قصيده غزليه للشاعر الشاب حسين بن شتوي الحبابي اهديها لكم هنا
رحمك الله ياقلب بقـى لـه ساعـه ويـذوب=ورحمـك الله ياعيـن تهـل الدمـع وتصبـه
صواديف الزمان مكـدره وتكـدر المشـروب=وحبيبي غايب عني وانا ابغـي اجيـه وانبـه
وقف دونه عدوي وانقصر من دونه المنـدوب=لكن وان قال الله ماعلي مـن ضايـع الشبـه
حسبت الوقت لكن مانفعني وقتـى المحسـوب=ومن يحسب زمـان الحـب يشقابـه ويتعبـه
انا مما حصلي مـن حبيبـي ماعلـى اذنـوب=جرحني جرح حب ما يلاقـي الصيدلـي طبـه
احبه حب مخلص واشهد انه غايه المطلـوب=من اسبابه قضى حالي واحب اخوه من حبـه
كلامه يشرح الخاطر وعنده معرفـه واسلـوب=وله خـد كمـا القرطـاس يقرابـه ويكتبـه
لما جيته تجيني فرحتي من كل فـج وصـوب=ولما روحت احس بخاطـري نيـران مشتبـه
اظن اللي تولع في المحبـه مستحيـل يتـوب=يقولون الهواء مثل البحـر والمـوج والغبـه
ضحي الاثنين وايش اللي جرالي والقدر مكتوب=نظرتـه فـي خيالـي وابتـدا قلبـي يرحبـه
ولقيت الجاهل اللي قام ينصحني من المحبوب=وانا فيني طبيعه لا امدح الجاهـل ولا اسبـه
يذكرني حمام الورق يـوم يغنـي المسحـوب=لما غنى علي غصـن هبـوب النـود تلعبـه
يذكرني الزمان اللي مضى والصاحب الرعبوب=يوم انه يمـد لـي فنجـال شاهـي واتعجبـه
وغيره مامعي في الناس لاصاحب ولامصحوب=مغير اطلـب كريـم مايخـاب اللـي تطلبـه
حبيبي كدر ايامـي وحولهـا عنـا وكـروب=لكن مهما عمـل مسمـوح والله ربـي وربـه
24-07-2006, 12:31 AM
العرض العادي
