اتصل بنا البحث up a3ln usercp home
 


العودة   ::. مـنتدى قبيلـة العجمـان .:: > الـمنتديات الادبيــــــة > :: مـنتدى صـدى المشاعــر ::

إضافة رد
 
أدوات الموضوع انواع عرض الموضوع
  #1  
قديم 29-03-2007, 09:38 AM
الصورة الرمزية نـاصـر
نـاصـر نـاصـر غير متواجد حالياً
 عضو خاص
 
تاريخ التسجيل: Jul 2004
الدولة: KUW
المشاركات: 8,816
مصافحتي الأولى لصدى المشاعر( رديه بيني وبين فهيد بن عصيدان)

السلام عليكم ورحمة الله وبركاته

هذي رديه بيني وبين أخي الشاعر المبدع فهيد بن عصيدان وهذي أول قصيده لي أنزلها بالمنتدى وأتمنا انها اتحوز على رضاكم وترتقي لذائقتكم الشعريه ..
,
,


ألا يافهيد يازبن الونيّه=رفيقي فالّليال الاوليّه
صحيبك من غرابيل المحبّه= تغربل وأصبحت حاله شقيّه
الى مني دلهتْ وقلت ابسلى=عن اللي فالهوى عذب خويّه
تزاورني طيوفه في منامي=وافز وخاطري يفضى خفيّه
أبو خرسٍ تقول ان كن هدبها=محاديد السيوف الفارسيّه
إلى منّي شبحته وألتفت لي=أشوف الموت وسيوف المنيّه
ياسعدي من قبل عرفه وشوفه=حياتي من قبل عرفه هنيّه
صبرت ولين شفت السد باحي=وانا فالصبر مالي مقدريّه
وصلك الخط ياقرم العيالي= عسى عمرك مع سنينك مديّه


وهذا رد الشاعر فهيد بن عصيدان:


قصيدي جزل وإكفوفه نديّه=لجيته مايقصر بالعطيّه
يترجملي معاناة الحنايا=من إمعاناة لـ. إبيوتٍ مليّه
وعلى طاري الشعر وأهل القصايد=وعلى قدح اللّحون السامريّه
رساله جات ( صندوق الرسايل)=ياحيّ القاف .. والمرسل ياحيّه
رفيقٍ صاملٍ وقت الشدايد=ولاعنده هياط إمهايطيّه
قعدت أقراه وألاحي بيوته=قريته مرّه .. وعشره .. وميّه
بعد جتني بيوتك يارفيقي:=(هلا يامرحبا يالله حيّه)
أنا خابركْ مالك فالمحبه=ولالك فالهوى روحه وجيّه
أنا قبلك مشيت الدرب ذيّا=على عمياي والنيه مطيّه
وعذّبني رفيقٍ مايراعي=يورّدني على حوض المنيّه
يعرّض قلبي لكيّ المياسم=وِيلحق كيّته الأولى بكيّه
تركته وإنجلا همّي وغمّي=وسحبت: (إبطاقتي والتابعيّه)
وصار إيفزّ .. وإيعدّ النجومي=وصرت آناملي نومه هنيّه
أبنصح كان تسمع لنّصيحه=تقبّل وإعتبر هاذي هديّه
تغانم مخرجك .. (وإركز كراعك)=ولاتقعد على حالتكْ ذيّه
أخاف إتصير ( قيس بن الملوّح)=وتموت بحبّ ( ليلى العامريّه)

,
,
وسلامتكم

__________________
قطفت منك ماتهيا ومالاق ورميت باقي ذكرياتك خلافي..!

رد مع اقتباس
  #2  
قديم 29-03-2007, 09:58 AM
فيصل بن حجرف فيصل بن حجرف غير متواجد حالياً
 مؤسس الشبكة
 
تاريخ التسجيل: Oct 2003
الدولة: شبـكـة العجمـان
المشاركات: 16,884

السلام عليكم ورحمة الله وبركاته

الاخ القدير ناصر

صح لسانك على هذه الابيات

وصح لسان الاخ القدير فهيد بن عصيدان

بداية موفقه اخي الكريم

__________________

تموت الأسود في الغابات جوعاً= ولحم الضأن تأكله الكلاب
وعبد قد ينام على حريـرٍ=وذو نسبٍ مفارشه التراب

رد مع اقتباس
  #3  
قديم 29-03-2007, 12:59 PM
مشاعر حالمه مشاعر حالمه غير متواجد حالياً
 شاعرة
 
