تلقـى رجـال وعيـل بـه نازليـنـي&&&وصبيـان يـام بـه ناقليـن البشـالـي (قصه وقصيده)

[راكان اليامي]

الشاعر مسفر بن علي بن الوالس من ال عاطف بن سلطان
قدم الشاعر هذه القصيدة في عهد الملك فيصل حيث كان الشاعر موجود في المنطقة الشرقية في حي الناصرية وكان له جار يدعى ابن نادر من الدواسر تقابل هو وياه في يوم من الايام عندما علمو ان الملك سوف يزور المنطقة وارادوا السلام عليه وفي نفس الوقت كان الشاعر يعد قصيدته وكان يوصي احد ابنائه بوصيه فرد عليه ابنه وقال له مالك ومالي لصغر سنه وعدم معرفته بوالده
وفيها يقول:

يالله يامعبود في كل حيني=ياواحد مافوق ظله ظلالي
تبرج لمن يصبر مع الصابريني=قد ذاق في دنياه مر وحالي
يالله بالجنة مع الفايزيني=لاروحوني صبر قبر هيالي
لقربة اليسرى تحاسب يميني=في ماقف ماعاد منه مجالي
البارحة يوم العرب نايميني=هيظت من القلب العنى ماطرالي
متذكر الذي مضى من سنيني=اخا وابن وعم وجد وخالي
كم برقة بالخبث والطيب عيني=وياكم عرفنا من قديم وتالي
من سلام الفين ياحاظرين=عداد مانشت رفايا المخالي
تحية لشيوخنا الفايزيني=والبادية والحضر شرق وشمالي
دار بها الاسلام والمسلميني=نصرتهم يالي على العرش والي
في حكم ابوعبدالله مطوعيني=بيارق لفة جموع هيالي
حنا على حسب الطلب حاظريني=وهو الملك ولي على الحكم والي
نصائح هيضتها للفطيني=فوز بها ياطيبين الرجالي
الاوله في طاعة الله وديني=ونسير في مرضى رفيع الجلالي
والثانيه نصائح الطيبيني=تحمد عواقبها وكنز ومالي
والثالثة جنب من الخايبيني=يغونك الرديان في كل حالي
والرابعة لاشفت رجل دويني=فلاتا منه في البيت عند العيالي
والخامسة لا شفت رجل حزيني=تشهم عليه يجيك ضد الليالي
ارحم وقل ياربنا ياعويني=انك تسامحني وتلطف مجالي
اسمع نصائح والدك ياضنيني=ابوك وامك ضمهم ياحلالي
لاتطاوع صافيات الجبيني=ولا تصدق لا بسات الشيالي
ولا تاخذ النمام بينك وبيني=واحذر يابوك تقول مالك ومالي.
وان جاك طلاب الخطى لاتليني=يشهم عليك وزايد بك وطالي
بين خطاك وخله يرجع هجيني=مثل العسيف المرسلات الحبالي
نفسك الي عزيتها ماتليني=وان هنتها ترخص ولا كنت غالي
البيض فيهم مثل غصن الرديني=ياسعد من صار غصن الهوى له ضلالي.
تكفين يالخفرات لاتعشقيني=الاصبي المرجله والجمالي
لا جاه الضيفان هيف السميني=ويقلط الكيفات بين الدلالي
وان جا بني عمه من الحف ديني=يرسي لماجات الحمول الثقالي
ياماحلى الفرجة وحن مجنبيني=مع بني عمي قد الفج خالي
اشوف مضهور البدو حايليني=يتلون براق سرى له شعالي
تلقى رجال وعيل به نازليني=وصبيان يام به ناقلين البشالي