ترى من هدّ داره .. قلّ عنـد النـاس مقـداره .. ؟؟

[الليث]

ترى من هدّ داره .. قلّ عنـد النـاس مقـداره .. ؟؟

لقد اعجبتني هذه القصيده في احد المنتديات وحبيت ان انقلها لكم..
...


(( شـرهة التفكيـر ))





ثلاثينـي تعـدّت والهقـاوي خانـهـا التعبـيـر
انّوخ هقوتـي تـاره ... وأشـد ركابهـا تـاره
انوّخها واشّـد ركابهـا .. وبعيـر بأثـر بعيـر
واشوف الوقت يطحنّـي رحـاه بجايـر اقـداره
وابوي يقول .. قدّر .. كلّ شي بها لزمن تقديـر
ترى من هدّ داره ... قـلّ عنـد النـاس مقـداره
يابوك الحرّ حـرٍّ والعصيفيـر اسمـه عصيفيـر
وانـا خابـرك حـرٍّ تفهـم المقصـود بإشـاره
ترى طير الرخم يابوك ماهو من حـرار الطيـر
ولو يعجبك في حومه .. وجنحانـه .. ومنقـاره
ولو جاك من اعاصير الزمان المر( شبه اعصير)
ترفّع خل عنـك هـروج ابـو نـواس واخبـاره
نسيت أيام كنّا .. لاظمينـا نشـرب مـن البيـر
سقى ذاك القليب اللـي تصافـق مـاه بحجـاره
حفرنـاه بيدينـا .. كلّبينـا .. عودنـا وصغيـر
زمان ٍ كان فيه الجار .. يفـدي بوْلـده .. جـاره
ليا اشتّد الهجير نقـول .. هيـن تاليتـه عصيـر
رجال ٍ ما جزعنا مـن عجـاج الوقـت وغبـاره
وعزّ نفوسنا كنه يقول .. اللـي يصيـر يصيـر
على العزّه مفاطيـم .. وعلـى الأقـدار صبّـاره
تكون بفمك تمره .. والنصيب يسوقهـا .. للغيـر
كذا .. طبع الزمان اقشر .. كذا .. الأيـام دواره
زمان ٍ عقّب النشمي على المركـى بنافـخ كيـر
وتشوف اللي يبيعـون الدجـاج اليـوم صقـاره
وانا .. رجل ٍ لمح برق ٍ .. فهلّل واكثر التكبيـر
وصلّى عالرسول احمـد .. نبـي الله ومختـاره
جهره النوض واستبشر يباسه بالمطـر والخيـر
بذاك الصيف .. واثر اكثر.. بروق الصيف غدّاره
لقى ثـروة شبابـه بأيـد حـظًّ يعشـق التبذيـر
رمى باحلـى سنينـه للهمـوم وكثـرة اسفـاره
غرس نخل الصفاري بأرض ناس ٍ يزرعون شعير
وفي جني الرطـب عيّـوا عليـه يجنّـي ثمـاره
وانا مانيب من يسكت على ضيـم الغبينـه ميـر
اشوف ان الحصانـي هالزمـان تناطـح نمـاره
يقولون العرب .. خلّ التعجّل واحسـن التفكيـر
وانا راسي لعب فيـه الصـداع وشتـت افكـاره
ولـو هدّتـك ياقلبـي سنيـن الهـم والتعـزيـر
تحمّل .. لاتكدّر .. سدّ مـآرب هدّتـه ... فـاره
بسيطه ياذنوبـي لـو تخونـك شرهـة التكفيـر
عسى ضيم السنين اللي مضـت بالعمـر كفـاره
ثلاثيني تعدت ... حلم .. ماحصّلت لـه تفسيـر
انّوخ هقوتـي تـاره ... وأشـد ركابهـا تـاره





الشـاعر / محمـد الدحيمـي

العبـدلي الصغيـر ،،

[فزاع]

صح لسانك يالليث ولسان الدحيمي ومشكور

[فيصل بن حجرف]

صح لسان محمد الدحيمي وصح لسانك اخوي الليث
واختيار موفق اخي القدير

[عيد بن شدقان]

صح السان الشاعر محمد الدحيمي

ولاهنت يالليث
اختياار في قمة الروعه
الله يعطيك العافيه

[بسكوته]

يسلمووووووووووو عالقصيده الرائعه
اختياار موفق ولاااااااهنت

[سند]

الليث

صح الله ألسانك

ولاهنت ياطيـب

تقبل تحياتي,,,

[الليث]

يعطيكم الف عافيه

عالمروور الجميل

والطله الرائعه
..........
الليث