ممكن نتعرف؟؟؟ الي يحب يعرفنا عن نفسه يتفضل يدخل

[(( سهيل ))]

اخوانى واخواتى الأعزاء
من صميم قلبى احيى جميع من خط حرفه وشاركنا
احاسيسه واجوبته على الأسئله تقبلو مودتى لكم
جميعــــــــــــــــــــــا"

[عليميه]

1- الاسم ( عند الرغبه ) :؟؟؟؟؟؟؟؟

2- الميلاد : بنفس تاريخ يوم المجاعه العالمي

3-المهنة : موظفه

4 - التخصص : البطاله المقنعه

5- الهواية : الرسم وقرائة الشعر

6- حكمتك المفضلة : إذا أكرمت الكريم ملكته

7- أكلتك المفضلة : شوربة الشوفان >>>>>إللي يسونها بالسجن....لا يروح بالكم بعيد

8- مشروبك المفضل : شاي مع حليب كرنيشن +عصاير المنجا بأنواعها

9- أجمل أيام الأسبوع : الأربعاء

10- كم عدد المضافين في ماسنجرك : 2 ومن ضفتهم ماشبكو إلا
مرتين وإختفو<<<يقولون مشغولات إلا دبلت كبدهم

11- أمنيه تمنيتها وتحققت :أسوق وانيت الوالد الله يطول بعمره

12- أمنيه تمنيتها ولم تتحقق :أغلب أمنياتي للأسف

13- أجمل رحله قمت بها :لأبها مع الوالد

14- خبر فرحت بسماعه :تخرجي من الكليه

15- خبر حزنت لسماعه :فتح الحدود الكويتيه والعراقيه

16- عضو أو عضوه ترتاح له :عيون عجميه

17- عضو أو عضوه حزنت لفراقها :.....

18- أجمل هديه حصلت عليها :سياره من الوالد لب والله قلبه

19- موقف محرج أو مضحك مر عليك :كثييييييييير

20- ماذا تحب بالدنيا :إني أشوف إبتسامة الوالد دايما إنشالله

21- ماذا يحزنك :إستعباد اليتيم+وإنقطاع الرحمه من البعض

22- ما أجمل اسم من الاناث :خديجه,عائشه,فاطمه,أسماء الصحابيات

23- ما أجمل اسم من الذكور :من جيلنا ناصر,فهد
و محمد,عمر،عثمان,علي,وباقي الصحابه

24- لونك المفضل :الأســـــــــــــــــــود ملك الألوان

25- أجمل شهور السنة :رمضان

26- أجمل فصول السنة :الربيع + الشتاء

27 - ما أجمل مراحل عمرك :الطفوله

28- أين نجد أسرارك :عندي

29- لمن تشكي همومك :لمن أسجد له

30- كلمة أخيره
يسلموووووو على هالموضوع

[(( سهيل ))]

10- كم عدد المضافين في ماسنجرك : 2 ومن ضفتهم ماشبكو إلا
مرتين وإختفو<<<يقولون مشغولات إلا دبلت كبدهم
ههههههههههههههههههههههههههههه

تسلمين خيتى على جمال بوحك

[نـاصـر]

1- الاسم ( عند الرغبه ) : ناصر
2-الميلاد : 26-2
3-المهنة : موظف

4 - التخصص : هندسة وصيانة الطرق

5- الهواية : ركوب الخيل <<< بس في الشتا والقرائة

6- حكمتك المفضلة : دع الأيام تفعـل مـا تشـاء,,,,,,,,وطب نفساً إذا حكم القضاء


7- أكلتك المفضلة : أفضل الشوي بجميع انواعه

8- مشروبك المفضل : سفن حليب خلفات <<< أدمان يستحسن اتكون الناقه بكر

9- أجمل أيام الأسبوع : الأربعاء
10- كم عدد المضافين في ماسنجرك : 23

11- أمنيه تمنيتها وتحققت : سري للغايه

12- أمنيه تمنيتها ولم تتحقق : واجد
13- أجمل رحله قمت بها : عمرة في شهر رمضان المبارك قبل سنتين انا والوالد الله يطول بعمره انشالله

14- خبر فرحت بسماعه : يوم بشروني بولد أخي ( يوم صرت عم )

15- خبر حزنت لسماعه : وفاة ولد خالي الله يرحمه


16- عضو أو عضوه ترتاح له : ما اقدر احدد جميع الاعضاء بدون أستثناء

17- عضو أو عضوه حزنت لفراقها : أغلب الأعضاء الغائبين عن المنتدى


18-أجمل هديه حصلت عليها : واجد الهدايا وكلها بالنسبه لي جميله

19- موقف محرج أو مضحك مر عليك : كنت قاعد في مجلس والموجودين اغلبهم شيبان وقام واحد من الشيبان إيعزم الرجال اللي قاعد وزاني وأنا كنت سرحان شوي يوم أنتبهت الا الشايب يعزم أنا على بالي انه يعزمني وأنا لاوالله يابو فلان والله ما أمالحك في شين انا سببه ومن ذالكلام يوم أنتبهت ان الرجال مهوب صوبي . تعال شف وجهي

