عطا الله الهذلي مره أخرى!

[الخالدي الهذلي]

خالف لجل تُعرف , ولا تُعرف بدون مخالفات !!=" عنوان للمكتوب , والمكتوب حسب اقرايتـه "
خطّيت , واستخْطيت والموضوع فيه مهاتـرات=لكن مهمـا كـان , بالإمكـان قطـع ادعايتـه
عندي رساله , والرساله يا هل السبع الصفات=اتحصكم , وتخصكـم , و الليـل يـا سرايتـه
رفع الوصايه عن تجارتنـا بـدون مجامـلات=ما هو ضروري تشترون الطيب مـن شرايتـه
انتم تخيرتم دروب الشـك عـن درب الثبـات=و اغرقتم البابور قبـل النـور تبـدي رايتـه
وش عاد ينفعكم وينفعنـا ليـا طـال السكـات=ما يذبح الرجال فـي المنـزال غيـر اغفايتـه
دوّرت للأعذار ما حصلـت " للسكـر نبـات "=وأحيان ما يسْلَم صليب الشور رغـم ادرايتـه
هذي على ماقيل للموضـوع جـات امقدمـات=والثُقـل والمضمـون علقتـه علـى درايتـه
إن كان جاملنا عقيـم الفكـر جـات مطبـلات=نخسر ثقات القوم في أول يوم " يـا حمايتـه"
من ينقذ الغرقان والميـدان فيـه امشـاورات=والرأي عيـا لا يوافـق , والعلـوم امزايتـه
غلطه على غلطـه , تذكّرنـا العلـوم الأولات=و الحق ما يُقنع , وبعض الناس صعب اهدايته
والهادي الله , والمشاكل جات من كل الجهـات=يا أصحابنا لا تفلتـون الحبـل عنـد اسوايتـه
من لا نقد نفسـه بتنقـده الرياجيـل الثقـات=و اكبر خطا , آنا ما حسمنا الأمر عند ابدايتـه
إن كان ما نحكم مشاعرنـا تزيـد المعضـلات=و إن كان ما نأخذ على الغاوي تزيـد اغوايتـه
و اهل المحايل والحيل مثل الوحوش الضاريات=اليـا لقـت فرصـه تـدور للنجـاح انهايتـه
ما عندنا استعـداد نخسـر والليالـي مقبـلات=أماّ لنـا و إلا لكـم , و الكـل نعـرف غايتـه
هذي مصالح والمصالح شرعها خذهـا وهـات=والحاسب المحسوب ما يرضـى بهـد ابنايتـه
هذا قـراري واختيـاري والنفـوس أمدبـرات=و اللي يخاويكم من الأدنيـن " هبّـت حايتـه

[محاور 5 نجوم]

الاخ الخالدي الهذلي .... بيض الله وجهك ووجه الشاعر على ذي القصيدة الجزلة بكل معاني الجزالة

في ذمتي انه جزززززززززل

واطلب منك طلب ... لو تدلني على موقع او ديوان للشاعر عطا الله الهذلي الرائع

تقبل شكري وانا متابع لقصائد عطا الله الهذلي وكلها جزله

اخوك ... محاور .. 5 .. نجوم

[الخالدي الهذلي]

الاخ محاور*****
وجهك ابيض ,وبالنسبه لما طلبت ابشر بعزك بنزل كل القصايد اللي اعرفها عنه في هذا المنتدى الراقي وسلامتك







دمت بخير احوك الخالدي الهذلي

[عيد بن شدقان]

صح السان الشاعر/عطا الله الهذلي





ولاهنت يالخالدي

اختيار رائع


الله يعطيك الف عافيه

[الوفاء]

صح الله لسان شاعرها

قصيدة اكثر من رائعة

تسلم يدك