نيـويـورك ... الجزء الثاني

[الجـادل]

مدينة نيويورك ... منهاتن

11/8- 17/8
1/9 - 4/9


كانت مدة الرحلة 6 ساعات

قربنا ننزل في نيويورك







كانت درجة الحرارة تقريبا 26 وفي هالحدود يعني معقول بالنسبة لصيف بس مو برد

لو ملاحظين كاتبه تاريخين للرحلة ،، لأن اول شي طبينا نيويورك بعدين لفينا ورجعنالها مره ثانيه ،، فدمجت المرتين مع بعض

وصلنا مطار جون كينيدي ،، طبعا ماصورت لأن ممنوع

التفتيش والإجراءات كانت طبيعيه الى حد ما ،، ما اقولكم نفس اي دوله ثانيه لأ طبعا أكثر بس انا توقعت ان راح نتبهذل بس الحمدلله كل شي اوكي

جناطنا تأخرت شوي ،، على فكره عربانة الجناط بثلاث دولارات الحمدلله ان كان معانا فجه والا توهقنا

خلصنا وركبنا تاكسي ،، تكاسي المطار تاخذ 45 دولار بس لا تنسوووووووون بخشيش السايق اهم شي

واحنا نقرب من منهاتن طلت علينا المباني ،، رمز نيويورك





وصلنا فندقنا واسمه The Waldorf Astoria





حجزنا عن طريق موقع expedia اللي قلت لكم عنه في الجزء الأول

اخترنا هالفندق بعد ما امدحوووه لنا ووصلوه السما عشان فخامته وموقعه المميز!





موقعه صج مميز في البارك أفينيو شارع 50
راح اقولكم بعدين عن الشوارع واساميهم





محد لاحظ علم الكويت ؟؟





احنا حدنا استانسنا لما شفنا العلم ...
لا توقعنا انه يكون فيه مسؤول كبير او يمكن بابا صباح ههههه
بس بعدين عرفنا انهم كل يوم يحطون علم ديره


يالله ندخل الفندق ونشوفه من داخل ونستريح شويه عشان نطلع عقب نتمشى