ومرة بعد جا سعود وفتح له حساب وراح بعد كم يوم يبي يشوف كم في رصيده لأنه مرررررررة مطفر وش طلع له على شاشة الصراف ؟ مع إنه متأكد من رقمه السري
أنــا لـقـيـت الـبـنـك مـثــل اخـويـايـه
مايقضـي الحاجـة إلـى جـاه محـتـاج
أمـس الضحـى مريـت كـل زمـلايـه
وكـلٍ عـطـى لــه بالمعـاذيـر منـهـاج
وضنيـت باقـي فـي رصـيـدي بقـايـه
وحركت ناصٍ حارس البنـك هجـاج
ودقيـت رقـمـي صــح مـابـه روايــه
طلع على الشاشة : لا داعي للإزعاج
*******
وسعود ما عمره دخل البنك لأنه يقول
يا أهـل الوظايـف قولـوا الحمـدلله
على معوشتكم ولو رزقهـا ضنـك
أنـا وجنسـي رزقنـا لـو وصفـنـاه
حوذ الحنك مافيه زودٍ عن الحنـك
ماطـاح قـرشٍ فـي يدينـا قرشـنـاه
ودايم طفارى الله يجيـرك ويامنـك
البـنـك لــولا لـوحـتـه ماعـرفـنـاه
من قل ماندخل على موظف البنك
ماغـيـر نـقـرا لـوحـتـه ونـتـعـداه
وإن قيل هذا البنك قلنا اتركه عنـك
لاوا هـنـيــك يـالـغـنـاوي هـنـيــاه
تـرقـد وحـنـا بـالـدراهـم نـمـونـك
نفـرح إلـى مـن المعـاش استلمنـاه
ويـهــج مـنــا قـرشـنـا ويتـزبـنـك
والله يالوتصرف ربـع ماصرفنـاه
ليصيبك السكر مع الضغط والتنك
ولولا جهدنـا وجهدنـا اللـي بذلنـاه
ماتنفـخ ذروبـك وتمـلأ مخـازنـك
ميـر المقـدر مالنـا غـيـر نـرضـاه
مرزقك منـا وسقمـة أرقابنـا منـك
*******
طبعا والشاعر سعود جمعان المطيري
هو صاحب القصيدة اللي يرددون الناس بيتها الأول دايم
والقصيدة هي
لاصار جـدك ماتـرك لـك ملاييـن
ماهـوب لازم تشتـري لـه ضحيـه
قل له ياجدي جعلـك مـن المناجيـن
والله مـاتـسـوى قـيـمـة البـربـريـه
عقبتنـي للـديـن ومـصـارع البـيـن
ومن زين طبعك كاتبٍ لك وصيـه؟
لو أنت ما أخذ لك من الخد حوشين
يـوم الأراض بـلاش وسـط العليـه
إن كان تلقانـي مـن أهـل الدكاكيـن
مطـنـطـخٍ هالـحـيـن مـيــة بـمـيــه
لـكـن يـاجـدي ضحـيـتـك بـعـديـن
إن سـهـل المـولـى ثمـنـهـا عـلـيـه
حنا بوقتٍ شين وأشيـن مـن الشيـن
فيـه الخـوي مـاعـاد يـاثـق خـويـه
22-10-2008, 03:16 PM
العرض العادي
