|
شعر في الإبل,,,,للشاعر رجا القحطاني
يا سفينـة مـا يحركهـا شـراع =فـي بحـورْ مـا يخالطهـا بلـل
آيـة الله فيـك حكمـة وأقتـنـاع = لمحة التاريـخ فـي وجـه الأزل
كم قطعت البيد مـن دون انقطـاع =همتك فيهـا لشـرب المـا بـدل
لو تمر السهل بخطـاك الوسـاع = لاح زولك يبهـر النظـره جبـل
يا شجاعٍ سرت تحت إمرة شجـاع = الشجاعـة منـك بانجـاز العمـل
يـا كريـم مـا تطلعـت انتفـاع = من كمال البذل صمت اللـي بـذل
يا وسيع الصـدر مامنـك امتنـاع = ما يغطى طاعتك ضـرب المثـل
تحتمل ما فـوق قـدر المستطـاع = صرت ( رمز الاحتمال ) ولا جدل
ما تضيق وفـي وفـاك الاتسـاع = لـو تكاليـف الوفـا مـا تحتمـل
تستحب الارتحـال بطـول بـاع = لو نهاية رحلتـك كوكـب زحـل
ساكنك طبع الصبر خيـر الطبـاع = من سواك استكمل الصبر وكمـل
هدرتك فرحـة قـدومٍ واجتمـاع = والرغا رغبة رحيـلٍ فـي عجـل
ما الحق روعة تواصيفـك يـراع = يا جمل ما طلعت سرك 00 جُمـل
الشاعر: رجا القحطاني
التعديل الأخير تم بواسطة فيصل بن حجرف ; 28-06-2004 الساعة 07:24 PM
|
27-06-2004, 02:12 AM
العرض العادي
