يا ليتني خدامةٍ بين اياديك

[الباشا]

قصيدة لشاعرة ترقد في دار المسنين تنثر كل أحزانها بصوت الأمومة لولدها الذي تركها في الدار وبخل عليها بأضعف ما تريد ألا وهي رؤيته.

يا مسندي قلبي على الدوم يطريك = ما غبت عن عيني وطيفك سمايا
هذي ثلاث سنين والعين تبكيك = ما شفت زولك زاير ياضنايا
تذكر حياتي يوم اشيلك واداريك = والاعبك دايم وتمشي ورايا
ترقد على صوتي وحضني يدفيك = ما غيرك احد ساكن في حشايا
واليا مرضت اسهر بقربك واداريك = ماذوق طعم النوم صبح ومسايا
ياما عطيتك من حناني وبعطيك = تكبر وتكبر بالأمل يا منايا
لكن خساره يبعتني اليوم وشفيك! = واخلصت للزوجه وانا لي شقايا
انا ادري انها قاسيه ماتخليك = قالت عجوزك ما أبيها معايا
خليتني وسط المصحه وانا ارجيك = هذا جزا المعروف وهذا جزايا
ياليتني خدامة بين اياديك = من شان اشوفك كل يوم برضايا
مشكور ياولدي وتشكر مساعيك = وادعي لك اللّه دايم بالهدايا
حمدان يا حمدان امك توصيك = اخاف من تلحق تشوف الوصايا
اوصيت دكتور المصحه بيعطيك = رسالتي واحروفها من بكايا
وان مت لا تبخل علي بدعاويك = واطلب لي الغفران وهذا رجايا
وامطر تراب القبر بدموع عينيك = ما عاد ينفعك الندم والنعايا

[قبلةالعجمان]

الله يرحم حالها ،،
والعاق بوالديه يشوف عذاب الدنيا قبل عذاب الآخرة ،،
اللهم العفو والعافيــــــة ،،
لاهنت الباشا ~

[м8ąĐїṜ]

&&لاحول ولاقوة الا بالله&&

من كبائر الذنوب:- العقوق بالوالدين

لاهنــــت اخوي الباشا على النقل الرائع والجميل

تقبـــل تحيتــــي

[يـوران]

جعل حمدان الدعم

والله تبكي القصيده ،،،، والله ياخذ كل منهو على شاكلة حمدان

لاهنت يالباشا

[عيد بن شدقان]

لاحول ولا قوة الا بالله

يالله انك ترحمهاا برحمتك يارب



لاهنت يالباشا

والله يعطيك العافيه

على ما نقلت لناا

[أشهب الـلال]

تذكر حياتي يوم اشيلك واداريـك=والاعبـك دايـم وتمشـي ورايـا
ترقد على صوتي وحضني يدفيـك=ما غيرك احد ساكن فـي حشايـا
واليا مرضت اسهر بقربك واداريك=ماذوق طعم النوم صبـح ومسايـا
ياما عطيتك من حنانـي وبعطيـك=تكبر وتكبـر بالأمـل يـا منايـا

لاحول ولاقوة ألا بالله



كان الله في عونها ،،،

قصيده حزينه ولكن فيما يبدو لي أنهُ لا حياة لمن تُنادي ...!!

من ترك والدته ثلاث سنين،،،،،،، فلن يعود..!!


لاهنت يالغالي

الباشا

ولنا شوق لجديدك دائماً

تقبل تحياتي

أخيك

[بـــنـــت الــقــصـــيـــم]

لكن خساره يبعتني اليوم وشفيك!
واخلصت للزوجه وانا لي شقايـا
انا ادري انها قاسيـه ماتخليـك
قالت عجوزك مـا أبيهـا معايـا

قصيده محزنه .... الى هالدرجه قسوه قلبه ....!

مهما كان فاالام لوحدها ... حسبي الله ونعم الوكيل

اشكرك اخي على القصيده المحزنه ..

تمنياتي لشخصك الكريم بالتوفيق

[مرهف إحساس]

احييك اخوي
الباشا

على هذا الاختيار

القصيده محزنه

ولك تحياتي

[عجمية ولي الفخر]

بسم الله الرحمن الرحيم

والله ان القصيده ازعجتني حيل ....

امحق ولد والله ..... بس يصبر له رب يمهل ولا يهمل .....ولابد ياخذ حقها منه ....


والله لا يبلانا ولا يبتلينا بواحد مثله .......


سلااااام ....

[AL- JOORY]

وامطر تراب القبر بدموع عينيـك=ما عـاد ينفعـك النـدم والنعايـا

حسافه وربي !!




والله والله ماعاد بـــه كلام





ويش بعد هالبيت من كلام ...... كل خليه في عمري وقفت لهالقصيده



أمـــــــا هالبيت زلزل شراين قلبي يالباشا




كل كلمات الشكر ما توفيك حقك ...... لعل وعسى يمر عاصي من أبواب تلك القصيده فعتبر

وينالك الأجر بإذن الله