محاوره رباعيه لمطلق الثبيتي رحمه الله ومستور العصيمي وخلف بن هذال و صياف وقد كانت في دولة الكويت عام 1411هـ
بسم الله الرحمن الرحيم
: محاوره رباعيه لمطلق الثبيتي رحمه الله ومستور العصيمي وخلف بن هذال و صياف
الحربي رحمه الله أتمنى أن تنال إعجابكم ..
مطلق الثبيتي
صياف ويا خلف هذال نبغاهم جمال جميع
حتى نحمل عليها الصبح حملتها وتشتالها
مستور العصيمي
اللي يضيع خويه ما نقول انه بدرب سنيع
واللي لقاله طماعه فالضحى ما قال هيالها
خلف بن هذال
الله يسلمك يا رجال حرك سوق تشري تبيع
بعض البضايع خساره عاطله بيدين دلالهـا
صياف الحربي
اللي تخلف عن الغزوات ماهو فالمكان الرفيع
وان شاف له نار في شط البحر مر وتعدى لها
مطلق الثبيتي
ياشين خوتك يا رجال في وقت الشتاء والربيع
عقلتها يا خلـف لكـن وليـا تطلـق عقالهـا
مستور العصيمي
ما ني بخابرك يا صياف راعي طيب والا صنيع
لكن خل القضيه يالحريبي ليـن نفضـى لهـا
خلف بن هذال
لو انك اليوم زبده يا ثبيتي فالقدح ما تميـع
ليل الشتاء يحفض الزبده ويتركها على حالها
صياف الحربي
مستور مثل الاذاعه والثبيتي فالاذعه يذيع
يا لين قالت له العمه تصلي لي وصلالها
مطلق الثبيتي
اثرك تمشنه اللي فوق جنب شعيل تقرع قريع
وان مروا الزير والا البير حطوها على جالها
مستور العصيمي
لو ما ركبها الفحل يا صاحبي ما بان فيها ظريع
صياف تومي لام الغيث بالمنديل واومـى لهـا
خلف بن هذال
مطلق تراها الوداعه والوداعه صرت انا الها وديع
ادرا عليهـا واعلقهـا علـى المعـلاق بلحالهـا
صياف الحربي
من يوم نمتوا على ديس اللبن مثل الوليد الرضيع
يحرم عليكم قـدوع التمـر والدلـه وفنجالهـا
مطلق الثبيتي
الناقصه خلها فالخرج لا تبدي بهـا كـل ريـع
والشوكه اللي تحت رجلك تبا تدخل وتصحى لها
مستور العصيمي
يا طول خطوتك يا صياف وان شفت الغني ما السريع
واليـا عقدنـا العقـد يـا صاحبـي منتـه بحلالهـا
خلف بن هذال
الناقصه ناقصه والوارده لو ضيعت ما تضيع
ارقد عليها قبل تقعدك بنت ابليـس لعيالهـا
صياف الحربي
الذيب يسرح وجحر النوم ترقد به كبار الضبيع
والناس لا شافت وجيه الذيابه ترخص اموالها
وشكــرا
اخيـــــــكم : بوفهـــــــد
الـــردي لاطـــاح جعلـــه يطيـــح ولا يقـــوم
بـــاح ســـده والنشـــامـــا ما باحت سدها
18-10-2008, 06:34 AM
العرض العادي
