( داعج العين ) ..!

[ناصـر محمد المجروب]

السلام عليكم ورحمة الله وبركاته

أبيات متواضعه للتواصل

.
.
.
.
.
.
.
.
.

ياداعج العين عينك لاتكحلها
من رمشك الليل ياخذ شكله ولونه

يـ اغلى من احلامي الي ماوصلت الها
و يـ اوفى من احساسي الي عشت من دونه

دنياي من دون شوفك ما اتحملها
ما غير اعيش الجفا واغنّي لحونه

خذني من الحزن وجروح ٍ أعابلها
لو للحزن قلب .. ما كثّر من طعونه

من أول اسهر من الفرقا واقابلها
واسهّر الليل .. لين يغمض عيونه

مليت منها ومن قسوة تعاملها
ودي أعيش الوصل وأهيم في كونه

من حولي الناس تضحك لي وازعلها
ما همنّي لو تنام الليل محزونه

أرقد بـ صدري بعيد ٍ عن مشاكلها
وأجمع من ضلوعي الحرمان وشجونه

واسق المشاعر من اشواقك ووابلها
مبطي وهي ترقب الاحساس ومزونه

أحلامي أكبر من أني اتأملها
وأمالي إني أحبه واصدق ظنونه

.
.
.

تخيب الظنون ومابقى بالرجى باقي
سهرت وغفى حلمي على وسادة الاقدار

الا ياحمام الدار أرسل له اشواقي
ووصه على وصلي الا ياحمام الدار

تعبت اكتم الاشواق في داخل اعماقي
أبي لي أمل واحد وحافز للاستمرار

اشوف الحزن خلاني بـ رجوة الساقي
ضميته محبه وارتويته جفا وأعذار ..!

.
.
تقديري ..!