البارحه جتني بنات التفاكير=يوم الطواري فوق راسي تحومي
استرجع الذكري بذيك المشاوير=يومي علي المقناص دايم عزومي
انا هواي ورغبتي هدة لطير=وانا هوي ادوج بين الحزومي
وانا هواي دلال صفر مباهير=اشرب من الفنجال وانسي همومي
اشب ضو في ذري فية عصير=واباٌشر اصحاب كرام حشومي
احب لكن مهب مثل سالم الزير=ومن رغبتي بالطير اشري واسومي
وقت القنص ماحسب حساب الدنانير=والرزق عند اللي بخلقه رحومي
كل علي ماقيل في وجهته غير=يتبع هواه وكل نفس تهومي
ومن وجهتي ماضنتي باخلف السير=مادام فيها طيبات علومي
الطير وما ادراك ياصاحبي الطير=لاصرت أنا وياه انسا همومي
الشاعر / سعود بن غصاب الجوفان
07-07-2007, 02:48 PM
العرض العادي
