ابناء قبيلة العجمان العريقه

[مطيري بريهي]

السلام عليكم ورحمة الله

ابناء قبيلة العجمان العريقه

سجلت في منتداكم الانتخابي لكي ابارك لكم بداية نجاح المرشح عبدالله الشرفا

واباركم لكم ايضا المنافسة الشريفه لمرشح قبيلة مطير ودائرة الرقه_هديه عبدالله عكاش العبدلي

ولا شك ان منافستنا في الانتخابات اعطت نموذجا طيبا للمنافسه الشريفه

فرغم الحماس والحميه القبيليه الا ان ذلك لم يؤثر البته في العلاقه الحميميه بين مطير والعجمان

ولم يؤثر في العلاقه الشخصيه الاخويه وعلاقة الجوار بين عبدالله عكاش وعبدالله البرغش

اني سعيد جدا لا لنجاج ابن القبيله وانما للعلاقه الطيبه بين مطير والعجمان والذي لم تهزها

ابدا المنافسات الانتخابيه ولم يؤثر بها نجاح ابن قبيلة مطير , فهذه هي السعاده الحقيقيه

ان كنتم خسرتم مقعدا في الدائره الا انكم فزتم باحترام الجميع واول الجميع قبيلة مطير الكريمه

ولكم مني ومن قبيلتي ارفع درجات الود والتقدير

وحظا اوفرا باذن الله لعبدالله البرغش وجاسم الكندري

وخيرها في غيرها..

اخوكم المطيري البريهي

[Q8710]

الله يعطيك العافيه ويجزيك خير

وأنا والله من الناس اللي يشهدون لكم بحسن المعامله

ويكفي ادب نسوانكم وروحهم العاليه والطيبه مع الكل

يوم الانتخابات وكل ماواجهت وحده قالت حنا اخوان أول وتالي

وهذه انتخابات وعزالله انهم صدقوا ولاأنسى الكندريات كلهم ماشاء الله

كانت نفوسهم طيبه

الله يوفق الجميع انشاء الله والللي كاتبه ربي هو اللي صار

فراشة الكويت

[الرااااااسي]

السلام عليكم ورحمة الله وبركاته

ارحب ارحب مليون يامطيري بريهي وانتم يالمطران يشهد الله اخوان وجيران ونسابه

وعكاش عمل واجتهد وربي وفقه وانشالله يتوفق بالمجلس ولكل مجتهد نصيب والشك زايل

اهم شي ان الانتخابات منافسه شريفه وصدقني اول ماتخلص تلاحظ العجمي يبارك للمطيري والمطيري يبارك للعجمي ومهما كان وانا اخوك هذي انتخابات لاتنقص ولا تزيد في اخوة وتلاحم القبايل



تقبل تحياتي اخوك الرااااااسي

[السبع]

يمرحبا والله ومسهلا يا المطيري وحنى بعد نقول ان هذي انتخابات ولاهي الي بتفرق بين الاخوان والجيران والربع ولا فيه رجال عاقل بتغيره الانتخابات على ربعه وجيرانه وخوانه ومثل ماقلت كانت مثااااااال للمناسفه الاخويه الشريفه والله يوفق الي نجحو ويعوض الي ماحالفهمم الحض

[الفهد10]

مرحبا اخي المطيري _ شرفت بحضورك المنتدي العجمان _ نورته وحتي من كثر نورك اجهرتني _ كلام طيب من شخص طيب _ وهذي منافسه وابن برغش ماهب اغلا الطروش هل كرسي لاكن من مايقبل الخساره مايستاهل النصر _ وابن شرفان ممثل القبيله والدايره _ وابن عكاش يستاهل رجل عاقل وكلمته موزونه وعاقل وانا احب الرجال العاقل _ وانا ماصوتله ولو عندي صوت زايد ماشوف احد كفوا له بالمنطقه غيره _ والله يوفقهم كلهم _ واقولك مرحبابك في منتداك _ وعلى فكره تراه محلك _ مو محلنا _ مرحبابك باي وقت _

[رئيس الوزراء]

يالفهد ياليت تقرا وش انت كاتب

واللي انت قلته محد براضي عنه

شف وش انت قايل

سلام

[عكس التيار]

عسى الطيب من ربعنا

و عكاش وبن شرفان

يمثلون الكويت بكل قبائلها و عوايلها

لأنهم من اختارهم الشعب

الله يوفقنا وياهم لكل خير

[Q8710]

المشاركة الأصلية كتبت بواسطة الفهد10

مرحبا اخي المطيري _ شرفت بحضورك المنتدي العجمان _ نورته وحتي من كثر نورك اجهرتني _ كلام طيب من شخص طيب _ وهذي منافسه وابن برغش ماهب اغلا الطروش هل كرسي لاكن من مايقبل الخساره مايستاهل النصر _ وابن شرفان ممثل القبيله والدايره _ وابن عكاش يستاهل رجل عاقل وكلمته موزونه وعاقل وانا احب الرجال العاقل _ وانا ماصوتله ولو عندي صوت زايد ماشوف احد كفوا له بالمنطقه غيره _ والله يوفقهم كلهم _ واقولك مرحبابك في منتداك _ وعلى فكره تراه محلك _ مو محلنا _ مرحبابك باي وقت _

معليه يخوي يمكن انا فاهمه غلط

بس فسري لي اللي مكتوب بالاحمر

[الفهد10]

ابشري _ يعني الكرسي ماهب اغلى الطروش عن اخينا ابن برغش _ يعني راح راح جاي خير وبركه _ وبلنسبه للي ماقبل الخساره مايستاهل النصر _ تبين الدنيا نصر بنصر بنصر _ لازم فوز وخساره _

[رئيس الوزراء]

الفهد ياليت تنسق كتاباتك عدل

لانه والله ارتفع ضغطي يوم قريت ابن برغش مهب اغلا طروش

وانا دااري انه مهب قصدك

لكن نسق كلامك