20- ماذا تحب بالدنيا : رضا الرحمن ثم رضا الوالدين والسمعه الطيبه

21- ماذا يحزنك : حال الأمة الأسلامية

22- ما أجمل اسم من الاناث : نوره ريم

23- ما أجمل اسم من الذكور : شافي فهيد سلطان راكان ضيدان
24- لونك المفضل : الأزرق
25- أجمل شهور السنة : فبراير

26- أجمل فصول السنة : الربيع
27 - ما أجمل مراحل عمرك : الطفوله
28- أين نجد أسرارك : بين ضلوعي

29- لمن تشكي همومك : لله والشكوى لغير الله مذلة :

إذا ضاق صدر المرء عن سر نفسه,,,,,,,فصدر الذي يستودع السر أضيـق

30- كلمة أخيره

جزاك الله خير ياسهيل

ونبيك أتكثف تواجدك في المنتدى

[(( سهيل ))]

هلا ببو بدر وحنا موجودين معاكم على طول
انشاءالله وتسلم على المشاركه الحلوه بس
انا حبيت جوابك 19 احس بشعورك يوم انتبهت

[ضناة مرزوق]

بسم الله الرحمن الرحيم...

1- الاسم ( عند الرغبه ) ,,,,,,؟؟؟؟

2- الميلاد : اخر الثمانينات

3-المهنة : طالبه

4 - التخصص : كليه التربيه..تخصصات علميه

5- الهواية : السباحه,,القراءه

6- حكمتك المفضلة : المال يتبع المال.. والقمل يتبع الصيبان

7- أكلتك المفضلة : الذبيحه

8- مشروبك المفضل : بيبسي,,والقهوه العربيه

9- أجمل أيام الأسبوع : الخميس

10- كم عدد المضافين في ماسنجرك: 4

11- أمنيه تمنيتها وتحققت: دخول الجامعه...بس صدق ماعليها حلا

12- أمنيه تمنيتها ولم تتحقق : كليه الطب>>>صيدله

13- أجمل رحله قمت بها : الى سوريا مع نص جماعتنا

14- خبر فرحت بسماعه : ملكه اختي

15- خبر حزنت لسماعه : وفاه جدتي الله يرحمها

16- عضو أو عضوه ترتاح له : الكثير من اصقائي وصديقاتي

17- عضو أو عضوه حزنت لفراقها : بنت العجمان,, سعود الفيصل

18- أجمل هديه حصلت عليها : من اغلى الناس؟؟؟

19- موقف محرج أو مضحك مر عليك : مااذكر

20- ماذا تحب بالدنيا : ابي وامي

21- ماذا يحزنك : صديقتي واغلى ناسي وحبيبتي ورفيقه عمري بعد زواجها راح تعيش بالسعوديه وهذا الشي حييل ذابحني


22- ما أجمل اسم من الاناث : وضحه ’’

23- ما أجمل اسم من الذكور : حمد’’


24- لونك المفضل : الازرق بجميع درجاته ,,والاحمر


25- أجمل شهور السنة : ابريل ,,ويوليو

26- أجمل فصول السنة : الشتاء

27 - ما أجمل مراحل عمرك : الطفوله وياليتني ماكبرت

28- أين نجد أسرارك : عندها

29- لمن تشكي همومك : لله وثم هي

30- كلمة أخيره

شكرا لك اخوي الغالي على الاسئله الخفيفه...واتمنى من الجميع المشاركه


تحياتي لكم::--

<<<<ضنوونه

[ذهب]

بــــــــاأاأاأاأاأك ينطح بــاأاأاأاأك


ونكمل باقي الأسئله:


أمنيه تمنيتها وتحققت: تخرجي من الثانويه بمعدل يرضيني



أمنيه تمنيتها ولم تتحقق : خاص جدا ..بس حيييل قهرني هالشي


أجمل رحله قمت بها : غنوى قبل سنتين


خبر فرحت بسماعه : واااجد لايك ملكة أختي+تعميم المكافأه الإجتماعيه لطلبة الجامعه والتطبيقي+إكتساح الإئتلافيه لكل كليات الجامعه وفوزهم بالإتحاد +وان بابي يخطط لسفره
هالسنه بس يارب تكون غير السعوديه ياخي جوازي كله السعوديه خروج دخول طااح حظي




- خبر حزنت لسماعه : وفاة جدتي+وفاة خالي+وفاة الشيخ جابر +زواج أعز خوياتي لأن الزواج حييييل أبعدها عني


