فــرقــاك عــيــد وكــل خــايب وطـــيــنــــاه

[مناحي الصميل]

اضع بين ايديكم هذه المتواضعه


واعتبرها تواصل بيني وبين قلوبكم الطاهره




توكلنا على اللــه



.
.
.

هو يتّهمني بالجفا والتصدّد = ويقول عنّي عايش(ن) في معاناه
ما يدري ان العهد فيني تجدّد = دامه تجدّد يا ترى كيف ابنساه
ان كان عندك هرج لا لا تردّد = قلّي وفسّر لي كلامك ومغزاه
طعناتك اللي دايم(ن) لي تسدّد = تفسير طعناتك الا ويش معناه
ما تذكر انك دايم(ن) لي تهدّد = وتقول منهو باعنا اليوم بعناه
نوب(ن) تعوّد لي تحاول تودّد = ونوب(ن) تصد وقلبك اليوم ما اقساه
ودروب عشرتنا تراها تحدّد = وخط النهايه واضح اليوم شفناه
لا لا تقول الدرب يمكن تمدّد = فرقاك عيد وكل خايب وطيناه
الطيب في قلبي عشانك تبدّد = دوّر مثيلك دوّره لين تلقاه
وابو الوجيه الخاينه ما يعدّد = بين الرجال اللي تصدّر وتنحاه
وصويحبي في لحظة الجد ردّد = يا وين ابلقى صاحبي كيف ابنصاه
العقل وش سوّى بعد ما تشدّد = خلّى الصداقه بين تكفى وعزّاه

وسلامتكم


منــاحي بن فــهــاد آل الصمــيــل