إلى محبي الغزل تفضلوا هنا

[الرازي]

السلاام عليكم

اهدي هذه القصيدة الغزلية الرائعة إلى محبي الغزل من الأعضاء

وهي للشاعر المبدع بارود ارجو ان تنال على اعجابكم

القلب يا هادي بلاويه عاقته=
ولكل قلبٍ يا فتى الجود طاقته
أعزيه كوده يدرك الصبر والعزا =
حيث إن ما صابه سبايب محاقته
ونا خابرٍ همّه وغمّه وحسرته =
وهواجيسه اللي وين أوجّه بساقته
فلا ينفعه في ما تقضاله الندم=
على من قطع وصله وباقي علاقته
وليفٍ ولفت القرب منه وشاقني =
جماله ومنطوقه ولّذة لباقته
حواله وصوفٍ ما تهيت لغيره =
تفرّغ له المولى على وقت فاقته
ذبحني بعينٍ ما تحملت شبحها =
الموت في خّز الهدب وإنطراقته
جذبني بها جذبٍ على غير شفي
=قلب الخطا من نقرة الجوف باقته
وخشم خذا من حد شامان شاره=
سيف الرويلي يحتمي به رفاقته
وخدٍ تخالط به بياضه وحمرته =
شعاع سمش الصبح عند إنطلاقته
وذبّل شفاياً كنها يوم تقترن =
جمر الغضا مع جرم سمرٍ لحاقته
وإلى انطلق مقرونها عن حصيلها
=راعي الوثاقه ما تسّره وثاقته
يتيه في منظوم بيضٍ تلالا =
لو له عشاقه ما تذكّر عشاقته

مع سلبة العاتق وما حل فوقها
=وحلق تشوف الماء معه من رقاقته
وباقي وصوفٍ يتعب الفكر عدّها=
تلاقت بجسم ينحسد في رشاقته
في ما مضا قضبني السمش والقمر
= مديون عطف ولطف منه وشفاقته
إن غبت حاكاني وإلا جيت فزلي
=بوجهٍ بشوش والغلا في طلاقته
كفه تكلمني وعينه تقولي لي =
أشياً خفيه ترجمتها حذاقته

يشكي لي همومه وشاكيه مثلها
=شكواه تطربني وشكواي شاقته
لي خاطرٍ عنده مجارٍ من الزعل=
يدراه وأدري ما يسبب حماقته
قلبين في روحين عندي وعنده=
شنّ أووافق بالمحبه طباقته

واليوم غيّر سيرة الحب بيننا
=كنسل ملف الحب وأحرق بطاقته
بيني وبينه جرهدي المسافه
=أسهر وعينه لذّة النوم ذاقته

يا قاضي العشاق شف ذي وسيمته =
في القلب وشبح وسمه اللي بناقته
ملكني بشرع الحب من دون مشترى=
لعيناه عبدٍ ما لكتني صداقته
لاجيت أجازي بالجفا راعي الجفا=
القلب يا هادي بلاويه عاقته

وسلامتكم وصح السااان بارود

تحياتي للجميع
ابو عيد

[ابوحمد الشامري]

لاهنت يا بو عيد على الاختيار الممتاز ولقد اشعلت في قلبي بارود وفتيل بهذه

القصيدة صح الله قولك ولسان قايلها والى مزيد من الابداعات يا بو عيد

تحياتي

[تركي]

السلام عليكم,,,


صح السان الشاعر ولاهنت يا بوعيد

[فيصل بن حجرف]

لاهنت يبو عيد

وصح لسان الشاعر بارود


اختيار اكثر من رائع

تحياتي

[عمهوج]

صح لسااااانك ولسااااان شاعرها

لاهنت يبو عيييد شاكرلك

تحياتي

عمهووووج

[ابن مكتوم]

لا هنت يا ابو عيد وصح لسان شاعر هذه القصيده





بن مكتوم

[الرازي]

هلا وغلا ابن مكتووم

تسلم على هالرد

تحياااتي لك
ابو عيد

[الصنفره]

القلب يـا هـادي بلاويـه عاقتـه
ولكل قلبٍ يا فتـى الجـود طاقتـه
أعزيه كوده يدرك الصبر والعـزا
حيث إن ما صابه سبايـب محاقتـه




هنا للشعر وقفة واحترام




بيض الله وجهك يالرازي

[عبدالناصر آل عبدان]

لاهنت


قصيده رائعه

صح السانك والسان شاعرها

شكرا على النقل يالقرم