من غموض الهم

[الجويّر]

من غموض الهم والليل الظليم = ومن معاليق ٍ على الفرقا تفوح
ومن كثر مااكتم واقول اني سليم = اسفر الكتمان في قلبي جـــروح
كاتم الهجران والبعد الظليم = خايف ٍ سدّي مــن الفرقا يبوح
مادريت ان الخفا مثل الجحيم = والخطر روحي بغت مني تروح
جالس الحالي بتفكير ٍ سجيم = ومن بلاي الداخلي أقبل واروح
صار ليلي والخلا الخالي نديم = ذابل العينين ودموعي تـــشــوح
مبتلين الحب في وضع ٍ هـــزيم = حالهم خـّلا له الواشي نــصوح
والمحبه شانها شان ٍ عظيــــم = اشهد ان الحب ماعنده مزوح
الهوا بأول خطاويّه حليـــــم = وآخره ســيف ٍ لمع حدب ٍ ذ بوح
ماذكرلي عاشق ٍ عاش بنعيم = لـو ندوّر لين نوصل عهد نوح
ماذكر غير الشقا فيهم مقيم = والخساير دارجه عقب النـــجوح
غــّرني بالحب حلوات النسيم = وماحسبت حساب طيحات السطوح
لاذ كرت بغفلتي وقت ٍ قديــم = قمت أرص أيدي على صدري وانوح
ليت فرقى الخلّ من خله عديم = أو طبيب ٍ يبري ادواه الجـــــروح
أو يجي لاهل الهوا عادل حكيم= ويصبح العاشق له آمال وطموح
والرجا في عالي الشان العظيم = معطي المحتاج باليوم الشحوووح





الشــــــــاعر// ســــــــعود رتيبان آل جويّر

[فيصل بن حجرف]

صح لساانك اخوي سعوود
كلمات جميله ومعاني رائعه
ننتظر جديدك اخي القدير

[مـحمـد]

ماشاءلله ابداع يالجوير
صح لسانك ولاهنت
وبانتظار جديدك دائما .

[عـزام]

سعود بن رتيبان

قصيده جزززززززله يالقرم

وابدااااااااااااع

صح الله لسااانك مليوون ولا يكفون

[مصلح]

ما شاء الله عليك تبارك الله..
عز الله انها جزله.. لا تحرمنا من كل جديد وانا اخيك

والله العظيم القصيده كلها حلوه بس البيت ذا عاجبني حيل



لاذ كرت بغفلتي وقت ٍ قديــم
قمت أرص أيدي على صدري وانوح

الله لا يهينك ويرحم والديك يا خوك

[الجويّر]

صحة ابدانكم :

واوعدكم ان أول جديدي لكم وانتوا أولابه يالمشاكيل




وتحياتي لاهل المنتدا . وللعزيز عزام

[علي بن مبارك]

صح لساانك اخوي سعوود
كلمات جميله ومعاني رائعه
ننتظر جديدك اخي القدير

[الجويّر]

صح بدنك علي وشاكر لمرورك الكريم اخي العزيز

[AL- JOORY]

صح لسانك ولاهنت يالجوير

قصيده رائعه ,,,,,,,,,,,,,, من شاعر مبدع

[((ولد المطران))]

صح السانك ياخوي الجوير


ونرى إن شاء الله من إبداعك



وشكرا


ولد المطران ((عبدالرحمن))