وش يتفعك من حنين القلب وخلاجه وجروحه اسبابها انت ولا تعالجها

[شقران السبيعي]

أرسيت ودّك في ضميري وقفّيت
ليتك قبل تقفي خذيت الودادي

[شقران السبيعي]

ليتك رخيص ٍعندنا يوم صدّيت
ليتك مثل غيرك من الناس عادي

[شقران السبيعي]

يا زين قلبي من هواك التجى بـك
لا تجرحه زود ٍ على جرح الاشواق

[شقران السبيعي]

يا نور عيني هوى بالي وسلطانه
لا يوجع القلب حد العين وسيوفك
سبحان رب ٍ عظيم ٍ يا كبر شانه
عذروب كل الصبايا جملة اوصوفك

[شقران السبيعي]

اسلم وسلم لـي علـى مـن نـودّه
قلبي مـود وزايـد ٍ فـي وداده
قلبي مـود وزايـد ٍ فـوق حـدّه
وداد خـلانـه شـرابـه وزاده
ود السـلام لداعـج العـيـن ودّه
ما نسنس الغربي وذعذع بـراده

[شقران السبيعي]

جربـت نسيـانـك وجربت ذكـراك
واحترت ما بيـن الوهـم واشتياقـي
أحيان أسولف بك وأنا قصدي أنساك
وأحيان أحس إنك معي فـي فراقـي
وإن جيت أببعد يا بعد عينـي ألقـاك
إنت الوحيد اللي بها القلـب باقـي

[شقران السبيعي]

حاولت أغيـّب صورتـك عـن خيالـي
وعيـّا خيالـي يبتعـد عنـك ويغيـب
هـذا خطـا قلبـي وعـذري وحـالـي
وهذي جروحي مـن غيابـك معاطيـب
فـي غيبتـك مـا فارقتنـي الليـالـي
كني خلا والحزن في صدري (( الذيب ))
مقسـى غـلاك وغربتـي وارتحـالـي
أنا أشهد ان الحب له سهم ٍ مصيـب

[شقران السبيعي]

لو صابني جرح الزمن من جفاك انت
أنكر عذابي منـك وأجحـد وأكابـر
باقي على عهد الهوى مـا تهاونـت
لو ينكسر مع خاطري ألـف خاطـر

[شقران السبيعي]

خطوتي لك حلم وطيوفك سفـر
لو نسيتك صار نسيانك خطـاي
وصفك أبعد من خيالات الصـور
ما أحد بعدك بيستاهـل غـلاي
لو جرحني كذب إحساس البشـر
يكفي إنك بأصدق إحساسك معاي

[شقران السبيعي]

والله غريبه بخافي النفـس تدريـن
وانـا احسبـك داخلـي تجهليـنـه
جايز اكـون انـا مثـل ما تقوليـن
وجايـز اكـون بعكـس ماتدعينـه
هذا حسب مانتي على أيش ترسيـن
انتي احترامـك داخلـي تفرضينـه
هذا نهايـة راي , ولـك أختياريـن
( يا تقبلين الراي ، يا , ترفضينه )