(بالقلب عله) .....<> مطلوب نقد وتوجيه <>

[صعب المنال]

السلام عليكم ورحمة الله وبركاته




صابني بالقلب اليوم عله ..
علتٍ ماظن بلقى دواه
دواه مع اللي قلبي فدوةٍ له ..
محدٍ يملك علاجه سواه
حبه سطى فكري وبقلبي محله ..
افديه روحي وكل العمر يفداه
لاضاعت افكاري المشاعر تدله ..
العقل والروح ومعه القلب ينصاه
ودي معه دوم مثل ظله ..
ما افارقه لحظة ودوم بحماه
خل الصوت يطربني ارجوك خله ..
اطرب بسماعه وصرت حييل اهواه
احبك واحبك بقولها العمر كله ..
بزيد حبك ولايمكن بيوم انساه
انت حبك شي لايمكن امله ..
اعطف علي ويكفي القلب ماجاه


وسلامتكم


اتمنى ان اجد توجيه ونقد بنّاء . .

انا عندي مشكله بالوزن وللحين ماعرفت اتقنه ..


ويعطيكم العافيه


اخوكم

صعب المنال

[عبدالناصر آل عبدان]

اررحب يااصعب

وابشر بالسعد


بداية

تعريف الشعر هو الكلام الموزون المقفى ذو المعنى

يعني الشعر يرتكز على ثلاث ركائز أساسيه

الوزن

القافيه

المعنى

اذا اختل احد هذه الشروط ليس شعرا


....


سوف آخذ بيتك الأول وأقوم بتصحيحه ،،،،

قبل التعديل :
صابني بالقلب اليوم عله ..
علتٍ ماظن بلقى دواه


القلب صابه يا أهل العرف عله
....... ما أظن تبرا علته داه برداه

هذا البحر اقرب بحر تركب عليه قصيدته

وتقدر تجر طاروقه واطبق الطاروق على القصيده كامله


وهذا بيت آخر لك

قبل التعديل :

انت حبك شي لايمكن امله ..
اعطف علي ويكفي القلب ماجاه


حبك حبيبي شي إنسى أمله
،،،،،،،،، بالله تعطف كافي القلب ماجاه


وأتمنى انك تستفيد


وسامحنى على القصور


واذا اردت الاستفاده اكثر ارجع لبعض المراجع والكتب المختصه بالشعر الشعبي
وبحوره وأوزااانه

واستمع للقلطه واكثر من القراءة والاطلاع



في حفظ الله روعايته

[سمـــوم]

صح لسانك ياصعب المنال وبانتظار جديدك وان شاء الله يشهد تطور ..

[مناحي الصميل]

صعب المنال
صح لسانك ,,

قصيده رائعه
ولكن الوزن تفتقده هذي القصيده
وما قصر اخوي عبد الناصر الفهاد بالشرح

ومثلا عندك هذا البيت قبل التعديل :

خل الصوت يطربني ارجوك خله ..
اطرب بسماعه وصرت حييل اهواه

وبعد التعديل والوزن صار :

الصوت يطربني انفداك خله ..
اطرب بصوتك وصرت بالحيل اهواه

وهكذا ... استمر والله ولي التوفيق وحاول انك تغنيها على لحن اغنيه مشهوره مثل (يقول من عدى على راس عالي )

[صعب المنال]

عبد الناصر الفهاد

تسلم اخوي ويعطيك العافيه

كفيت ووفيت ..

لاعدمناك يالغالي

[صعب المنال]

اليامية

مشكوره اختي على مرورك . .

لاعدمنا طلتك الحلوه

[صعب المنال]

اخوي كاسب الطيب

مشكور وتسلم على مرورك وشرحك

لا عدمناك يالغالي ..

[صعب المنال]

القصيده بعد التعديل

وبعد لطش تعديلاتكم عليها

وان شاء الله اني اكون تعلمت وفهمت

افيدوني !!

القلب صابه ياهل العرف عله=ماظن تبرا علته داه برداه
العله منّه وقلبي فدوةٍ له=هو علاج الـقلب هو داه ودواه
حبه سطى فكري وقلبي محله=افديه روحي وكل العمر انافداه
لاضاعت افكاري المشاعر تدله=العقل ويا الروح والقلب ينصاه
ودي معه امشي مثل ظله=ودي معه دايم واطير بحماه
الصوت يطربني انفداك خله=اطرب بصوتك وصرت بالحيل اهواه
مجنون حبك,,كل العمر كله=حبك يزيد وصعب اليوم انا انساه
حبيبي حبك شي إنسى امله=بالله تعطف كافي القلب ماجاه

[مناحي الصميل]

صعب المنال

محاوله ممتازه
ولكن عندي ملاحظات على الوزن :

العلـه منّـه وقلبـي فـدوةٍ لــه ,,,, هو عـلاج القلـب هـو داه ودواه

اولا البيت هذا البيت ثقيل ومكسور

لو تستبدله بهالبيت يكون افضل بالوزن :

هو علتي وانا ترى فدوةٍ له ,,,, هو لي علاج القلب هو داه ودواه

ثانيا :
البيت هذا البيت ناقص

ودي معـه امشـي مـثـل ظـلـه ... ودي معـه دايـم واطيـر بحـمـاه

وبعد التعديل راح يصير احسن بالوزن :

ودي معه امشي كما مشي ظله ... ودي معه دايم وانا طير بحماه

ثالثا :
البيت هذا ايضا مكسور :

مجنـون حبك,,كـل العمـر كلـه ... حبك يزيد وصعب اليوم انـا انسـاه

ومع التعديل :

مجنون حبك وهذا هو العمر كله ... حبك ملك قلبي ولا اقدر انساه

وبهذه التعديلات تصبح قصيدتك اخي صعب المنال من اجمل ما يكون :

القلب صابـه ياهـل العـرف علـه .... ماظـن تبـرا علـتـه داه بــرداه
هو علتي وانا ترى فدوةٍ له .... هو لي علاج القلب هو داه ودواه
حبه سطى فكـري وقلبـي محلـه .... افديه روحي وكـل العمـر انافـداه
لاضاعت افكـاري المشاعـر تدلـه .... العقل ويا الـروح والقلـب ينصـاه
ودي معه امشي كما مشي ظله .... ودي معه دايم وانا طير بحماه
الصـوت يطربنـي انفـداك خلـه .... اطرب بصوتك وصرت بالحيل اهواه
مجنون حبك وهذا هو العمر كله .... حبك ملك قلبي ولا اقدر انساه
حبيبـي حبـك شـي إنسـى املـه .... بالله تعطـف كافـي القلـب ماجـاه

وانشالله اني قدرت اشرح كيفية الوزن بالشكل الافضل
ومستوى افكارك اخي صعب المنال راقي جدا
قلا تتوقف واتحفنا بما عندك من جديد فنحن بأنتظارك على احر من الجمر ...
وشكرا .

[سمـــوم]

صعب المنال

صح لسانك اكيد في تطورات وملحوظه ولكن مثل ماقال اخوي كاسب الطيب فيه بعض الكسور وان شاء الله اتوفق في جديدك وتكون قصيده موزونه وعقبال ما نشوفك تعدل لقصايد كاسب الطيب <<يعني عقبال ماتصير ثاني امبراطور شعري في المنتدى