كـــــــــــلمــــــــه وأبيـــــــــــــات,,,

[بخـــــــــــوت]

السلام عليكم ورحمة الله وبركاته

وأسعد الله أوقاتكم بكل خير

موضوعنا اليوم عباره عن كلمه وأبيات وهو ان يدخل عضو ويختار مسمى مثل : (( الحب - الدمع - الود - الغلا - اللهفه - الأماني - الحزن - الخوف - الحرمان ))

أي مسمى يطري في بالك والعضو اللي بعده يكتب عليها أبيات شعريه سواء من كتاباته الخاصه أو غير ذلك يحق للجميع المشاركه .

شــرط أن يتعــدى الثــلاث أبيــات ومـافـوق

مثال : عضو كتب كلمة(( الصـــــــدف )) وانا بعده أكتب .
_______________________

هو بارقٍ تستبشر العين مسراه
______________ هو مزن صيف وما رواني سرابه

ماادري وش اللي جابني له وخلاه
_____________ يسهر عيوني واحترق في غيابه

كن "الصدف" لي جابته لي موصاه
______________ وش جابه لقلبي يلين ابتلى به

ان جيت أبانسى ما قدرت آتناساه
_____________ أضيق واحس الملل والكآبه


وبعدها أختار مسمى ليشارك بها العضو مثلاً اخترت كلمة (( جـــريمــــة ))اللي بعدي يكتب أبيات فيها كلمة جريمه مثل :
________________________

نحلم ونبني مادرينا مساكين
_____________ ان الزمن مــــاله عن الغدر شيمه

والناس ماترحم قلوب المحبيـن
______________ واسم المحبه في نظرهم "جريمه "

عنك حدوني غصب وانتي تشوفين
_____________ متباشـــرين وكاســبين الغنيمه


الحين انا اختار عن شبة النار والقهوه والهيل اللي بعدي يكتب عنهاا

_________________________


أتمنى تكون واضحه الفكره ووصلت لكم بالشكل المطلوب وإن شاءالله تحوز على اعجابكم و رضاكم جميعاُ


بصراحه اعجبني المووضوع وحبيت انقله لكم

[عـزام]

يا بجاد شب النار وادن الدلالي=وأحمس لنا يا بجاد ما يقعد الراس
ودقه بنجرٍ يا ظريف العيالي=يجذب لنا ربع على اكوار جلاس
وزله الى منه رقد كل سالي=وخله يفوح وقنن الهيل بقياس
وصبه ومده يا كريم السبالي=يبعد همومي يوم اشمه بالانفاس
فنجال يغدي ما تصور ببالي=روابع تضرب به أخماس وأسداس

تسلمين يا بخوت

بصراحه خوش موضوع الله يعطيك العافيه.

اللى بعدى ابى ابيات فى الفراق والموادع.

[هند]

فكرة حلوة أختي بخوت
يعطيك العافية

قالوا توادع؟؟ قلت ياصعب الوداع = وشلون اواادع من معه قلبي وديع
قلبي معه والسر من فرقاه ضاع =صحيح من ضيع زمام امره ..يضيع

( أبيات في العتاب )

[بخـــــــــــوت]

صاحبي بالله لاتعتب عليـه العتب ماعاد تاسعه الحنايـا


الله واكبر كيف مالك مقدريه وكل ماتحمله من همي بقايا


ابيات عن النسيان

[هند]

يانعمة النسيان يا رحمة الله = لو لاك انا عزاه وش كان سويت

( الصد والهجر )

[بخـــــــــــوت]

وهذا يسؤدد طلبش امري بس


زاد الهجر مليت الصبر
راحت أيامي وأنا بنتظر والولع في داخلي ما أحتمل
عفت الحياة مالي سواه
ومهما حصل أبنتظر

أبنتظر لحظة لقاء بروي فؤادي من الظماء
يكفي ألم يكفي أجل صابر على رجوى أمل
يمكن تعود توفي العهود
ومهما حصل أبنتظر

إلى متى ياشوق تتعمد خطاك
إنت لي صادق ولا مثلك سواك
حارت الخطوة ولا أقدر في جفاك
وفي الهواء ياصاحبي كلي فداك

حيرتني أتعبتني

ومهما حصل أبنتظر


ابيات عن الأم<<<<

[اديب]

الاخت بخوت تسلمين على الموضوع...ودائما مميزه

أنا ياامي ترى مااوفيك مهما يكون = جميلك دين في عمري وربي بك موصيني

ومهما عشت لك وافي بضل الوافي المديون = لأنك روح قـلـبـي ودم في شــرايــنـي

أللي بعدي

أبيات عن الخيل لو تكرمت

[عـزام]

راكب اللى كنها الخفاق فى راس الطويله= من بنات الريح خمريه حوافرها متانى

فى مقبلها سماحه وانشراحه وتهليله= معجزه سبحان من نزل لنا سبع المثانى

الاذانى بذرتين رموش عينيها ظليله=كن مناخرها حجول الترف عود الخيزرانى
وعنقها عنق الفريد اللى يجفل من مقيله=فى نحرها نحتت الفرعون تبغا ترجمانى
والعداله ليّحت سيقانها من غير ميله=زاويه تسعين فى سيقانها رسمٍ بيانى

اللى بعدى

فى وصف الابل المجاهيم

[اديب]

الاخ عزام تسلم والله يالغالي على الإبيات الجزله في وصف الخيل

وارجع إلى واجب طويلات الرقاب = المجهم اللي لونها لون الغراب
مصنقرات وكن اذانيها حراب = فنس الخشوم أقصى هو بِدْوَانَها
كنْها تمثّل هضب نجد من بعيد = هْيَ الخيار ولا تحطَ لها نديد
يا مستمع قولي عليّ الله شهيد = هذي شهادة ما نبي كتمانها
شهادة تومن بها سبع الأراض = واهل السواليف الطويلات العراض

اللي بعدي في وصف الطير الحر