لويهون الحال عزك مايهون!!!!!!! ذيبٍ أمعط فعلته قدر المقال

[صقر العجمان]

السلام عليكم ورحمة الله وبركاته.......

هذي قصيدة اقدمها لكم اتمنى ان تحظى على اعجابكم


عهد الوصال

شفت في نور القمر صورة شجون=ارتعش جسمي وخاطرني سؤال
هي قمر ولا القمر نوره حنون= اوشبه من بينهم ولا سجال
هي غزال شاقني فيها العيون=وادمنت عيني على ذيك الغزال
في صباح طلته نظرة مزون=صابني شوقٍ اسميه الخبال
بعضهم قالواحبيبك وش يكون=قلت عنبر خالطه زبدة جمال
في جوفها قلبن يموت ولا يخون=وبراسها عقلن تدوخ به رجال
كيف انااصبر من بعد ذيك الهتون=و اشهد ان الحال من عقبه محال
لاتعور قلبي بثمة ظنون= فارس احلامك عطى قلبك دلال
لويهون الحال عزك مايهون=ذيب امعط فعلته قدر المقال
دون زعلك يركب براسي جنون=وفي رضاك لغاية احلامي منال
رغم المسافة بيننا تكل المتون=لكن اني مواعدك وعد الرجال
ولو بقى بدربي موانع اوسجون=حتى ولو هم قيدوني بالحبال
ماهقيت ان الهجر عندك يمون= لاتبيع اللي شرى يبغي الوصال
مالت بقلبي على قلبك غصون=وارتوى قلبي من العشق الزلال
وان طلبت الهجر اطلبلي المنون=حتى تصدق قولتي عشقي خبال
من بدايت حبنا ذابت جفون=وشوف جفني عاد جرحه لايزال
انت بياع القلوب وانا الزبون=ابشتري قلبن يغطيه الكمال
هو بجوفك اكتبه باسمي واصون=حتى يكون فارس احلامي مثال
الله يقربني على دربك شجون=يادمعة الاشوااق في حين الزوال

تقبلوووووووها ياحبااايب

لكم تحياتي