العالم الملقوفه

[سعــود المهــان]

قصيده اعجبتني وحبيت اني انزلها وتكون هي اول مشاركه لي وان شاء الله تعجبكم وهي للشاعر / مبارك ال خليفه

الله ,, يا كثر العالم الملقوفه
اللي تدوّر للحكي وتحوفه

تبغي تسوي حاجةٍ تشهرها
وماهيب باوضاع البشر مكلوفه

يا اهل الحكي بالله حلوا عني
الوقت وقتي والظروف ظروفه

ابكي على كيفي ولو تبكيني
غزه واريحه والوشم والكوفه

لكن على ما قيل هذي الدنيا
حتى القمر فيها يبين خسوفه

ما هو بموضوعي هموم الأمه
لكن يا زين الورده المقطوفه

مني ولا من ذا ولا من هذا
والعز ما نلحق عليه حسوفه

اقفل الموضوع هذا .. احسن
لان العرب من عارها مكسوفه



يا اهل العقول اللي تميّز شوفوا
انا لقيت رسالةٍ معطوفه

من واحدٍ توّه يبيّن وجهه
وبيّن عداواته بلفظ حروفه

وانا ترى ما ني باحب اباذخ
واسرف بخبلان الزمن وضعوفه

لكن حداني للقصيده حادي
رسالةٍ مكشوفةٍ مظروفه

وخلوني اعلمه ويش الحاصل
والارزاق بين اصحابها منصوفه

يا هيه يا مجنون يا متفلسف
الناس شافوا في وصوفك شوفه

بدري عليك تصير خصمي بدري
انا رجل ,, ما فيه شي يطوفه

في الكسب كسبي من يميني وافي
ماني بدوّر لقمةٍ محذوفه

وفي الذكر حطيت لمجالي هيبه
من فكر يسولف يرده خوفه

وفي الشعر ما ازل المعاني وايضاً
سجلت لاسمي ماركه معروفه

لامن بغيت امدح مدحت الطيّب
والطيب طيبه كسبه ومعروفه

ولا من تطرقت لحدث في العالم
تصير في وسط الحدث وتشوفه

ولا من بكيت من الزمن بكيته
تنسال منه الدمعه المذروفه

ولا من بغيت اهز عرش الباشه
يمكن يطير البشت فوق كتوفه

ولا من كتبت حروفي الملغومه
تمر مثل النظره المخطوفه

محدٍ درى عنها سوى صاحبها
وكلٍ نوى له نيةٍ في جوفه

الا الذكي لا فسّر وحللها
بتصير عنده لعبةٍ مكشوفه

اما الغزل لا قلت بيتٍ واحد
يطرب له الملهوف والملهوفه

ولا من نويت ( اشرشحك ) يا فاشل
الزقك مثل الورق في الطوفه

يعني ؟؟ ليا مني بغيت اشلك ؟
تنتف سواة الريشه المنتوفه

اصب شعري من ذهب واصوغه
وانقده مثل العمله المصروفه

وقصايدي جمهوري متابعها
ولا سمعها يمكن تشب كفوفه

يفرح ويطرب بالقصايد لاني
مانيب اغني نغمةٍ معزوفه

ميزه وانا ربي بها ميزني
وكلٍ يوصّف دايما بوصوفه

هذا .. وغيري فيه ناسٍ واجد
لكن .. يا كثر العالم الملقوفه

[قبلةالعجمان]

صح لسانك ..

[بعيد الهقاوي]

ارررحب

والله يحييك


وصح لسانك ولسان شاعرها

[عيد بن شدقان]

سعــود المهــان
لاهنت صح السانك والسان الشاعر

[هند]

سعود المهان
صح لسانك ولسان شاعرها


ننتظر جديدك


السؤدد

[سعــود المهــان]

قبله العجمان .. صح بدنك .. وصح لسان شاعرها


بعيد الهقاوي .. البقاء يالطيب
ومن قال يحيا .. وصح بدنك
مشكور على المرور

[سعــود المهــان]

ذياب ... هلا بك
وقايل مايهون وتسلم على المرور .. وصح بدنك

[سعــود المهــان]

السؤدد .. صح بدنك
وفــــــــــالك طيب

[سياسي^مستقل]

صح لسانك ولسان قايلها يالمهان


وانشهدنه صدق ياكثر العالم الملقوفه

[سعــود المهــان]

سياسي^مستقل ... صح بدنك يالسنافي ..

وتسلم على المرور