سلآم ياهل العزّ وأهل الظفر وأهل النواميــس

[محمد أبو زيد]

السلام عليكم .. ومسّاكم الله بالخير

طاروق عآم ياشعّار .

سلآم ياهل العزّ وأهل الظفر وأهل النواميس = أهل المواقف لاقدح في فتايلها الزنآدي
أشوف عاصوف الهوى هبّ وأٌقفى بالقراطيس = وأشوف لي مرقاب فالمنتدى وأشوف وآدي

[هداج تيما]

وعليكم السلام ورحمة الله وبركاته
استلم لا هنت

يا مرحبا بك وأنت من لابة(ن)في الحرب فرّيس=سفران عقب له رجال(ن)يضدون المعادي
شهرين ليلي يا السنافي وهي تبكي علي قيس=لو كان يا أبو زيد خطابها كثر الجرادي

[محمد أبو زيد]

الله الله الله ياهدّآج

هدآج لاصليت حذرآ يغيّر قلبك إبليس = لو كان مرّك مارخ الرآس في عنبر وكآدي
اللي عرف شمّر يعلمك بفعول السناعيس = واللي جهل شكل المسامه جهل شكل الشدآدي

[زبون الجاذيه]

اللي عرف شمّر يعلمك بفعـول السناعيـس
واللي جهل شكل المسامه جهل شكل الشدآدي
صح لسانك يابو زيد
واصلوا وحنا متابعين

[هداج تيما]

يا سلام عليك واللي ما يعرف الصقر يشويه

نفسي مجنبّها الردي والخبل والعفن والهيس=يا ذيب صبر أيوب وألا كما صبر المهادي
الحمّره منقارها بين جنحان القرانيس=وأنا أعرف الأرهاب ماهوب فرض ولا جهادي

[زبون الجاذيه]

الحمّره منقارهـا بيـن جنحـان القرانيـس
وأنا أعرف الأرهاب ماهوب فرض ولا جهادي
يا سلااااااااااااااااااااااااام الليل الليل واصلوا وصح لسانك يا هداج

[محمد أبو زيد]

مرحبآبك يازبون الجاذيه

ترى الغبي فــ البرد دخّل رويسه دآخل الكيس = مايدري إن كرعانه يحوفها صلف البرآدي

الطيب له مقياس والعيب له عشرة مقاييس = وأبو حقب محدٍ يعدّه من طيور الهدآدي

[عـزام]

يا سلام يا سلام

واصلوا وانا فى صف النشيط منكم


لا هنتوا يا شعار

[هداج تيما]

هلا يازبون الجاذيه

مالك وماله جعل عماش يشوي كلوة التيس=الجدي عين الساري اللي من العربان غادي
المرجلّه ما هيب ترضع من اديود الجواميس=ألا من الدم الحمر والبواتير الحدادي

[هداج تيما]

عزام يا مرحبا بك و ابيك وجدك
والقبيله اللي انت منها
يكفي مرورك يا السنافي