انا وين ابلقى لي نديمٍ يعاوني = مع هجعة النايم على جرة الونه

[(هاوي قصيد)]

مسا الخير

قصيده لشاعر الكبير والعلم \ راشد ابن عفيشه الشهواني الهاجري

انا وين ابلقى لي نديمٍ يعاوني = مع هجعة النايم على جرة الونه

ونيني من ايام التوافيق طافني = مضن يوم جهلي والموده لها رنه

تداركتهم قبل التفوات وفاتني = كما قانصٍ يرفا الجوازي وطافنه

وقمت اتفكر يوم قفن وخلني = كما الشفق لا خايل ضعونٍ نحت عنه

سمحت وعكس بي جادلٍ ذكره امحني = بعيد الوطن وعيون قلبي يراعنه

يعيل ابهواه ويخلف المومن السني = وراعي النفاق يتبعه ملة السنه

يقولون من جسمه شذا المسك لابني = ويجنون من صافي عرق جسمه الخنه

هو اللي كواني كي بندان وامحني = اراوي مع غير وهو راعي العنه

تدالت ارماحه فالضماير وصابني = تمكن صوابه يوم شلفي تعدنه

وداس معلوقي دوسة الطفق لشني = هبيلٍ مشاريب الظما ما يهمنه

قريبٍ بعيدٍ مادركه كل متهني = طرايف كلامه كم هبيلٍ يغرنه

من اثمار غرسه ماحدٍ راح متهني = بعيدٍ عن الشكات واللوم والهنه

وسلامتكم