عضو أو عضوه ترتاح له : فتى البزابيز+حروف الحب+ صعبة المنال+الريانه+سابرج+
حضريه عمها بدوي+بنت العجمان+مليحان سابقا+تايه الغربه+حظه منسدح+جهراويه
+الشينه+أميره متنكره والكل بدووون قصووور بللي ماذكرتهم


عضو أو عضوه حزنت لفراقها : حظه منسدح+صعبة المنال+تايه الغربه+السنافيه+السؤدد


أجمل هديه حصلت عليها : عطر من أغلى نااااسي

رفيجتي دقت علي معصبه تنطرني بالسياره بتروح البيت وتخليني

أدري بتقولون عني ماني صاحيه لأن مرتين ...بس ترى والله من الساعه 12 ضبط وانا قاعده
على هالموضوع اكتب حرف واسولف مع البنات اللي عندي لذلك تأخرت..

ويالله لي عوووده مره ثالثه...سو يو ليترررررررررر

[جطلي بن فهد]

غرشوووبه اقلبي وجهش ولا عاد تعودين
هههههههههههههههههههههههههههههههههههههههههههههههههه
امزح والله اني كنت سرحااان مع الاجوبه الا رفيجتي رفيجتي بعينش


هههههههههههههههههههههههههههههه

[ذهب]

بــــــــــــاأاأاأاأك ينـــطــــــح بــــــــــاأاأاأك

موقف محرج أو مضحك مر عليك : مره كنت رايحه لبيت خوالي وطبعا هناك شنو وناسه بنات خالي على بنات خالتي وخالاتي صغار كبري درزن يعني البيت فووول بنات صراخ وهواش وسوالف محتلين البيت كله والرياجيل مالهم إلا الديوانيه ياعوينهم المهم مره جيتهم الكل ضايق خلقه مايسولفون خلصت السوالف من كثر مااشوفهم بعدين اقترحت عليهم نطلع والكل قام يقترح مكان لين استقرينا على النافوره اللي عند الكوت يوم دروا خوالي عيّوا قالوا مصابن ومدري شنو المهم قلنا لازم ناخذ معانا واحد منهم خذينا اثنين واحد عمره 12 سنه وواحد عمره 15 وكلهم الحمدلله والشكر ماعندهم غير البرّان يعني مسوين فيها انا البدوي اللي مستحيل اتحضر يوم رحنا للنافوره إلا زحمه لأن الجو كان حلو قمنا رحنا لستار بكس والله لايوريكم تفشلنا صدق أول شي تعليقات ان منقبات وبستار بكس وولد خالي يخزهم ويطردنا واحنا نقول امحق طلعه لو قاعدين بالبيت أبرك بعدين قال لنا مافيه إلا تاخذين الأكل تيك أواي وتطلعون قلنا يالله ماعليه المهم ننجز شي في هالطلعه اللي ماتسوا علينا وكل واحد تعالوا اسمعوا اشتبي اب يدونات عليها كاكاو بس بدون سكر ووحده مدري شنو عندك كيك ياويلي ويوم خلصنا طلبنا قال الجرسون حق ولد خالي تبونه سفاري قال له لا لاند كروزر
والشباب اللي ورانا قاموا يضحكون بصووت عالي قام ولد خالي يدزنا انقلعوا برا أشكالنا كااااانت شقوووووووولكم تمصخرنا على مستوى

وخلصت وملصت ادري قصه


ماذا تحب بالدنيا : مـامـي وبـابـي وخـواتـي واخـوانـي وخـوالـي وعـمانـي وأهلـي كلهم


ماذا يحزنك: الفــــــــــــراق وأقصد الموووت اللي يخطف اللي احبهم فجأه وبدون سابق إنذار
يالله يارب انك تطول بأعمار جميع المسلمين


مااجمل اسم من الإناث: مـنـال + الجـوري + ريـمـاس + ريـم + أفنـان + الكـادي

ما اجمل اسم من الذكور: عـبـدالـلـه + فـيـصـل + خـالـد + بـدر + عـبـدالعـزيـز + نـايـف
حـمـد+ فـهـد


لونك المفضل: الوردي الفاتح + السلفر + البنفسجي الفاااااااااااتح + التركواز

أجمل شهور السنه: فبراير ويونيو ويوليو واغسطس >>>>اشهر العطله فقط

أجمل فصول السنه: الربيع طبعااااااااااااا


ما أجمل مراحل عمرك : الطفوووووووووووووووووووله


أين نجد أسرارك : في قلبي

لمن تشكي همومك: لله وحده >> لأن الشكوى لغير الله مذله


كلمه أخيره:

أشكرك على الموضوع الشيق اللي كنت أحاتيه يوميا علشان أدش أكمله وادري دبلت كبودكم بمشاركتي الطويييييييييييله والمتقطعه ماعليه سامحوووني
كم غرشوووبه عندكم بالمنتدى وحده بس اذا مادلعتوها تدلعوون منووو؟؟

ويالله اشوووفكم على خير

سي يو ليتررررررررر