لغــز .. وأتحدى أحد يحلّه .!؟ (اللى يحله له جائزه)

[مـحمـد]

السلام عليكم

مساكم الله بالخير جميع

هذا لغز شعري واتحدى من يحله سواء للشعار او غيرهم من الاعضاء

وترصد له جائزه كبيرة

يقول اللغز :

الهنوف اللي ليا جات في دربك توقف=أحترمها يالسنافي يوم وقفتها شريفه

لاتخلف عن طريق الحق لاتخلف=وقفتك عند السنافيه ماهي كليفه

[مـحمـد]

وأحب أضيف شغله لكل عضو محاوله واحده فقط

فالواحد يفكر قبل يجاوب ويتأنى

وموفقين

[عريبة الجدين]

اشارة المرور ؟؟

مجرد محاوله

[زبون كيمو]

اشارة المرور الحمراء

[مـحمـد]

لا مو الاشاره بكبرها

يالله حظ اوفر

[خيال البل]

مساكم الله بالخير
اللغزهذا له اكثر من حل
ومن حلول كلمة الحق والحقيقه
لا تقدر تنكر الحقيقه ولا تخالفها
السالفه التاريخيه نفس الشي يعني موقف صار والكل يدريبه لي جاء مجالها ماتقدر تغير طلاسمها
والحلول كثيره
لكن اللي في خاطر الشاعر شنو ماندري
وهذي رمعة خيال البل
ودمــــــــــــــــــــــــتــــــــــــــــــــــ ـــــــــــــــــوا

[خيال البل]

وانا مومن وكلي يقين انها القدره
قدرة الشخص لي جات مامنها مصد
وليت اللغز من بيتين من اجل تتضح الرؤيه

[العجمي ابو انور]

في احتمالات يمكن تكون --- الناقه

ممكن تكون الزوجه-- والله اعلم

[الهنووووف]

والله انا عندي رمعه ............ بس ما قلتوا وش الجايزة اربها ثمينه

والله ان هقوتي انها الصندوق اللي تعبون منه البنزين ولا هو بيكلف شي واجد
ووقفتها شريفه وملزوم انك تحترم وقفتها وتوقف بوزنها لجل تعبي منها بنزين

والله ماني بهينه ....................... وين الجايزة

[شيخ ال شامر]

السلام عليكم

اقول يا عجمي ولا فيها تكلف @@@ لغزك المبهم ترا حلوله كثيفة
رمعتي باقولها بليا تحسف @@@ الصلاة اللي لراعي الدين ريفه
الحل ( الصلاة )
رمعتن جات زين ما جات زين

تحيــــــــــــــــــــــــاتي

اخيك
شيخ ال شامر