اغلى الهدايا منك في ليلة العيد / لـ املاك الوافي :)

[قبلة العذارى]

السلام ورحمة الله وبركاته على من اتبع الهدى



واسعد الله اوقاتكم بكل خير


وتقبل الله طاعتكم .. ومن العايدين والفايزين انشالله


استلموا عيديتكم مني

هديتي لك ياحياتي بها العيد=قلبٍ يبث اشواق عمري بدنياك
قلبٍ حوى كل الغلا .. والتناهيد=نبضه قصايد حب لاحل طرياك
حتى الدموع اللي رموز المقاريد=هليتها من فرحتي جهل .. وادراك
في صدفةٍ هزت برود المواعيد=قبل الوعد ليت .. الوعد ماتمناك
كني حسبت احسابها دون تحديد=كنت احسب ادموعي تهلي بلقياك
اثريك دمعٍ تعزف الهم تغريد=لحنك ظلام .. والغرابيل معناك
شوف العيون!! .. ولا ورى الشوف تشهيد=اغلى الرفاقه ( كيف يدها بيمناك؟؟ )
ليت البشر خانوا شباب .. ومواليد=ليت الوجود يخون .. وتصان ذكراك
معقول كان الحب تمثيل .. تقليد=معقول تغدربي .. وانا من ضحاياك ؟!!
هديتي كانت غرام .. وتغاريد=كانت خفوقٍ نابضٍ بك ويهواك
واغلى الهدايا منك في (ليلة العيد)=جرحٍ تفجر منه الابداع بأملاك!!

وتمت


وعيدكم مبارك وسلامو عليكم