تـمّــر السـنـيـن الله يـسـلـمـك ويـعـافـيـك = وقـوّي العـزوم اقسـى الظـروف يتحداهـا
ماهي مشكله لا اغليت لـك واحـدٍ ناسيـك = مــع الـوقـت والايــام ,, تكـبـر وتنسـاهـا
بس المشكله لا اقفيت عني وانـا اراعيـك = وما قدّرت عيـنٍ فـي رجـاك نثـرت ماهـا
عطيتك غلاً غيري مـن النـاس مـا يعطيـك = وسلّمـت لـك روحــي بمـاهـا و مرعـاهـا
وبعد صار كن اللي حصل شي ما يعنيك؟ = الا وحـسـافـة عــشــرةٍ هــــذي اتــلاهــا
الا وحسـافـه لـيـت تـرجـع سنيـنـي ذيــك = ابـردهــا وانـســى الـمـحـبـه وذكــراهــا
ابـردهــا و ارد شـــي ٍ مـاهــو خـافـيــك = ابــرد حــبٍ تــل روحــي مـــن اقـصـاهـا
وابــرد يــوم احــن واشـتـاق لــك واجـيـك = وبــاقــي الـعـبــاد امــرهــا واتـعــداهــا
وابــرد يــوم ازعــل وازعّـلــك واراضـيــك = واقـول الخطايـا مـن هـوى البـال حيّاهـا
وابـــرد طعـنـاتـك وغلـطـاتـك و مـاضـيـك = وليالـيـك و بـيــوت القـصـيـده ومعـنـاهـا
وابــرد لـــك ذكـــراك لا مـرنــي طـاريــك = على شان مـا اعيـش الحيـاه ,, اترجاهـا
وابـــرد يـــا لـبّــا عـيـونـك ويــــا لـبـيــك = وتراحيـب روحٍ هزهـا الشـوق واضنـاهـا
وابــرد حـتـى جعلـنـي مــا اتـبـدل فـيــك = من الناس غيرك يا اجمل الناس واغلاها
وبعـد جيتنـي عـقـب الغـيـاب الله يحيـيـك = لـكْــن المـحـبـه والله مـــا عـــاد تلـقـاهـا
عسـى الله يقدينـا السنـع ونتجـمّـل فـيـك = مـــع عـالــم ٍ قـــدام عـرفــك عـرفـنـاهـا
لـــ,,مسفر ابو خشيم
05-09-2007, 11:50 PM
العرض الشجري