السلام عليكم ورحمه الله وبركاته
اما بعد.
انا كتبت لكم تكمله وانشاء الله تحوز على رضاكم.
الحلقه الثانيه والاخيره
* الرحله الى العرس*
أم محسن: تعال يابكري نفداك عندي فديتك قومي ياعفرا من اخيش جعلش القوم وجيبيله لبن من الصميل.
محسن: لا يمه مابغي توني شارب برندا من البقاله.
أم محسن: وانت من وين لك الدراهم.
محسن: خليته يسجل على ابي.
أم محسن: جعلك السلال محق ليلك من ابيك اذا قام.
عفرا: ويش ذا الريح الامحق يمه انتي تروحين اللي اروحه.
غزيل : اي والله هنا ريح مخنز وش ذا الريح يمه.
أم محسن تخز ولدها محسن.
محسن يوقف ويقول: شفيش يمه تخزين.
أم محسن: تعال هنا ويش ذا الريح الامحق اللي فيك جعلك الريح اعلم ابيك عليك يمحق ليلك ويوديك عند الغنم
وياخذ الددسن منك ياملا الوجعه.
محسن: خلاص يمه فديت كبدش معادني بعايدها جعله في خوالي اني صادق.
ويدخل سويلم مسرع ويقول: ابي قام وجاكم.
محسن طق من وجه ابيك فوق السطح.
ويدخل ابو محسن ويقول: وين العويل جعلهم الطير
أم محسن: قريب نفداك.
ابو محسن: خليهم يلحقوني للصلاه.
أم محسن: زين ابشر نفداك.
وتذهب أم محسن وتسوي قهوه وشاهي وتفرش فرشه في الحوش ( اتزين المكان لبو محسن تبي تطلبه انهم يروحون العرس )
أم محسن تمسك محسن قبل يروح الصلاه : اسمع وانا وامك اذا طلعتوا من المسجد طر لبيك العرس (العرس في هجره قريبه من هجرتهم)
محسن: ليه يمه.
أم محسن: ياولدي عشان نروح انا وخواتك وسويلم للعرس انت سمع فديتك
محسن: انزين يمه انا اللي بوديكم على الددسن.
أم محسن: معليه وانا امك.
وبعد ماطلعوا من المسجد
محسن يقول لبيه: يبه ترا عرس ( ولد ؟؟؟؟) ليله الخميس الجايه.
أبو محسن: من اللي نشدك متى عرسهم ويعطيه ذاك العلابي على افاه.ويقوله اذلف (جدامي) وشغل الوانيت عشان نروح للذود ونمر راعي الغنم.في هذه اللحظه سبكها سويلم وحط رجله للبيت ويدخل على امه
سويلم: يمه يمه ابي رضخ اخي محسن.
أم محسن:شدعوه ياحافظ شمسويله الولد يااي منه هذا شراني.
ابو محسن: ياسويلم ياسويلم
سويلم: لبيه
ابومحسن: رح مع اخيك وعبوا الدباب الزرق من الماء البيذر وانا ابيك عجل.
سويلم: ابشر يبه نفدااك
أم محسن: تعال تقهو يابو محسن لاحق على الحلال
ويقعد ابو محسن يتقهو وتعطيه ام محسن من السوالف الطيبه (تمصلح معه) قبل تفتح معه موضوع العرس
بعد ماتقهوا واستانس افتحت معه الموضوع.
أم محسن: انا طالبتك ماجيتك فيه نفدااك
أبو محسن: تم ويش انتي تبغين
أم محسن: نبغي نروح عرس( ال ؟؟؟؟؟) انا والبنيات.
ابو محسن: مافيه اخلاف الا جا يوم الخميس خلوا محسن يوديكم
أم محسن: الله لا يحرمنا منك نبغي دراهم عشان نروح لسوق البسطه
ابومحسن: اخذي اللي تبينه من البوك بس زيني الفراش (الفراش اللي قاعدين عليه)
أم محسن: الله يخليك لنا فديت روحك وابشر بسعدك
المهم ابو محسن راح على الوانتيت للبل وسويلم متعلق على الدعاميه اللي ورا.
وتدخلل ام محسن على بناتها وتبشرهم.
عفرا: ابرك سنه في خوالي اني داريه ان ابي بيوافق
غزيل: فديت خشه ابي الزينه فديت اماصيره.
وبعد ماراحوا لسوق الاثنين اللي عند مسجد العيد.
غزيل أشترت ثوب لونه احمر ومن تحت كشكش ومعه جنطه لونها اخضر أما عفرا ذويقه شوي اشترت ذوب لونه
ازرق وعلى قصه سمكه وجنطه لونها اصفر.
أم محسن شرت صماده جديده وحنا ورجعوا البيت مشي.
أم محسن توصي عفرا : اذا رجعنا البيت افلي راس اختش من القمل والصيبان عشان ماتفضحنا عند النسوان
قبل العرس بليله
قعدوا يتجهزون ويحطون الحنا على روسهم ويدينهم.
وجا يوم العرس وهم في طريقهم محسن مشغل شريط (فتى رحيمه) ومستانسين حدهم.
أاما سويلم قاعد في بدي العربانه ماله مكان قدام ( اهم شي عنده انه يروح)
المهم أم محسن توصي بناتها:
أم محسن: اسمعي عفرا اذا حطيت نقوط ابيكم قوموا بسرعه وارقصوا .
عفرا: يمه انا برقص رقصه الحصان
غزيل: اما انا برقص نغازي وعلى جنب
أم محسن: وجع تبون توجعون ارواحكم وينظلونكم على رقصكم وزينكم معصي ارقصوا سامري وبس.
عفرا: جعله بيني وبين خوالي مارقص الا رقصه الحصان ماعرف الا ذي الرقصه.
غزيل: يمه ترا انا ماكويت شعري
أم محسن: ليه جعلش المرض
غزيل: ذاله احرق علباي
المهم دخلو الحوطه اللي فيها العرس وبدا الرقص والطقاقه (أم محمد ) مدهره
ويم جا نقوط ابيهم قامت عفرا وترقص ( ولان اللي اذا رقصت وطاحه غشيانه يقولون عنها انها زينه وان العرب انظلوها) طيحت عفرا روحها يعني انها غشيانه اما غزيل مغيبه وترقص على جنب ومحد درا عنها.
وبعد العشاء دقوا على محسن بيجر.
وسلامتكم
اتمنى ان تكون التكمله اعجبتكم كر خاص لكل من تابع وانتظروو المزيد انشااء الله
الســــولعّيـــــــــــــه ..
21-11-2005, 09:51 AM
العرض العادي
