ابشر ابشر بسعدي

[ناصر الخالدي]

رحت يوم السبت والوقت حاديني حدي=مغتنم لـي فرصتـن كنـت اتحرالهـا
فرصتن من خمسة اشهور بادت بجهدي=لين خلت نار شوقـي يزيـد اشعالهـا
المهم اني قطعت الطريـق الجرهـدي=خط واحـد والمكينـه يزيـد اعوالهـا
ناوين دوحة قطر والمعيـذر مقصـدي=والسما تمطر وخيـل علـي اخيالهـا
الوله مثل المطر والبطى كنـه ابـردي=والمسافه لا ابعـدت قمـت اتحلالهـا
قاضب الطاره واقول ابشر ابشر بسعدي=المغازي يا ولـد مالهـا الا ارجالهـا
كلها لعيون مـن خدهـا دايـم نـدي=من دموع الشوق ينـدا وزاد اهبالهـا
جيتها مشتاق والقلـب منـاك ايعـدي=واقفن عند المراكز وهـو يبـرا لهـا
والموظف قال وين انت رايح يا ولـدي=ما معك تفويـض والسالفـه يبغالهـا
قلتله تكفا وتكفا وتكفـا يـا اجـودي=الحمـول الكايـده مالهـا الا اجمالهـا
والردا ما يبدر الا من اسبـال الـردي=جمل الله لحيتـه يـوم عـز اسبالهـا
وانتها الاجراء والوقت ما هو لي مدي=والنشامـا فالمواقـف اتجمـل حالهـا
واستوى عقب المراكز اخطيطن سرمدي=ما تعـرف اقفـاي سيارتـه واقبالهـا
عند بالي ضايع وكل ما اقبلت اهتـدي=اثر قلبي قـد وصلهـا وريـح بالهـا
انطحتني ثم حطت يديهـا فـي يـدي=واحضنتني واغمرتني بريحـت شالهـا
والحقيقه ما حصل شي والله يشهـدي=حبها حب الشـرف والنزاهـه فالهـا
جعلها دايم تغلب علي الحـظ الـردي=وطيب ابوها يوم عنـز ونقـا خالهـا
في حياته ما بعد قـال كلمـة سيـدي=من ارجالن ذكرهـا تحتميـه افعالهـا
وادعتني واحزنتني وقالت يـا ابعـدي=ودي اصـورك والصـوره ابجوالهـا
اثرها ما تـدري امنيـن والله تبتـدي=واثرني فيها ومعها سـوات اضلالهـا
اقفت اوقفيت والحـزن خذتـه لبلـدي=البـلاد اللـي ذراهـا يعـز اعيالهـا
والاحد لحفت حزني وسـادت مرقـدي=زايدن شوقي ونـاره يزيـد اشعالهـا

[عليك العيون تغار]

صح لســـــــــــــــــــــااانكــ...وسلمت يمنـــــــــاااكــ ..
قصيده اكثر من رااائعه وجميلــــــــــه جدا..والله يعطيك العافيه عليها ..
تقبل مروري ..
اختـــكـــ:

[ناصر الخالدي]

صح ابدنك ولا هنتي علي المرور

[البليهي]

ناصر


الله عليـــــــــــــــك


ابدعت في هذه الفاخره


فعلا قصيده من جمالها حسيت اني راكب معك من يوم مسكت الخط لين رديت لبلدك



ابداع يلامير

[ام العصافير]

صح لسسسسسسسسانك يالخالدي

ابدعت بذالابيات

ماقصرت

اختك عصفوره

[ناصر الخالدي]

عليك العيون اتغار""""""""""""""""""مشكوره علي المرور والله يعطيك العافيه

[الجلمود]

اخوي الخالدي



صح السانك وبيض الله وجهك

قصيده رائعه

[ناصر الخالدي]

البليهي""""""""""الله لا يهينك علي المرور

[محمد العزام]

الخالدي ارحب و صح لسانك و بيض الله وجهك على هالرائعه ... تحيااتي

[ناصر الخالدي]

ام العصافير"""""""""مشكوره علي المرور وجعل عصافيرك ما تطير