد ضرمان الشولاني]

hتـلاnـي

ارحب يالسنافي

وصح بدنك

واسعدني مرورك وتشريفك متصفحي يالغالي

تقديري،،،

[محمد ضرمان الشولاني]

توضيح هناك خطأ في الكتابه ي هذا البيت
ياقف عضيدٍ لك لمنّ الزمـان شـان
وقفة شجـاعٍ والعنـى مـا يهابـه

والصحيح الزمن

ارجو من المشرفين تعديله

تقديري،،،

[سلطان عبدالله]

صح لسانك ولاهنت

ੀ҉°ੀ҉°ੀ҉

[مـح,مـد بـن راشـد]

صح لسانكــــ

ولاهـــنـــ،ـــــــــــــــــت

تحيـــــــــــــــــــــــــــــــــــــــــــــــ ـــاتيـ,,,