لـبـيــه

[ابو محسن]

عندما تكون في غربة او في مكان بعيد عن المحبوبة ثم فجائة سمعت صوتها يناديك فكيف ترد على هذا النداء؟

لبيه

لبيه يآمن يسعد القلب طاريه = لبيه ياروحي وغاية منايا
لبيه يآمن غايتي بس اراضيه= لبيه يآمن هو يدور رضايا
لبيه يآ قلبي وراسي وعينيه= لبيه يا شمسي وأرضي وسمايا
لبيه وانت اللي على الناس مغليه = لبيه واعرف وش بقلبك غلايا
لبيه وهو اللي يبيني وانا ابيه= لبيه ومافي الكون غيره هوايا
لبيه وفي دنياه والله لأهنيه= لبيه وفي دنياي دايم هنايا
لبيه وإله الله انا اطلبه وأدعيه=لبيه يحفظ من يخصه دعايا
لبيه وحقه بالشعر ما اقدر اوفيه = ليه ويستاهل جزيل الهدايا
لبيه ثم اقول لبيه لبيه= لبيه لين اشوف زين السجايا

[ابوتركى]

ابومحسن صح السانك على هذه القصيده

الجميله لك التقدير

[عبدالله الفالح]

كاتب الرسالة الأصلية ابو محسن
عندما تكون في غربة او في مكان بعيد عن المحبوبة ثم فجائة سمعت صوتها يناديك فكيف ترد على هذا النداء؟

لبيه

لبيه يآمن يسعد القلب طاريه = لبيه ياروحي وغاية منايا
لبيه يآمن غايتي بس اراضيه= لبيه يآمن هو يدور رضايا
لبيه يآ قلبي وراسي وعينيه= لبيه يا شمسي وأرضي وسمايا

صح لسانك يالغالي كلمات جميلة ورائعة وليست بغريبة على شاعر مبدع مثلك
أتمنى لك التوفيق في قادمك وتقبل تحياتي

عبدالله آل فالح

[ابوحمد الشامري]

لا هنت يا ابو محسن على ذا القصيدة الرائعه والجميلة صح الله لسانك.

ابوحمد الشامري

[هند]

الأخ القدير ( أبو محسن )
صح لسانك
أبيات رائعه حلـــوة



السؤدد

[عيد بن شدقان]

لبيه
اي والله لبيه

ابووومحسن
صح السانك ولاهنت
يالمبدع
سجل متابعتي

[قبلةالعجمان]

صح لساااانك ...

[غريب الروح]

ابـــو محســــن ..

صـــــــــ لســــــــانــــــــك ــــــــــح مليون... ولاهنت علي القصيده الرائعه ..

[ابو محسن]

ابو تركي /
اشكرك يالغالي على المرور والمشاركة

[ابو محسن]

الاخ العزيز عبدالله ال فالح /
يشرفني مرورك يالغالي واشكرك على المرور