مثبت:لـي كلمه ولك بيت ... ولـي بيت ولك كلمه:)

[هند]

أسف أنا في جيتي لك تسرعت = ظنيت ألاقي فيك شي فقدته
كنت أحسبك مجروح مثلي تولعت = جربت فرقى شخص قلبك وهبته

الصقر

[al5nsaa]

واللي يذم الصقر يمسـي ويرتـاح
ما جربه فـي غبـة الجـو رايـح



البحر

[اعجمي]

يا قديم الغوص في بحر الهـوى

وش لقيت بغبة البحـر الغزيـر؟؟!!

علَم إلي جسْ شطـه واهتـوى

ما بعد جرب طويلـه والقصـــيـر

قالوا أنه من ركب موجـه دوى

من فعل مــوجه غريقه يسـتجيـر!!


عن البر

[فهد بن مطلق]

ياماحـــلا والنار يضـــوي لهبها=في فيضــة فيها الحيا مابعد شــيف

في خــــــيمة منصوبة في خببها=ودلال صـــفر ماشريته من الســيف

في مجلس فيه النشامى وأدبها=قصـــــــــيد ينقونه ولاهوب تصفــيف

وســـوالف رجال معادن ذهبها=مع قهوة تطرب هل الراس والكــيف

والجيب والعدة وباقي زهبهـــا=وســـمان ماطـبت شــــبوك وتعــــليف

2007 والسست ماسـحبها=شــــد البـــلد نقـــد ولاهوب تســـــليف

*منـــوة هل البران غاية طلبها=مطــوع العسرات نقــــرة مع الســيف

له شــــهرة ياما عقول سلبها=( فكس آر) مايحتاج مـــــــدح وتعريف

وذود شعاع الشمس عنا حجبها=جانــــا حـــــليبه دون خــلط وتغـليف

وشحنة سمر وإرطا من أرضه حطبها=النار عنوانه كروكي وتوصيف

وذبيــــــحة للضــيف لاجـــا ســـــحبها=ماحسب حسابه ولابه تحاسيف

وطــــباخ له خــبرة قديــــم كســــــبها=ماحاقه الهندي ولاسالم الشيف

هــذي منـــاتي لابطــايف ولا أبهـــــــا=وأيضا ولالندن وباريس وجنيف

هذا عـــــلاج النفس ســــاعة عطـبها=مابي المدينة بين عادم وتكييف

وصـــلاة ربي عــد ســــيل بشـــــعبها=وعداد مانبت الحيا وأزهر الريف

على النبي الهاشـــمي من عـــــربها=اللي صدع من دون كذب وتزييف

اللي بعيد


الطياره

[هند]

الغرب يصنع طائرات وصواريخ =والشرق الاوسط ضاع نفطه بلاشي
حطوا لهم في صفحة العلم تاريخ = وحــــنا بماضينا نعيد النقــــــــاشي
من عقب ماكنا جبال شواميـــــخ = صرنا تحــــــت حكم الاجانب ولاشي
شي يدوخ الراس تدويـــــــــــــخ= وشلون عقب الحر حــــــام الفراشي
اقولها والقلب اقوى من الصيخ =متى نشوف الحق في الارض ماشي
لاني ولد تاجر ولاني ولد شيـــخ = انا فقير وراس مـــــــالي معــــاشي

المساء

[عكس التيار]

مسيكِ بالخير وألا قولي مسيني = يا حلوها في لسانك لا نطقتيها
يا تاج راسي يا عزي وتكويني = يا أول حدود السعاده لا في تاليها
مهما المسافات تبعد بينك وبيني =ومهما ظروف الليالي شان حاظيها
تبقين كنك غرام عايش فعيني =وتبقى عيونك هي أحلى مانظر فيها
والله أحبك وحبك لين يرثيني =هاجس قصيدي على جامد معانيها
يا أوفى غرامٍ عرفته فأول سنيني = ولي ضاقت الروح من غيرك يسليها
يا بنت شوفك ترى وارضاك يكفيني =وباقي البشر يشهد الله ما عليّ فيها
والله غيابك وبعدك لاعب ٍ فيني =والحظ والهم وظروف ٍ أعانيها
نذر ٍ علي و نذر في ذمتي ديني = يا العشره اللي معك مانيب ناسيها
بالخير أمسيك ياليتك تمسيني =ويا لبى قلبك الا منك نطقتيها

الحمامة

[هند]

يا ذا الحمام اللي سجع بلحون = وش بك على عيني تبكيها
ذكرتني عصر مضى وفنون = قبلك دروب الغي ناسيها
أهلي يلوموني ولا يدرون = والنار تحرق رجل واطيها
لا تطري الفرقا على المحزون = ما أحب أنا الفرقى وطاريها

العود

[عكس التيار]

ريح العود الأزرق وريح الكادي

اسلم وسلم ودم واقبل قصيد صادق من صميم فؤادي =نظم حرا تميمي يفتخر في لابته مانظمه شحاده

قلتها وادري ان الطيب كايد والفتى زارع وحصادي= وكل مخلوق يلقى مازرع لاحط في ضيقات الحاده

وعد ماعاد عيد وفاح ريح العود الأزرق وريح الكادي= ختمها ياصلاة الله على صفوة قريش وجميع عباده

الوفاء

[اعجمي]

كان الوفا طبعي ترى انتي زرعتيـــــــــــــه... وشلون ما اوفي وانتي كل الوفا لي


عن الشوق

[عليك العيون تغار]

يحن الشوق لعلومك وصوتك
يسكن الوجدان..ولامن غبت لك
طيــف يبث الشوووق بغيابكــ...
عن الفراااق...