محاوره للجميع(اخر حرف وأول حرف)

[Aziz]

النوم راحه للي الهم مشقيه****ولو إن نومي من همومي بعيدي

تغفي عيوني عنه واصحى وألاقيه****في كل حزه يم فكري يعودي

رحل وانا عليه من البعد اناديه****ما اصبر على فرقاه وقلبي وحيدي

يا كبر همي اليوم ولاحدن درا فيه****ياكود قلبن بين الحنايا فقيدي

يانوم هل شوي يمكن ألاقيه****بالحلم اشوفه وعقبه اصبح سعيدي

[السنـــــافية]

عزيز انت تبدأ بحرف الدال
ولك اليــــــاء,,,

ياكيف ولعتنى واليوم تنسانى=رح فى طريقك عسى الله يرجعك ليه
خلك بعقلك ترى ذا الناس عدوانى=ومن طاوع الناس جات عينه شقاويه

[هند]

هاذي خطاويهم على قلبي اهداب =و هاذي ملابسهم و هاذي اكورهم
يارب ما يبقى بهالارض غيّاب =يارب تدري .. مت و انا انتظرهم

[السنـــــافية]

مادام ذى حالتك وقف على حدك=دور لغيرى أنا سامح معاد ابغاك
ارجو من الله تهنى بالذى عندك=لاشك تذكر جميلى ان ربنا احياك
نفسى عزيزه خلاص خلك على صدك=الله رزقنى بحبيب شوفته تسواك

[هند]

كان الوفا نجر وفناجيل ودلال=يابوي انا مبطي مبهر دلالي
صبيتها للناس فنجال فنجال=ماهمني يقضون والا قبالي
ماعزني عمٍ ولاعزني خال=أنا الذي باعز عمي وخالي

[السنـــــافية]

يابنت لايغويك من قال يهواك=جوزى عن دروب الغدر يافهيمه
صونى فؤادك لاتبوحى بلاماك=درب الهوى يابنت كله هزيمه
ان كان فعلا هو يحبك ويبغاك=خليه يذهب للعقول السليمه

[هند]

هذا اوّل الدرب أو هذا الطريق اولك= جيت آتوقّى عذابات المدى واهتديك
شوقي مسافة وهمساتك مدار وفلك=إن ماضميتك غلا ياعلني ماأرتويك
إيه اعرفك واعرف انّي من غلاك اجهلك != مرات اضمّك واخاف اني مشبّه عليك !

( مساعد الرشيدي )

[السنـــــافية]

كرهت الحب تدرى ليه لان الحب صار اسهاب=جميع الناس تصبح به وكل الناس تمسى به
وصار الحب فى غربه لان العاشقين غراب=الا وش ينبغى بالحب ليمن ضاعت الهيبه

[هند]

هلا باللي يصيب العطر بالريبة = يقول العطر .. انا زايل ويبقابي
هلا باللي يقول الورد وش ليبه = من المهدى ؟ .. انا او هو لأطيابي
هلا باللي عجزت ألقى عذاريبه = هلا باللي تحبه .. كل أسبابي

[السنـــــافية]

تفضلى يالسؤدد

يامرحبا ترحيبتن كلها احساس=باللى معاليق الضمايرمقره
لا مر ذكرك يدخل الراس نوماس=واشوف لك فى كوكب الشمس جره