البارحة

[علمني كيف اخليك]

البارحه طيفك مع الليل احاكيه
......................يشهد علي الليل والنجم يصغاه
فكرت ويا الليل مبدع قوافيه.
.................. ...مسحوب طرقي والقوافي تقفاه
والحزن فوق القلب والهم مقفيه
...................و ليلي غدا ليلين والصبر مقواه
اكتب شطروالشطر الاخر نجاريه
........................شاعر تحد ه والليالي توطاه
اجزل بيوت الشعر وحكم معانيه
......................ولا هزيل القاف واضح ثناياه
ياللي حرقت القلب منهو يطفيه
.....................النار نار ٍ تتعب القلب واحشاه
يا مانسيت اللي من الناس نغليه
........................ولاعاد به شي ليا حل طرياه
استر عيوب الناس والطيب ابديه.
...................وش خانت اللي ماسترعيب رفقاه
امسٍ وقبل البارح القلب اهنيه.
......................امسي مع الفرحه وصبّح بفرحاه
في شوفتك افرح مع اللحن اغنيه
.........................وطيفك يسلي كل طرقٍ بمغناه
قلبي كثير اللي من الناس ترجيه
......................وانا الذي قلبك من الناس يرجاه
لاتحسب ان الصد صعبٍ تحديه
.......................ترى الزمن يشكي ومثلي تحداه
انشد وتلقى الليل تقصر مساريه
.................صدر الزمن يشكي من اقصاه ودناه
راحت هجوسك مبعده في هقاويه
.....................انشد جبال اطويق واللي ترقاه
تلقى زمانك قاصرات ٍ لياليه
.....................هذا الصحيح وتدمع العين فرقاه
وانت الذي لاضاق صدره نراضيه
...................نتعب على شانه على شان نرضاه
ولا انت تدري من زعل عيب اصافيه
.....................يادارس اطبوع المشاعر وتدراه
يا ما لقيتك تشكي الهم تشكيه
..................وجهك عبوسٍ تشكي الحظ برداه
ياللي خذيت القلب وشعادكم فيه
....................رده ترى قلب العنا وافي اشقاه
ارفق بقلب هالليالي تفاجيه
.........................يابو ثمانٍ مرهفاتٍ مصفاه
انا عشقت وعشقي محدٍ يظاهيه
................جيتك على الفطره وذ القلب يغشاه
احساس من قمة شعورٍ وطريه
...................عليك ياللي ناسي القلب تنساه
في كفي سيفٍ للعواذيل مرهيه
................وفي صدري درعٍ لسهوم المصلاه
ياقلبي الليله على وادي التيه
...................جريت ونه والف ونه من الأه
اسمع صدى صوت المعنا بتاليه
....................اضحك واقول الله يعين الذي تاه
والحق انا اللي تايهٍ في دواهيه
.......................مجراك نار تكوي القلب تكواه

[القرم 8]

في شوفتك افرح مع اللحن اغنيه
.........................وطيفك يسلي كل طرقٍ بمغناه
قلبي كثير اللي من الناس ترجيه
......................وانا الذي قلبك من الناس يرجاه

هالله هالله روووووووووعه
ما خاب ظني فيــج يوم اقول عنج انــج شاعره ذويقه
تسلمين يا الاميــره وما قصرتـي
صـــــــــــح الله لسانـــــــج ولا هنتــي ع النقل
و صــــــــح الله لسان شاعرها ولا تعبتــي

ابيات في منتهى الروووعه و اختياركـ هو الرائـــــــــع

تحياتــي و إلى الامام و دمتي بخالص الود و التقدير والاحترام .

[علمني كيف اخليك]

تسلم ياااالغالي ولاهنت على كلام المميز وساااام على صدري
واشكر تواجدك بصفحتي ياخيال كروش

[(جساس)]

علمني كيف اخليك
الله الله الله عليج ابدع ابدع جميل
تسلمين على الذوق الجميل
تقبلي
مروري


تلقى زمانك قاصرات ٍ لياليه
.....................هذا الصحيح وتدمع العين فرقاه

[*ابوخالد*]

صح السانك والسان شاعرها

[خالد بن نفل]

صح لسانگ ولسان شاعرها

[علمني كيف اخليك]

شكرا اخوي جساااس ولاهنت

[علمني كيف اخليك]

صح بدنك ولاهنت ابو خالد

[علمني كيف اخليك]

صح بدنك ولاهنت خالد بن نفل

[ام رشود العجمي]

ياللي خذيت القلب وشعادكم فيه
رده ترى قلب العنا وافي اشقاه

ارفق بقلب هالليالي تفاجيه
يابو ثمانٍ مرهفاتٍ مصفاه

انا عشقت وعشقي محدٍ يظاهيه
جيتك على الفطره وذ القلب يغشاه

يخوني تعبيري عن وصف روعة القصيده
صح الله لسان شاعرها ملااااايين
والله لايهينش على النقل
ويجازيش كانش صبحتينا