تاريخ التسجيل: Dec 2006
الدولة: عيـــــون أبــــوي
المشاركات: 1,076

ياسلام ياسلام

ناصر وفهيد بن عصيدان

ياحيّ الشعر الجزل والله جزلين يالقروم صحت السنتكم ولاهنتم

تحيتي لكم / مشاعر حالمه

__________________

تقوى الهجر . .
:"":
":"
ما نجبره من عافنا ماينجبر . .
:"":
":"
لا تعتذر
:"":
":"


:":":":":":

رد مع اقتباس
  #4  
قديم 29-03-2007, 04:18 PM
موهووووب 2000 موهووووب 2000 غير متواجد حالياً
 عضو فعال
 
تاريخ التسجيل: Apr 2006
المشاركات: 1,036



منت بهين ياااااانااصر

لاهنت

وصح السانك انت وفهيد

__________________

رد مع اقتباس
  #5  
قديم 29-03-2007, 04:19 PM
مسفر بن حمران مسفر بن حمران غير متواجد حالياً
 عضو ذهبي
 
تاريخ التسجيل: Jan 2007
الدولة: @ ديار الله الواسعه @
المشاركات: 964

اخوي ناصر صح لسانك وصح لسان فهيد بن عصيدان ولاهنت على النقل اشهد انها ارتقت الى ذائقتنا الشعريه ولاهنتو يالقرووووم

__________________




لا هنت يا محمد و جنوني

على التوقيع الرائع

رد مع اقتباس
  #6  
قديم 30-03-2007, 01:18 AM
عبدالله العبيد عبدالله العبيد غير متواجد حالياً
Banned
 
تاريخ التسجيل: Apr 2004
الدولة: اشبيليه . . . . المنطقة الرابعه
المشاركات: 1,876

صح لسانك يا ناصر انت وفهيد ولا هنتوا


<<<<<<<<من ورانا ناصر

الله يوفقك انشاء الله

رد مع اقتباس
  #7  
قديم 30-03-2007, 01:37 AM
الصورة الرمزية kigf
kigf kigf غير متواجد حالياً
 عضو فعال
 
تاريخ التسجيل: Apr 2006
الدولة: Kuwait
المشاركات: 3,540

الله الله





صح لسانك يا بوعامر



وصح لسان فهيد بن عصيدان



مانت بهين يالقصير

__________________





يارب إن عظمت ذنوبي كثرة
فلقد علمت بأن عفوك أعظم
إن كان لا يرجوك إلا محسن
فبمن يلوذ ويستجير المجرم
مالي إليك وسيلة إلا الرجا
وجميل عفوك ثم أني مسلم

رد مع اقتباس
  #8  
قديم 30-03-2007, 02:26 AM
بنت العجمان بنت العجمان غير متواجد حالياً
 عضو خاص
 
تاريخ التسجيل: Sep 2005
الدولة: دنيا الشقــــــــــا%%
المشاركات: 5,608

ابيات في قمة الروعه

صح لسانك اخوي ناصر وصح لسان فهيد

وفالك التوفيق

تقبل تحياتي ..اختك بنت العجمان..

__________________



رد مع اقتباس
  #9  
قديم 30-03-2007, 02:28 AM
sohab sohab غير متواجد حالياً
 عضو فعال
 
تاريخ التسجيل: Feb 2004
المشاركات: 3,168


رائع ياناصر وصح لسانك

ولسان الشاعر فهيد



اذا هاذى البدايه اذاً القادم اجمل واجمل


يعطيك الف عافيه


سوهاب

__________________

رد مع اقتباس
  #10  
قديم 30-03-2007, 02:46 AM
الصورة الرمزية عـ100ـج
عـ100ـج عـ100ـج غير متواجد حالياً
 عضو فعال
 
تاريخ التسجيل: Oct 2006
الدولة: برجي العاجي
المشاركات: 3,448

صح السااااااااانك ياناصر

راااااااائعه .. وسلسه ..ومافيك حيله


وابن عصيدان غني عن التعريف .. صح الساانه

لاهنتوا كلكم

لك أجمل تحيه

__________________
.

.

.

رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 12:49 AM.


Powered by vBulletin® Version 3.8.0, Copyright ©2000 - 2026, Jelsoft Enterprises Ltd. TranZ By Almuhajir
Design And Develop By DevelopWay

تصميم : طريق التطوير
لحلول الإنترنت والتصميم DevelopWay.com