محاوره عجيبه بين ابن قضعان مع طيره ( فواز ) بعد تغييره اسمه من (دهام) الى (فواز)

[ابوحمد الشامري]

" الطير وابن قضعان "


هاذي القصيده للشاعر المعروف ضيدان بن منصور بن قضعان يقول شريت لي طير وسألت صاحبه عن إسمه فقال اسمه دهام يقول ضيدان غيرت اسم الطير إلى فواز لغرض شخصي عندي وعندما أردت ان أعشي الطير ناديت له بأسمه الجديد فواز فواز فالتفت الطير على ضيدان وقال له :

ضيدان أنا إسمي دهام ما هوب فواز= أما إدعني يا دهام ولا بلاشي
ما هوب حق تغير إسمي بلا أرماز=وأنا عذاب الخرب لا أقبلت حاشي

فرد عليه ضيدان قائلاً :

لعيون بعض الناس سميت فواز=إسمٍ يشابه لاسم صعب المناشي
اللي غلاه بثومة القلب حزاز=تقبل له طعوني وتقفي عطاشي

فرد الطير :

ما أرضى تسميني عليها ولا جاز=تغيير الإسم إلا بذبح الكباشي
إذبح تميمه وإقلب الإسم فواز=إذا ذبحت الكبش ما صار ماشي

فرد ضيدان :

قلت فواز تكفى فكني بالتلعواز=الحل عندي وإسمع العلم كاشي
لازم تشوف اللي لها القلب ينحاز=عقب (ن) تجي فواز ولا شلاشي

فردالطير :

يالله مشينا والعمر يبغي إنجاز=يا ما نجز بالهدي ولا عراشي
قم جهز اللي ذاخرينه وممتاز=وعلي الطلاق إن عزبته من معاشي

وعنما وصلا الا التي سمي الطير عليها شال ضيدان البرقع عن الطير وقال له هاذي اللي سميتك عليها فقال الطير :

أنا أشهد إني يابن قضعان فواز=واني بعد فواز جاني خراشي
ياحظ قلبك يوم في حبها حاز=كحيلةٍ ما عاشرة كل لاشي
ياليتني رجلٍ لو أمشي بمعكاز=وأنخاك وأنخى مبعدين المعاشي
وأنهض لطيف الروح وأجلا لشيراز=وإقضي بقايا العمر ما أحتر جاشي
في شرع إبن حنبل بتأكيد ابن باز=معروف راعي الحب قلبه هشاشي
وأنا لوصل ملوع الشيخ معتاز=أعوز من فراق السبوق الرواشي
أبا أتمنى والتمني به الغاز=ياليت جنحاني لخلك فراشي
أو ليتني بيجر على الورك هزاز=ولا قلم بين الجسد والقماشي

ارجوا ان تنال هذه المحاورة وهذا الجهد الشخصي رضى واستحسان الجميع
تحياتي لكم

[العماني]

لا هنت يا بوحمد وبيض الله وجهك على ذي المحاورة الأكثر من رائعة

عزالله ماقصرت يالسنافي.

وصح لسان ابن قضعان وصح لسان طيره

بس طيره غطى عليه بالشعر

تقبل تحياتي،،،

[أبو الوليد]

لا هنت يا بوحمد

اختيار موفق لهذه المحاورة الاكثر من رائعة

وصح لسان ابن قضعان والطير

تحياتي لك

[ابوحمد الشامري]

مرحبا الف بالاخ العزيز ( ابو مبارك ) واسعدني مرورك يا السنافي وتعقيبك الجميل ولا تحرمنا من هاذي الطلات الحلوه

تحياتي لك

[ابوحمد الشامري]

مرحبا بالاخ العزيز ( ابو الوليد ) واسعدني مرورك يا السنافي وتشرفت به.

تحياتي لك

[بخـــــــــــوت]

يعطيك العاافيه ابو حمد اعجبتني المحااوره صراااحه

اختيار موفق


بخــــــــــــوت

[ابوحمد الشامري]

مرحبا الف بالاخت القديره ( بخوت ) أسعدني مروركِ يا السنافيه وتعقيبكِ الجميل على القصيدة.

تحياتي لكِ

[ابوتركى]

اختيار موفق لهذه المحاورة الاكثر من رائعة

وصح لسان ابن قضعان والطير

تحياتي لك

ابوحمد

[ابو محمد_2]

صراحه محاورة ممتعه وجميله بس الطير غطا علي ابن قضعان

ومشكور ولاهنت

[مـحمـد]

اختيار موفق الاخ بو حمد

وصح لسان ابن قضعان فقصائده جميعها لاتقارن