(وحمد ابن سالم)فطيـن الا تعصـب غترتـه

[حمد بن سالم]

سلام ياعرب


شكرا يالبنت الجزله


وهذه الكيبورديه لعيونش

شاعر مافار دمه في دماغه=ما احسبه شاعر ولا آقدر قصيده
كلما شب اللهب طوح شماغه=لالتحم راس الحديده في الحديده
ان عثر ما اسوى صدوغه للمراغه=وان طمر مافك للمقفي شريده
خل شيخ براغ يقعد في براغه=والا انا عندي طواريق جديده
لاتحاكى كن داخل فمه باغه=مايميز في القريبه والبعيده
ماكسب الالفاظ من نهج البلاغه=ولاخذا الاحكام من شرع العقيده
ماعرف معنى الحرافه والصياغه=في معاني الشعر وعيون القصيده
غير ناغ الطير ياجمهور ناغه=قله ان قصيدتك هذي فريده
لو درى عنه المبندق كان داغه=طلقتن تقطع وريده من وريده

[العنود الهواويه]

صح لسانك وعلا شانك


أخوي حمد


مغسي ألـــــــــوت على الرائعــه

[حمد بن سالم]

عادش عنود وعادش هواويه
ارحبي


صح بدنش نفدا عمرش


ولكم اكثر منيش عد المطر والسيل

[علي السكران]

الاخ القدير ....... ابو سالم

صح لسانك والبنت الجزله تستاهل الهديه وهداياك البل

قصيده رائعه وبيض الله وجهك

وعزالله ان دمك فار في راسك يابو سالم

تقبل مودتي واعجابي بشعرك

اخيك / علي السكران

[محمد المجول]

حمد

صح الله لسانك

قصيده جزله من راس جزل

تقبل تحياتي

[البنت الجزله]

الاخ القدير .. حمد

مرووووور اول وراجعه لك


لا ترووووووح

[البنت الجزله]

المشاركة الأصلية كتبت بواسطة حمد بن سالم

سلام ياعرب


شكرا يالبنت الجزله


وهذه الكيبورديه لعيونش

شاعر مافار دمه في دماغه=ما احسبه شاعر ولا آقدر قصيده
كلما شب اللهب طوح شماغه=لالتحم راس الحديده في الحديده
ان عثر ما اسوى صدوغه للمراغه=وان طمر مافك للمقفي شريده
خل شيخ براغ يقعد في براغه=والا انا عندي طواريق جديده
لاتحاكى كن داخل فمه باغه=مايميز في القريبه والبعيده
ماكسب الالفاظ من نهج البلاغه=ولاخذا الاحكام من شرع العقيده
ماعرف معنى الحرافه والصياغه=في معاني الشعر وعيون القصيده
غير ناغ الطير ياجمهور ناغه=قله ان قصيدتك هذي فريده
لو درى عنه المبندق كان داغه=طلقتن تقطع وريده من وريده

صح لسانك اخي حمد

هديتك مقبوله

وانا مهما كتبت في منتدانا من اطراء للشعراء فهذا وسام لي واعرف انه لايعني للشعراء شي لانهم غنيين عن مدحي لهم وانا طالبه في مدرستكم

القصيد لشاعر(ن)حاكه وصاغه=يسبك ابياته عسى ربي يزيده

شاعر(ن)لي غاب من يملا فراغه=كنه ايصب القصايد من وريده

وكان غيره زاغه الشيطان زاغه=والله ان شيطانتى تلعن مريده

شاعره متعلمه فن الدباغه=ما تلينها عنوانين الجريده

بنت واخلي المراوغ في رواغه=والهقاوي في هل الهقوه سديده

راعي الشرغه انزيده في شراغه=وراعي الجوده نحط الجود بيده

اعذرني على قصوري

اختك البنت الجزله

[موج الأحزان]

بصراحه مدري أمدح من وأزيد على الثاني بالمدح..
الله يسامحش يالبنت الجزله أنتي وحمد ماعاد خليتوا
لنا شي من القصيد والتعبير
لكن صح لسانكم كلكم..
ولكم تحيات أخوكم بومحمدالضاعني

[حمد بن سالم]

ارحب ارحب ياعلي السكران



واعجابك تاج على الراس

لاهنت على مرورك

[حمد بن سالم]

محمد المجول صح بدنك

ولاهان راسك ياشنب